حلى لذيذ وسريع بالصور تفضلوا

بسم الله الرحمن الرحيم
السلام عليكم ورحمة الله وبركاته
أنا عضوة جديدة وهذي أول مشاركة لي
سويت لكم حلى سهل وسريع " للعجازين " ولذيذ
إن شاء الله يعجبكم
بسم الله نبدأ
المقادير :
1. بسكوت شاهي
1.علبة قشطه
1.علبة نستلة
6.حبات جبن كيري --وإذا مافيه حطي جبن مثلث--
مثل ماسويت
2. أوريو وسنكرزس
وأي شوكليت متوفر بالبيت بس أنا ماكان عندي إلا أوريو
أول شي ندق البسكوت
بعدين نحط عليه علبة القشطة ونعجنها حتى تتماسك
ونرص البسكوت بالصينية
وتصير بهذا الشكل
ثم نكسر الأوريو كسرصغيرة
ونحطه فوق طبقة البسكوت
و نجيب زبدية ونصب فيها علبة النستله ونحط معاها حبات الجبن

• أوتقدرين تحطينها بالخلاط -

وبعدين نخلطها بخلاط الكيك اليدوي
لين تصير بهذا الشكل
ثم نصب الخلطه على الصينية
وتصير بهالشكل:::
وبعدين نغلفها وندخلها بالثلاجة
وإذا كنت تبغينها تجمد بسرعة دخليها للفريزر
حتى تجمد ثم تقطع وتقدم بصحون مع ملاعق وتوكل بالهناء والعافية
ولاتنسون تحطون القراطيس والأشياء اللي عقبكم بالزبالة مثل ماسويت
هاه وش رايكم بالحلى ؟
أشوفكم بموضوع ثاني إن شاء الله
مع السلامة
والله الله بالردود الحلوة