حسبي الله على اللي طلع النت واللي طلع المودم والابتوبات 00000الى الفاره

صباح الخير خواتي كيفكم والله انا مشكلتي مشكله من دخل هالنت وهو خرب بيوت كثيره واولهم انا انا متزوجه لي 5 سنوات وعندي بنتين وزوجي طيب وكريم بس من طلع هالنت خرب كل شي صار مدمن نت بس جالس مايهمه شي ولايهتم بنا انا بديت امل كل الوقت وهو عنده ولايبي يشتري لي لاب توب يقول مايحتاج الحريم ماتمسك كمبيوترات انتبهي لبيتك وبناتك وتخيلو اذا رحت بيت اهلي الاربعاء مايجي ياخذنا ولاحتى يردعلى مكالماتي ويخلينا مايمرنا الا الجمعه انا بديت اطفش من تصرفاته بدى يسفهن وذاك اليوم كان فاتحه وراح للغرفه وفتحت سجل المحادثات لقيته يسولف مع بنتين بس مو بايميله ايميل ثاني بس انا اعرف اسلوبه بالكلام واجهته وحلف قال مب انا هذا اخوي طبعا انا ماصدقته من ذاك اليوم وانابس اشك فيه وبس اجلس بالبيت مااطلع ناشبتن له وهو ماهمه يقول ماتناظرين معي ياويلك لو تقربين وبعد فتره مليت وجودي زي عدمه بديت اطلع بس ادق عليه بالكلام وبس اتهاوش معه احس اني كرهنه احس انه يلعب من وراي وتخيلو يجي من الدوام وينام واذا قام تغدا وراح عندالاب توب لين 4الفجر واذاجيت اصحيه اصباح يتعبن اخر مره قلت والله مااصحيه وتخيلو نام ولاراح الدوام وذاك ايوم كان جالس عالنت عندنابالصاله ولايبين اجلس عنده ولااشوف معه قمت تكشخت ولبست مره وقلتله سكره خلينا نجلس مع بعض قال طيب وكل اشوي اقوله سكره يقول بعد شوي مرة 3ساعات انا عصبت غسلت وجهي ونمت وصارت اساعه 4الفجر جاء وقالي اسف والله ماافتحه بكرى قلت كلام رجال قال ايه يوم صار من بكرى اخذ الاب توب وراح المجلس قلت واين كلامك امس قال بس شوي قلت واين كلام ارجال يعني انت منتب رجال انت مراه وراح واسفهن قلت والله مااخليه واجلس اتكلم وادق عليه بالكلام وهو يقولي احمدي ربك اني مقعدك عند بناتك يقولي روحي لااجيب اورقتك واطلقك تخيلو يهزاعند بنتي اصغيره عمره 4سنين ويصارخ بوجهي قدامه وانا خايفه تتعقد واقوله يابو البنات ماتستحي ولا تخاف الله ماتخاف يجيك ملك الموت وعندك بنات ربي بيعاقبك ومن هالكلام وحتى الصلاة بدى مايصلي بوقته وحناراكبين بالسياره يشغل قران واذا قعد عندالاب توب حط اسماعات اقول وش تسمع يقول اغاني اقوله يامنافق على كيفك الدين واهاوش واصيح وبعد فتره صار يجلس بالمجلس ولا يبين اجي عنده واذا مارحت لاهلي الاربعاء يقعد عنده لين الظهر واذا بغى اللي انتم عارفين جاء يصحين يقول ابي عاد انا اتش احيانا اقوم واحيانا لا وعلى هالحال واخر مره تهاوشنا تخيلو يصك الباب حق المدخل ويقفله عشان مااجي عنده عاد انا عصبت قلت افتح الباب قال لا قالت لومافتحت الباب بكسره فتح الباب وراح دق على اخوي قال تعال خذ اختك قال اخوي انت المسئول عنه جبه انت وقال لااخوي انا اعترف اني غلطان وبعد فتره بتركه واكسره هي طفه انا اخذت اغراضي ورحت بيت اهلي قالي روحي وفكري بحياتك ومستقبلك وغيري جو وبعد فتره بجي واخذك اللي يشوفه يقول ماشاالله ماغلط مسوي نفسه بري وهو ابو المشاكل عاد هو ماصدق فرح عشان يفظاله البيت عجزت استحمل اجلس بالبيت كاني جدار ماغير انظف وانتبه لبناته وهو جالس يطقطق وانا الحين بيت اهلي تكفون عطوني حل مليت الله يسخر لكل اللي ترد علي زوجه ويخليله اولاده ويديم عليه اصحه والعافيه تكفون ردو علي