حفلتي جريش ومرقوق انتن مثلي

1. السلام عليكم ورحمة الله وبركاته


2. يااحلى فراشات


3. وكل وحدة حرة طبعا


4. انا مابي احد ينصحني لاني لم ولن اقتنع بهالخرابيط

السلام عليكم ورحمة الله وبركاته

يااحلى فراشات

عندي سرخطير بقوله .......بصراحة ما ادري كيف بابدى لكن انا متزو جة من اكثر من سبع سنوات والحمدلله واموري ماشية اذكروا الله .. لكن فيه شي غريب لاحظته فيني وهو اني ما احب اسوي حفلة ميلاد او عيد زواج !!مع ان خواتي وقريباتي يحبون هالخرابيط وهم يضحكون علي ويقولون مطنشة وانا مو مقتنعة من كلامهم واضحك عليهم واذا شفت وحدة مسوية حفلة بالنت اقول في نفسي وش المتعة اللي يحسون فيها !!

وكل وحدة حرة طبعا

لان الحريم بعضهن ماعندها حسن تدبير ودها تونس زوجها وتونس عمرها وتلقينها تحوس كم يوم علشان هالحفلة وتحط الكيكة والشموع ويدخل زوجها ويشغل المباراة والا ياخذ الكيكة المسكينة ويوديها عند امه واخوانة وتنصدم الزوجة وهذي السالفة قد صارت لقريبتي.
انا بصراحة ما الوم الرجال يعني غصب يصيير رومنسي.!!!!!!!. ...خ.
الزبدة ان الحرمة السنعة هي اللي تعرف متى وكيف تحتفل يعني تراعي نفسية وظروف زوجها
عني اناظروفي المادية كويسة والحمدلله و اذا فكرت اغير اطبخ كم طبخة من اللي يحبها سي السيد ومن اهمها المرقوق والجريش <<<حفلة شعبيةخ

انا مابي احد ينصحني لاني لم ولن اقتنع بهالخرابيط

نعم انا ملولة واحب التغييرمن فتره والثانية لكن مااحب اربطها بشي معين مثل ميلاد او زواج <<مع اني اشوف انها ماتجوز لانها تشبه بالغرب وحتى لوهي جائزة اناماحب هالحركات متى ماشتهيت اغير اغيرعشان اونس عمري مولازم مناسبة وعلى فكرة زوجي مو رومانسي ابد وانا مقتنعة بحياتي والحمد لله
بس فيه نقطة احب اوضحها
ان السعادة الزوجية مو متوقفة على الامور هذي
والسؤال
فيه وحدة مثلي وهل تشوفين ان الحفلات هذي ضرورة