حلى قهووه يجنن وسهل مره

السلام عليكم ورحمه الله وبركاته
هلا والله
شخباركم وش علوومكم ؟
ان شاء الله بخير
اها وش عندك اليوم عزيمه ولامجتمعه مع الاهل ولا جايكم ضيووف ؟>>>>>>يالقفي مير ههه
ام لاتحتارين مع هالحلا الي يجن بتخلصونه بسررعه وبتطاقون عليه بعد >>اخلصي لاتبالغين
لاجد الجد مدري انا عجبني والكل يمدح فيه واخذ الطريقه من الي سوته
المهم تبونه ولا لا
تراه سهل مره والاحلى فيه طعمه جربوه وش بينقص منكم
ماراح ينقص منكم شي >>>تطاق يعني بالغصب صلحوه ههه
يالله ياحبايبي
طبعاانا مابعد سويته شريت المقادير بس وبكره بأذن الله بسويه لاهلي >>حرمه
ام يالله ابدء>>>>>>ايه ابدي وخصينا ماصار حلى
يالله ابيكم تشترون من الدكان اقصد البقاله يووه اقصد السوبرماركت >احلفي >>ياخف دمي بس ههه
المقادير ؟
بسكوت كانشو خمس حبات ( الي كرتونه وردي والبسكوت دوائر مرسوم عليها وجيه )عرفتوه ولا لا >>شرح مفصل
حليب نستله كبير
جبن كيري العلبه الصغيره فيها ست حبات
بس بس واذا بغيتي شكلين اضيفي جالكسي ساده اشتري ثلاث حبات الي بثلاث ريال غالي صح >>>يابخلي بس
الطريقه ؟
جيبي اوراق البلاسيه الصغيره
واخلطي بالخلاط حليب النستله والجبن الكيري
وصبيها على شوي نقااط بعدين حطي البسكوت فوقهابعدين صبي من الخلطه مره ثانيه ودخليها الفرن شغليه من تحت وانتبهي له شوي وطلعيه وبالعافيه عاد انتي زينيه بالي تبين من الشكولاته
ابشري عليه يافلك او جالكسي او كاكاو بودر خفيف لاتكثرين بس
ان شاء الله يعجبكم
اما اذا كنتي تبين شكل ثاني ويقولون هذا احلى
تسيحين الجالكسي وتصبينها في الاوراق على شوي وتحطين فوقها البسكوت بعدين الخلطه (الحليب والجبن )تصبينها عليها وتدخلينه الثلاجه بس وبالعافيه عليكم
الي يعجبه يدعيلي بالدعوات الحلوه ان الله يغفر لي ويسعدني وان الله يهوون علي ويسهل علي ويقومني بالسلامه والمسلمين
حتى الي مو عاجبه >طماعه ماطلبت شي