حلا الدبسيه طعمها خيال

السلام عليكم ورحمة الله وبركاته اشحالكم بنات ان شالله الكل بصحه وعافيه يمكن هالحلا موغريب او اول مره تسمعون عن هالحلا بس حبيت اكتبه لكم ............ مافي اسهل من طريقته ووطعمه خيال يذوب في ثم .... المقادير: علبتين قشطه كاسين طحين ملعقه بيكنج بودر دبس للحشوه: جبن كيري الطريقه : تخلطين القشطه مع الطحين والبيكنج بودر جيدا لمن تحصلين ع عجينه متماسكه تالي تاخذين قطعه صغيره وتحشينها بجبن كيري >>>تشبه عش النحل اذا خلصتي من حشوها تحمين زيت غزير وتالي تقلينها اذا حسيتي انه تغيرلونه وصار لونه اشقر شيليه وحطيه في مشل او في ورق الي يمتص الزيت.... تاخذين جدر وتحطين فيه دبس وتحطينه ع النار لمن تحسين انه ذاب شيليه ع طول تحطين الي سويته ع الدبس وتقلبينه اشوي اشوي لمن تحسين انه تداخال الدبس مع بعض وتحطينه في صحن التقديم وصحتين ع قلوبكم عسى هالحلا يعجبكم
هالله هالله في الردود السنعه يا فرشات الحلوين