حصريا منتدى الفراشه القضية التي أشغلت العالم عن كيراتين البلو اوت برازيليان مهم

السلام عليكم ورحمة الله وبركاته :
أولاً أخواتي هذه معلومات حصريه أكتبها لكم بعد عناء وتعب بذلته اليوم في جمع معلومات تخص منتج ال
BLOWOUT KERATIN البلو اوت برازيليان كيراتين والذي له في النتائج " سمعه عالميه جيده " بل
يستخدمه بعض مشاهير هوليوود وقد ظهر في الاونه الأخيره في الصالونات السعوديه ولاقا استحسان بناتنا
مثل بنات العالمين بكل مكان بالعالم ولكن الجديد اللي عند هو :
ظهرت مؤخراً قضيه خطيره شغلت محبين البلو اوت والشركة المنتجه له وهي ان أحد الصالونات بأمريكا
قدمت شكوى بأن منتج البلو اوت سبب التهابات في الجيوب الانفيه لبعض الزبائن وتسبب في تهيج عيونهم
مما أعطى دلالة علة زيادة نسبة الفورمالدهايد بالمنتج .
طبعاً جهة صحيه اسمها OSHA بأمريكا قامت بعمل اختبار لعينه من المنتج جابه الصالون اللي اشتكى
ووجدو معلومه هددت مشروعية المنتج وهي انه يحتوي على نسبه (( عاليه )) تصل إلى 10 % من
الفورمالدهايد الغير مسموح به من وزارات الصحه الا بنسبة 0,2 .... تتطورت الأحداث وسحبت دولة " كندا "
المنتج تماماً من الأسواق بإيعاز من وزارة الصحه هناك التي حذرت من امتلاك البلو اوت أو استخدامه .
طبعاً شركة البلوت اوت ذكرت ان هالمعلومات مغلوطه لأن العينه اللي كان على أسسها النتائج كانت من
منتج مايخصهم فبعثوا عينه ثانيه للجهة الصحيه OSHA ولكن مازالت النتائج متذببه بين أن المنتج ليس فيه
خطوره على صحة الزبائن وبين أنه خطير ويحتوي على مواد كيماويه مسرطنه ونسبه عاليه من الفورمالدهايد
ومشتقاته .
المهم :
اّخر المستجدات أن الناس مقسومين إلى /
مؤيدين بقوه للمنتج وعندهم أمل ان القضيه تصير لصالح الشركه لتثبت صدقها
وبين معارضين وخايفين منه ومطالبين بسحبه فوراً وإيقاف انتاجه
شركة البلو اوت نزلت نوعيه جديده لسا ماجت السعوديه تقول انها خاليه من الفومالدهايد ومشتقاته ولكن
هذا المنتج الجديد أيضاً مازال تحت اختبارات OSHA اللي مازالت تشكك في صحة المنتج بلو اوت ..........
هذي صوره للمنتج القديم واللي موجود بصالونات السعوديه :
وهذي صوره للمنتج الجديد من نفس الكيراتين البلو اوت واللي تزعم الشركه انه مطور وخالي من
الفورمالدهايد ولكن مازال غير مؤكد هالكلام وهذي صورته :
وهذي الورقه اللي قدمتها شركة البلو اوت واللي تقول فيها ان محتويات منتجها البلو اوت الجديد امن ومافيه
ضرر بالصحه وهذي نسخه منها :
رجاء انشروا هذا المقال ضروري بكل المنتديات . ومعلومه مهمه ترى النوع الثاني البرازيلي اللي
اسمه قلوبال النتشر بالسعوديه أغلبه صيني مو برازيلي أصلي ..... فاحذرو ا.
يبقى أقول لكم أن مو أنتم بس اللي مبهورين بنتائج البلو اوت ,,,,,,,, حتى العالم اللي برا مثلكم لكن انتم
تجهلون القضيه اللي صايره بخصوص المنتج ولازم كل السعوديه تعرف ............ وانتم مخيرات ياتعملون البلو
اوت كيراتين او تنتظرون وش تنتهي عليه قضيته وأتمنى الصوالين بالسعوديه يوفرون المنتج الجديد منه بعد
التأكد من ضمانته من خلوه من الضر الصحي وأنا إن شاء الله أبلغكم بمستجدات القضيه .
بنات لاتنسوني من دعاؤكم بصفه عامه وان الله يبارك لي في شعري وصحته وجماله وطوله وكثافته .