حياتي

1. سعود :ايه يمه تكفين ميت جوع


2. أمه: يخسى الجوع ياوليدي الحين اروح


3. الجزء 2


4. الجزء3


5. الجزء 4


6. نامت شهد والبيت كان جداهادي لان الكل ينام وقت الظهر

الجزء الاول
عائله ابو سعود تتكون من 3 اولاد و5 بنات كانت تعيش حياة هادئة ممزوجه بمواقف متقلبه بين الساره والمحزنة الابن الاكبر سعود 28سنه والذي يليه تركي 22والاصغر متعب 12 سنه
والبنات الكبرى التي تلي سعود مباشرة نهى26سنه والتي تليها سارة25سنه ثم ميساء20 سنه ثم مها17 سنه ثم شهد وهي الاصغر من بين اخوتها وعمرها 14 سنه ويليها متعب مباشرة وبينهم سنتين
نهى وسارة متزوجات ولديهم أطفال سعود متزوج حديثا وليس لديه أبناء كان يعيش حياته بسيطه وفي نفس الوقت سعيدة وكان دائم الشجار مع اخيه تركي من أجل مصلحته وفي يوم من الايام جاء تركي لمنزل أهله الذين يقرب شقته الصغير وكان متعب ومنهك ربما كأن من أجل دوامه المتعب دخل المنزل
سعود :يمه
أمه :هلا أبوي جيت
سعود :ايه يمه فيه أكل
امه ايه يابوي فيه غسل يدك والحين اروح انكب لك

