حلى لولو اتحدى مايعجبكم

بسم الله الرحمن الرحيم
السلام عليكم ورحمة الله وبركاته
الطبقه الاولى:::
2 كوب دقيق والافضل كويتي
1/2 كوب زيت
1/3 كوب سكر
4 بيض
ملعقه فانيليا
ملعقه بكنج بودر
3 ملاعق شكولاته بودرة
ربع كوب حليب سائل
كلها بالخلاط ومن الخلاط على الصينيه على الفرن الي مسخنته من قبل
تقريبا ربع ساعه وتستوي
الطبقه الثانية :::
بالخلاط
عليه قشطة + باكيت كبير بسكوت شاي مطحون + ملعقتين نسكافية
اخلطيهم زين
والحين على النار
2 كريم كرامل + 3 كوب مااء + 4 ملاعق حليب بودره
اخلطيهم الين يغلوا وبعدها حطيها على الخلطة الي قبل شوي والافضل انه تخلطيهم بيدك
يعني بالمضرب اليدوي
عشان ماتكسرون الخلاط من حرارة الكريمة >>>
اخلطي زين وبسرعه
وصبي الخليط على الكيكة
اهم شئ تكوني مجهزة من قبل اوريو مطحون من غير الكريمة
يعني اول ماتصبي الخلطة انثري الاوريو على الوجهه قبل لاتبرد
وعشان تعطون طعم الذ بعد ماتطلع الكيكة من الفرن خليها تبرد شوي ووزعي عليها حبات هيرشي( بعضهم يسمونها دموع هيرشي )
وصبي عليها الخلطة وبعدها الاوريو المطحون من غير الكريمة
وخلوها على الطاوله لاتحركوها ابدا وبعد 10 دقائق دخلوها الثلاجه لازم على الاقل تجلس بالثلاجه 6 ساعات وكل مازاد الوقت صارت افضل
وبالعافية
تنبيه
الكمية تكفي صينيتين