حلاى انا غير جرب

اليوم سويت حلى لكن ماني عارفه أسميه أنا شفته عند وحده وأعجبني ومستحيه أسأل عن الطريقه لأني ما أمون عليها فجلست أذوق الطبقات حبه حبه لين ما عرفت الطريقه 100% واليوم طبقته والله أنه جنان بالنسبه لي وللي ذاقه معي ((جيراني)) كلهم أخذوا طريقته وعلى طول شغاله تصوير والحين أكتب الطريقه والمقادير مصوره
أولاً: شعيريه باكستانيه تكون المحموسه (جاهزه ) (وإذا كانت لسى ماحمست فأحمسيها في شوي زبده)
( وظرف كريمه)
سوي الكريمه بالطريقه العاديه أنا حطيت على حسب صينيتي كوب ونصف مويه وملعقتين حليب بودره وشوي سكر وظرف كريمه ولما تبداء الكريمه تغلي حطي عليها الشعيريه المحموسه وصبيها في الصينيه وبسرعه بتتماسك معاك
وهذي صوره أقرب تشوفين كيف صار شكل الشعيريه مع الكريمه
ثانياً:
الطبقه الثانيه عباره عن
الصوره تحكي
صفي البسكوت على الكريمه طبقه وحده ودخليها الثلاجه
في هذي الأثناء حطي في الخلاط 6 حبات كيري مع نصف علبة حليب مركز محلى وصبيها على طبقة البسكوت ودخليها الفرن عشان تتماسك
وأنتبهي تسوين زيي أنشغلت شي بسيط جيت قد تحمرت شويه
وفي النهايه زينيها زي ما يعجبك والف الف صحه وعافيه
أنا قطعتها قبل ماتجمد وتتماسك لأن كان عندي ضيوف جايين فجأه
بس بصراحه أكلوه ماتركوا له أثر ولا كان نفسي أبقي لكم
هذا كلام الاخت الله يجزاها خير ,,**شموع الذكريات**
واقول لها
انا بصراحة اعجبنى مرة وقلت اجربه على ضمانة شموع,,,,بصراحة لذيذا,,,
وهذه صورى يوم سويته قبل التقطيع,,,
وبعده ,,
وانتم لكم الخيار ,,,فى التجربة وعطونا رايكم ,,,,
ودمتم واشكر غاليى شموع جزاها الله خير,,,,