حلا لذييذ و أسهل منه ماافي

ا لسلام عليكم ورحمة الله وبركاته
بما إني جديدة جداً عالمطبخ ... بديت اتعلم الأشياء السهلة جداً والخفيفة
فسويت دا الحلا انا وصحبتي مرة بعدين سويته في بيتنا ... وطلع طعمه يجنن
(للأمانة انا جبته من النت من وحدة من المنتديات ما اعرف مين اللي اخترعه اكيد مو انا خ)
اخواني اتضاربوا عليه ...... واليوم رايح ابويا عزيمة وسويتله هوا <<<<< فرحانة بالحلا حقها !!
المهم مالكم بالطويلة على قولهم ... خليكم مع الحلا ..
المقادير :
الطبقة الأولى:
2 علبة بسكوت شاهي
ملعقطة طعام بينج بودر
بيضتين
نص كأسة زيت
نص كأسة حليب سائل
نص كأسة سكر
نص ملعقة فانليا
نطحن البسكوت في الخلاط .... بعدين نحطه مع بقية المقادير في زبدية كبيرة ونخلطه بخلاط الكيك
الين يسير سميك شوية ...بعدين نحطه في صينية بايركس ونحطه في الفرن على 300 فهرنهايت
لمدة 25 دقيقة او الين يسير لونه شوية بني من الأطراف
بعدين نطلعه من الفرن ونحط الطبقة الثانية
الطبقة الثانية :
3 مكعبات كيري
كاسة شاهي سكر
كاسة شاهي حليب بودرة
نص علبة قشطة
شكولاته هرشي سائلة للتزيين
نخلطهم بخلاط الكيك ..... طبعا نستنى الصينية تبرد شويةد وبعدين نسكب الخليط فوقها
بعدين نزينه بالهرشي بالشكل اللي تحبيه
وهادي النتيجة .... أنا سويت خطوط مايلة على شكل قلوب d:
وبالعافية