حلاوة الشطرنج اللي راح تبهر الكل و بيسألونج عنها بالصور

مرحبا
ويسعد الله مساكم بالخير والمسرات ..
حلاوة الشطرنج واتمنى انه يعجبكم
المقادير:
كيك امريكانا بالشوكولاته المستطيل
1 قشطه
1 دريم ويب
6 كيري
1 كريم كراميل
و للوجه:
1 كريم كراميل + كاس الى كاس ونصف سفن اب
الطريقة:
اول شي تجيبين كيك امريكانا المستطيل بالشوكولاته
و هذي صورته
و تقطعينه شرائح
و بعدين تصفينه بالصينيه بشكل متساوي و مرتب بدون فتحات
خلي كل الشرائح بنفس العرض عشان يكون السطح مستوي
و بكذا خلصت الطبقة الاولى و بيكون شكلها :
الطبقة الثانية:
تخلطين في الخلاط
6 حبات كيري - 1 قشطة - 1 مغلف دريم ويب - 1 كيس كريم كراميل و هذي صورتهم بعد ...
و تصبين الخليط بالتساوي على الكيك اللي في الصينيه بهذا الشكل:
الحين نجي للشي المميز في هذا الحلا و هو شكل الشطرنج....
تجيبين بسكوت كتاكيت مولتو
تجيبين اللي بالشوكولاته و الابيض على فكره حجمه صغير اصغر من حجم بسكوت الشاي
و هذا هو
و تبدين ترصينهم على شكل شطرنج يعني وحده بيضاء وحده بنيه بهذا الشكل:
لحد ما تصير الصينيه بهذا الشكل (انا مسويه صينيتين المقادير اللي اعطيتكم لصينيه وحده)
و اخر شي الطبقة الاخيرة هي
تحطين كاس الى كاس و نصف سفن اب على النار (على حسب رغبتك تبغين الطبقة خفيفه او اسمك)
و تضيفين عليه كيس كريم كراميل و تحركينه شوي بعدين تصبينه بحذر على الصينيه
اللي راح يكون شكلها النهائي:
و
بالعافية ..