حلى سفره بالخوخ

1. بعدين تذوبي النشا 6 ملاعق بكاس واحد من الحليب على البارد

السلام عليكم اخواتي جبت لكم اليوم طريقه عمل حلى الخوخ رهيب تحطيه على السفره راح يبيض وجهك قدام اهلك ومعازيمك
نبدا بسم الله
بلاول يابنات انا استخدمت الصينيه الكبيره اذا حابه اصغر طبعا تاخذي نصف كميه المقادير والطريقه طبعا نفسها
المقادير :
الطبقه الاولى :
2 علبه بسكوت شاهي
2 اصبع زبده لين بدرجة حراره الغرفه
الطبقه الثانيه :
4 كاس حليب
نصف كاس سكر
6 ملاعق كبيره نشا
4 بيض
فانيلا
الطبقه الثالثه :
2 علبه خوخ شرئح معلب
2 ملعقه كبير نشا
الطريقه :
نطحن البسكوت ناعم ندعكها بالزبده اللينه واذا كنتي مستعجله ممكن تذوبي الزبده على النار وتخلطيهم بالبسكوت مع علبه قشطه بعدين رصيهم بالصينيه اللي قاعها متحرك انا استخدمت الصينيه الكبيره

بعدين تذوبي النشا 6 ملاعق بكاس واحد من الحليب على البارد

بعدين نحط 3 كاسات الحليب الباقيه والسكر على النارنحركهم شوي ونضيف عليها الحليب المذوب فيه النشا ونحرك شوي لما تحسي انه سخن زيدي عليه البيض المخفوق مع الفانيلا وحريكهم على نار هادئه باستمرار لحدما تحسي انه ثقل شوي صبيه على طول على البسكوت
ودخليها الفرن على درجه حراره 200 مئويه او 350 فهرنهيت لمده نصف ساعه
بعدين نفك العلبتين الخوخ ونحتفظ بالماء الموجود فيه ونزين وجه الصينيه بالخوخ على حسب رغبتك
بعدين نسخن ماء الخوخ مع النشا على النار شوي ونصبها على الخوخ لما تحسي المويه كثيره لا تحطيها كلها يعني اللي يكفي يغطي الخوخ شوي حتى يتماسك
ندخلها الثلاجه تقريبا 3 ساعات او حتى تتماسك
وهنا صوره تبين طبقه البسكوت والمهلبيه والخوخ السموحه مو واضحه مره
وصحتين وعافيه مقدما ...........واي سؤال انا حاضره