حلوى رموش الست او عيون المها بالصور

1. رشة قرفة + رشة زعفران


2. الطريقة:

السلام عليكم و رحمة الله
طريقة عمل حلوى لذيذة جدا و هى رموش الست او عيون المها
المقادير:
2 ك دقيق
نص ك سميد (انا جربت دقيق البسبوسة و طلعت ناجحة برده)
نص ك سكر بودر
نص ك جوز هند ناعمة
3 بيضه
فانليا
م ص بيكج بودر
1.5 ك زيده
بيضه لدهن الوجه
الشربات
1ك سكر
1.5 ك ماء
1 ليمونة

رشة قرفة + رشة زعفران

الطريقة:

نخلط الزبدة مع السكر البودر لحد ما يتحول الى كريمة بعد كدة نضيف البيض و نضرب كويس بالمضرب الكهربة او معلقة خشب و بعد كدة نضيف الدقيق و الجوز الهند و السميد و الفانيليا و البكينج بودر و نعجن كويس لحد ما العين كله يتماسك و مايلذقش فى الطبق.
بعد كدة نشغل الفرن على حرارة 180-200 و نسيبه..و نجيب الصينية او الصاج و ندهنه زبدة و بعدين ناخد كور من العجين قد حبة المشمش او اصغر شوية (نخلى بالنا ان العجينة هتنفش شوية) و نكورها و نحطها فى الصاج و نسيب بينها مسافات كافية
بعد ما نخلص الكمية كلها نجيب شوكة و نضغط براحة على الكور علشان تنفرد شوية و كمان يبقى ليها شكل جميل و ممكن نضغط بس بجنب الشوكة فى نص العجينة
بعد كدة ندهن الوش بيض و ندخلها الفرن و نسيبها من 20 دقيقة الى 30 دقيقة حسب حرارة الفرن بتاعك
طبعا احنا هنكوم مجهزين الشربات من قبل ما نبدا العجن علشان يبرد و هو ان احنا نحك السكر و الماء و الليمون و القرفة و الزعفران على النار لحد ما يغلو او لحد ما يبقى الشربات تقيل شوية زى ما انتى تحبى بس يفضل انه يبقى خفيف علشان يتشرب كويس
اول ما العجينة بتاعتنا تحمر من فوق نطلعها علطول و نصب عليها الشربات شوية شوية لحد ما تتشرب خالص من الشربات
بعد كدة نسيبها تبرد و ننقلها فى طبق التقديم و ممكن نرش عليها جوز الهند
ياريت تجربوها و تقولولى رايوكوا ايه..انا جبتلكم شوية صور توضيحية لطريقة عمل العجينة و اخر صورة دى للى انا عملتها و شكلها و طعمها روعة و مقلكوش ريحة البيت كانت تحفة من جوز الهند