حلى التوفي حلى قديم لكن جد لذيذ

بسم الله الرحمن الرحيم
مرحبا أحلى قمورات كيفكم
ندخل بالمهم ،، اليوم جايبة لكم حلى معروف عند كل الناس اظن
و هالحلى معروف منذ أجيال <<< طويله يعني قديم من جد ههه
و هو عبارة عن طبقتين ،، الطبقة الاولى مقادير بالخلاط ثم نصبها بالصينيه و تدخل للفرن لحد ما تستوي
و بالوقت اللي مخلينها تروق و تبرد شوي نعمل التوفي و الكل يعرفه اكيد كيف .
نبدأ بسم الله بالمقادير :
7 ملاعق حليب باودر محموس
3 بيضات
ملعقه بكنج باودر
بياله سكر ناعم
ربع بياله زيت
^
نخلط جميع هالمقادير بالخلاط
ثم نصبها بصينيه ممسوحه بزيت خفيف
ندخلها للفرن لحد ما تستوي براحتها عشان ما تحترق من تحت انتبهوا خ
و بعد ما تستوي نطلعها تروق و تبرد نعمل بهالوقت التوفي

• علبة قشطه
• 2 بياله سكر

نحط السكر بالتاوه لحد ما يذوب على النار و يصير لونه اشقر ثم يوضع عليه علبة قشطه ويخلط بسرعه حتى يذوب (( و نصيحه مني افضل شي نحرك فيه هي الملعقه الشبكيه عشان ما يتحبب معنا ))
نقدر يا بنات بعد ما نحركهم و يمتزجوا كويس نضيف كمان مقدار بياله حليب محلى المكثف و نحركهم و شوي عالنار لحد ما يمتزجوا يصير طعمه لذيذ ***
ثم يوضع على وجه الكيكه
و نخليه يبرد و يجمد التوفي و بعدين نزينه عادي ب الشوكولا السيرب او الكاراميل السيرب بعدين نقطعه و نقدمه مع القهوه
يمي بصراحه
و بالعافيه