حلى ابو نقوط بالخطوات المصورة كشخة ورايق

السلام عليكم ورحمة الله
انا عضوة جديدة...اتمنى القى منكم القبول
هذا سلمكم الله حلى سميته من عندي ابو نقوط
تفضلي
وهذا من قريب؛؛
شفته عند جارتي وسويته...وبقولكم ملاحظاتي بالاخير
اولا مقادير الكيكة
4 بيض
نص كاس زيت
كاس الا ربع سكر
كاسين شوربة شوفان
ملعقة صغيرة باكنج بودره
الطريقة
تخلط جميع المقادير مع بعضها وأذا كانت ناشفة زيديها شوي ماء وتدخليها الفرن من تحت وفوق
بعدين توضع الطبقة الثانية وهي
3 فنجان حليب ناشف
و 3 فنجان سكر
و3 حبات جبن كيري<<انا حطيت فلادلفيا ماعندي غيره
وأقل من الفنجان ماء
اخلطيها زين...الين يذوب السكر بعدين جيبي الوان الطعام
اصفر واحمر وشكولاته
وخوذي مقدار ملعقتين من الخلطة وحطيه بصحن<<يعني صار كم صحن عندك؟؟؟
ثلاث صحون!!! غير المقدار الاساسي
وحطي بالصحن الاول شكولاته
بالثاني اللون الاصفر
الثالث اللون الاحمر
وشوفو الصورة
بعد ماتنضج الكيكة ..صبي فوقها الخلطة البيضاء وخليها تبرد شوي
بعدين ابدي نقطي ..حطي الاصفر نقطيه براس سكين والا ملعقة
وبعدين الاحمر
واخيرا بالشكولاته
وبعدين دخليه الفرن لمدة خمس دقايق لما تجمد الطبقة اللي فوق بعدها طلعيه وبرديه وقطعيه<<<قولي قسم
وكوليه بالعافية
ملاحظاتي
احس الشوفان طعمه قوي ...فالمرة الجاية ببدله ببسكوت مطحون واقول لكم وش صار
شئ ثاني الخلطة رائعة وتصلح لاي حلى يعني شكلها حركة والنقوط اللي فوقها تخليك تستعملينها لاي حلى
وبالتوفيق لجميع
دعواتكم لي بالنجاح والتوفيق
روعة الخاطر