حلى البرتقال

بسم الله الرحمن الرحيم
السلام عليكم ورحمة الله وبركاته
كيفكم بنات
جربتوا حلى البرتقال؟
أبي أبعلمكم عنه شكله مرة حلو - مثل ماتشوفون في الصورة - والطعم مرة حلو لأنه غريب كأنه من حلويات السفرة لأن فيه جلي!
ويتكون من عدة طبقات ويحتاج وقت في التصليح لأن فيه فرن وثلاجة وشغل..
الطبقة الأولى:
2ك حليب محموس + ك سكر أوأقل حسب الرغبة +م b.p +ربع ك زيت أو زبدة +4 بيضات +1قشطة تخلط وتصب في صينية مدهونة ثم في الفرن حتى تستوي
الطبقةالثانية:
علبة نستله+ علبة جبن مثلث - 8 حبات تقريبا توضع في الخلاط ثم تسكب على الطبقة السابقة بعد ماتبرد ثم تدخلينها الفرن من فوق شوي مش لازم تتحمر زي صينيتي أهم شي تتماسك ثم توضع في الثلاجة حتى تتماسك أكثر..
الطبقة الثالثة:
حليب ابو مصاص نكهة فراولة +1 كريمة تخلط ثم على النار حتى تغلي ثم تصب عالصينية وتدخل الثلاجةحتى تجمد تماما..
ثم تجيبين اغطية قوارير الماء الصغيرة وتصفينها عالصينية بدون ماتغرسينها بس تحطينها حط ولازم تتركين فراغات بينها عشان يبين شكل الدوائر اثناء التقطيع.
أخيرا:
تخلطين ملعقتين كاكاو بودرة+ نفس المقدار جلي فراولة ثم ترش فوق الحلا كله بما فيه الاغطية _ولاتكثرين البودرة حتى ماتنتثر عليك بس مجرد لون_
ثم تشيلين الأغطية بهدوء حبة حبة ، تطلع لك دوائر فارغة وحواليها بودرة
تقطع كل دائرة مربع وتغرسين في الطرف الغصن الصغير للنعناع وبالعافية
وهذي الصورة النهائية:
منقوول