حلى اكثر من روعه

السلام عليكم ورحمة الله وبركاته
أخباركم بنات أن شاء الله بخير
هذي أول مشاركه لي وأتمنى تعجبكم
اليوم جبت لكم حلى روعه مافيه أحد ماانهبل عليه << تنخطبين بعده خ
صح يبي له شغل بس يستاهل التعب
المقادير:
علبه ونص بسكوت شاهي مطحون ناعم
علبة قشطه
ملعقه صغيره مليانه كاكاو بودره
جالكسي ساده
علبة نستله
8 حبات جبن كيري
ملعقه صغيره نسكافه
بسكوت أوريو
حليب
الطريقه:
1- تجيبين فنجال القهوه وتغلفينه بالنايلون
2- تجيبين العجينه المكونه من(بسكوت الشاهي والقشطه والكاكاو) وترصينها جوا الفنجال بحيث تاخذ شكله
وهذي الصوره من قريب
3- تقطعين الجالكسي مربعات صغيره وتحطين كميه قليله داخل الفنجال
4- تجيبين الخليط المكون من (حليب نستله وجبن الكيري والنسكافه) وتضعين مقدار ملعقه كبيره في الفنجال
5- تجيبين الأوريو وتفتحينه من الوسط وبعدين تغطينه داخل الحليب شوي بس وتسكرين الفنجال فيه
وهذي الصوره من قريب
6- تسكرين النايلون على الفنجال بشويش
7- تدخلينه الثلاجه على الاقل 3 ساعات وبعدين تطلعينه وتقلبينه وتزينينه بالهيرشي بهذا الشكل
ملاحظه :
هذا المقدار ل 24 فنجال
أبيكم تجربونه وتعلموني شصار معكم
وبالهناء والعافيه
تحياتي لكم,,,