حياتي في خطر

1. السلام عليكم جميعا بختصار

السلام عليكم جميعا بختصار

انا وحده سمينه جدا جدا وزني 130 وطولي 159 عشت مع السمنه ايام حلوه وايام تعيسه جدا مافي رجيم على وجه الارض ماجربته من قبل الزواج وبعد الزواج حياتي رجيم في رجيم ولا فيه فايده شهر وتتعب نفسيتي واطفش ابي اكل احب الاكل احب الشوكولاته والفطائر والوجبات السريعه اذا ما اكلت مره باليوم من المطعم يضيق صدري واهملت بيتي من العجز وانا عندي كسل شديد جدا بالغده الدرقيه واهملت زوجي من ناحية؟؟؟ انت افهموها وولدي عالطول ارسله لخالتي من يقوم عالطول بجامته ما للي خلقه والله ماعندي غيره المفروض اهتم فيه واحافظ عليه لكن العكس ومافي اخصائية تغذيه ما جدعت وجهي عندها وتنتهي بالفشل ولا ارجع وبالاخير ومن مدة ثلاث سنوات قريت عن عملية التحوير والله انا اقتنعت جدا ولكن ؟ زوجي المليح رفض وقال لو تموتين وانا ما حملت بسبب السمنه والغده و3سنوات نراجع من مستشفى للمستشفى ونرجع ذليلين بسبب السمنه وكل يوم يهزى ويعطي محاضره بسبب السمنه لا زم انحف علشان انحف لازم اقل شي اوصل وزني اللي قبل الزوااج الرقم المميز اللي يبي يشتريه لوحه للسيارته اللي هو 100بدون فائده وقبل شهرين راحت للدكتوره قالت لازم تنحفين وزوجي يسمع يوم طلعنا قال سمعتي وانا فيني الصيحه قلت خلاص اسمع من اليوم ورايح ما في رجيم تبي عيال سولي عملية التحوير قال بكم قلت ما ادري وانا عارفه بس ابيه هو اللي يبحث ويهتم المهم يوم رجعنا البيت عالطول على النت يبحث ويقرا عن العمليه ويقول ابحثي عن افضل دكتور وبحثنا ورحنا كل الدكاتره يقولون لازم عمليه وانت معها لانه زوجي دبدوب بس مو مره المهم واخر شي الدكتور عبدالرحمن الصايغ والحمدالله توفرت الفلوس ..............
وبالنهايه اشكر كل من قرا قصتي البايخه اللي ما ادري وين ساسها من راسها المهم الخلاصه من القصه هو السؤال الاول ...
وش رايكم بعمليه التحوير والدكتور عبدالرحمن وهل في افضل منه ؟؟؟
السؤال الثاني ...
امانه كل وحده تدخل ومسويه العمليه او تعرف احد وش استفادة من العمليه ...
ثالثا... استنتجي من القصه هل تصح لي العمليه برايك او لا ؟؟؟ حشى امتحان قواعد من قصه ..
اشكركم جميعا والله اني لا ادعي لا ي وحده ترد ...