حلى الكبتشينو من اللي تعرفه

السلام عليكم
هلا وغلا بك عيوني
ابشري والله اّلحين اعطيكياه جهزي ورقه وقلم
بسم الله
كرتون كيك اليمامه بالفانيلا(هذا في كل مكان بخمسه ريال بس مادري اهو عندكم)
1 فكي الكيك عن بعض يعني تكون الكريمه للوجه في صينيه
2 في الخلاط(باكت دريم ويب+علبه بسكوت اولكر صغير او اي17 حبه بسكوت+علبه قشطه+ملعقه كبيره نسكافيه) اخلطيهم زين
3 على النار (4 ملاعق حليب بودره+1 ونص ماء+2 باكت كريم كراميل) وبعد مايفوح حطيه على اللي في الخلاط واخلطيه زين
4 ثم اصب الخليط فوق الكيك
5 اول ماتصبين الخليط على الكيك جيبي مشخال ناعم وبودره كاكاو وحطيه على الخليط غطي كامل الصينيه بالشكلاته
يعني تصير كانها طبقه شامواء
خليه 10 دقائق برا ثم في الثلاجه
ملاحظه
الحلى لايغطى
وبالعافيه
خبريني اذا عجبك واتمنى انه يكون اللي تقصدينه
تحياتي
فاتنه زمانها
لاتنسني من صالح دعائك

اوه عزيزتي ماعليش عطيتك واحد ثاني لاكن هذا حلى الكاباتشينو
في صينيه رصي شرائح السويسرول بالفانيلا (كيك امريكانا بس عشان المقاطعه دوري له بديل)
في الخلاط(2 ظرف كباتشينو(الافضل نستله)+2 ظرف دريم ويب+2 قشطه+كاس جبن بوك صغير)
اذيبي ظرف جلاتين في نصف كاس ماء حار واضيفيه على المقادير في الخلاط واخلطيه زين
ثم تصب على الكيك ورشي فوقها الكاكاو او الجاليكسي المبشور
وبالعافيه

عندي طريقة ثانية غير اللي قالت عليها الأخت فاتنة زمانها، لكن بدون كيك الفانيلا يمكن تعجبك هذه الطريقة بعد
المهم إليكِ الطريقة ...
الحلى مكون من طبقتين
الطبقة الأولى :
تضعي في الخلاط مايلي :
1) كأس لوز مبشور
2) كأس بقسماط
3) كأس سكر خشن
4) نصف كأس زيت
5) 5 بيضات
بعد الخلط نصبه في الصينية ثم ندخله في الفرن نشعل عليه من أسفل حتى ينضج .
الطبقة الثانية :
ضعي في القدر مايلي :
1) كأس حليب سائل
2) ظرفين دريم ويب
3) علبة قشطة
4) 2 مغلف كابتشينو
نضعه على النار حتى يغلي ثم نرفعه من على النار و نحركه بالملعقة لتبريده قليلاً ثم نسكبه على الطبقة
الأولى بسرعة ويزين باللوز المبشور و نضعه في الثلاجة ليبرد

شكرا على الطرق الجهنمية اللي شكلها مرة حلوة
و يعطيكم الف عافيه
فاتنة زمانها و الاخت وجونه بس حبيت اسألك اخت وجونه
هل الخلطة الثانيه اللي حطيناها على النار تجمد بعد التسخين اذا حطيناها فوق الخلطة الاولى اللي حطيناها بالفرن؟؟؟
مشكورين مرة ثانيه و الله يعطيكم الف عافيه

عزيزتي تتماسك خلطة الوجه بعد ما تضعيها في الثلاجة لكنها لا تصبح صلبة بل تكون مثل الكريمة.
و لا شكر على واجب