سعود :ايه يمه تكفين ميت جوع

أمه: يخسى الجوع ياوليدي الحين اروح

راحت أم سعود تحضر لسعود الغداء وتتسأل ليش زوجته ما غدته اكيد مهملته وفجئه دخل ابو سعود هاه ام سعود وش عندك في المطبخ ام سعود ابحط غداء لسعود ميت جوع يابعد عمري ما اكل ابو سعود ايه الله يقويك طلع ابو سعود من المطبخ وراح ينام في غرفته وبعد أذان العصر راحت أم سعود تقوم زوجها أبو سعود يله بأبو سعود أذن العصر قم صل يا ابو سعود ابو سعود فتح عين وعين مسكرة طيب طيب الا وين متعب أم سعود نايم :أبوسعود قوميه يله ابيه يروح معي عندي شغل وابيه معي راحت ام سعود لغرفته متعب ام سعود :متعب قم
متعب : يوه مابي و ش تبين
أم سعود قم مو انا الي ابي ابوك هو الي يبيك
متعب :طيب الحين اقوم خلاص روحي عني
ابو سعود طلع لغرفه متعب يله ياأبوي قم أبيك تصير رجال وتطلع مع ابوك وتصير زيه إذا كبرت
متعب انتفخ من الوناسه وقام ع طول للحمام يغسل وجهه وراح مع ابوه لمكتب العقار عندهم كم شغله يبون يقضونها سوى
بعد رجوع متعب وابوه من الشغل راح لغرفته وحل واجباته ونام ومن بكره جاء سعود لبيت أهله بس هالمره غير عن كل مره كان التعب واضح في عيونه العسلية غلب عليها التعب والهلات السود طلعت فيها ولما شافته ام سعود سألته يمه سعود وش فيك سعود مدري يمه احس بمغص ام سعود رح للطبيب يمه سعود: رحت وقالو مافيك شي زاد شك ام سعود وراحت صلحت له عصيروسألته عن المغص ومن خوف سعود ع امه قال خلاص راح شكلي مأخذ شوي برد وتطمنت ام سعود وكل يوم يزيد المغص عند سعود بشكل يثير القلق ابوه من شده خوفه وداه لاكبر مستشفى يسوى له فحوصات كاملة ونفس الشي النتيجة سليم بعد ماعرفو اخواته نهى وساره جو ع طول لبيت أهلهم يسألون عنه وهم يبكون نهى :سعود حاس بأيش سعود:وش فيكي شوي مغص عادي أكيد برد نهى مستمره في البكاء واحساسها انه شي اكبر من البرد ساره كانت متمالكه اعصابها ومتحكمه في نفسها أكثر من نهى نهى اكثر عاطفيه من سارة وتنهار بسرعة ساره اخذت سعود في غرفه وقرت عليها لحد ماهدا
وبعدها نام سعود وراحت هي سكرت الباب عشان يرتاح وراحت لامها ساره: يمه ام سعود هاه يمه ساره:يمه وش في سعود ما اعجبني ام سعود: قامت تبكي ساره يمه وش فيك لا يكون في سعود شي مانعرفه ام سعود:مافيه الا العافيه بس انا خايفه عليه مدري ليش مو مرتاحة ساره يمه تعوذي من الشيطان بيصحى الحين وبيزعجنا بصوته المزعج ام سعود فديته هو وصوته قامت ام سعود وساره يضحكون بصوت عالي وجتهم نهى بالشاهي هاه يمه جبت لكم الشاهي وش رايك فيني سنعه هاه ام سعود ايه فديتك يانهى سنعه ع امك طالعه ساره يمه وانا مو سنعه زيها ام سعود الا يمه سعنه وزينه البنات بعد ساره انبسطت وتشققت من الوناسة ساره جت مها وميسا ء من فوق يمه ام سعود وجع خير وش فيكم يا هالبنتين مجننين فيني مها يمه شوفي ميساء تأخر اغراضي وتجنني ام سعود روحو عني حلو مشاكلكم بينكم ام سعود وين اختكم شهد ميساء نايمة يمه وهي وش عندها غير النوم ام سعود وبناتها يضحكون ع شهد لان نومها كثير ولا تعير أي احد اهتمام سعود يمه وينك ام سعود هلا ابوي صحيت سعود ايه يمه صحيت مو قادر انا من المغص ام سعود انا ابكلم ابوك يوديك الحين يشوف وش صاير معك سعود لا يمه يكفي مستشفيات زوجه سعود شخصيتها جدا غامضة حياتها مابين شغلها واهلها ولاتعير سعود أي اهتمام عشان كذا سعود علاقته بعد زواجه مع امه واخواته كبير وقويه بعد مرورثلاث شهور من تعب سعود وبدون علم أي احد عنها وعن تطورات تعبه لانه مايبي يشغل بال امه واخواته يوم الاحد الساعة 9 الصباح رن الجرس ام سعود صحت من نومها مرتاحة ام سعود اللهم اجعله خير راحت تشوف من عند الباب ام سعود مين سعود انا سعود ام سعود راحت فتحت الباب لسعود ام سعود وش فيك يمه سعود مايتكلم لحد ماوصل للصاله وفقد وعيه وطاح قدام امه ام سعود قامت تصرخ مو مستوعبه ايش صاير لسعود وتنادي ابو سعود ام سعود ابو سعود تعال بسرعه ابو سعود خير وش صاير لما شاف ابو سعود سعود طايح ع الارض في الصاله نزل لسعود وضمه ويحاول يصحية ابو سعود سعود يا عين ابوك سامعني سعود رد ع ابوك سعود في اغماء كامل عين ابو سعود تدمع وهو يقرا ع سعود قران وام سعود مناهر وتصرخ وتنادي لسعود ابو سعود يا ام سعود اسكتي خليني اعرف اتصرف ادخلي ابكلم ابو عبد الله جارنا نروح نوديه للاسعاف دخلت ام سعود ويروح ابو سعود زي المجنون بدون جزمه لجاره ابو عبدالله ابو سعود يرن الجرس عبد الله مين ابو سعود:عبدالله ياولدي وين ابوك عبد الله :نايم ابو سعود:صحه ياولدي بسرع قل ابو سعود يبيك ثواني وطلع ابو بالله لابو سعود خير يأبو سعود وش فيك ابو سعود منهار وهو يكلم جاره والعبره مو مخليته يتكلم زين ابو سعود وهو يرتجف مدري ولدي سعود تعبان وما اعرف اش اسوي ابو عبدالله يله نروح نشوف دخل ابو عبدالله وهو يتنحنن ام سعود في الغرفه الي جنب الصاله وهي تبكي مو مستوعبه ايش صار اخذ ابو سعود وابو عبد الله سعود بسياره الاسعاف للمستشفى دخل سعود لغرفه الكشف ينتظر ابو سعود وابو عبدالله لدكتور وكشف ع سعود وطلب من ابو سعود وعبد الله تنويمه لحد مايتاكدون من حالته وتنوم سعود واخذو له تحاليل و اشاعات وغيره من الفحوصات واخر شي طلع معه مرض الكل ماكان متوقعه ان سعو الابن البار الحنون يحصل فيه كذا طلع سعود مريض بمرض السرطان اييه السرطان والطامع الكبرا ان ام سعود تموت في شي اسمه سعود لم عرف ابو سعود اغمى عليه لانه معه مرض السكري وطاح عليهم في المستشفى وسعود لحد الحين ماعرف عن مرضه الا ابوه وعمه ابو عبدالله جارهم المقرب وصديق ابوه رجعو للبيت وابو سعود متغير وجهه وتسأله ام سعود هاه بشرني ياابو سعود قال مافيه الا كل خير إن شاء الله وخل ابو سعود غرفته وسكر عليه الباب وهو اول مره يتصرف بهالغموض وجلس ع سريرة يبكي مو متصور ان ولده الكبير الحنون يجيه المرض هذا وابو سعود عارف ان الي صار لهم شي كبير وبيغير مجرا خياتهم بالمره وجلس يصلي ركتين وهو يبكي ومنزل راسه ويطلب ربي انه يشفي ولده الكبير من مرضه شوي ويطق الباب وهو يمسح دموعه ويتنحنح ويقول نعم صار الي ورا الباب ام سعود مو متطمنه تبي تعرف وش فيه ابو سعود ليش وجهه متغير كذا قالت له افتح ان ام سعود راح وفتح وشافت وجهه سألته وش فيك ولدي وش فيه وهو يهديها ويدخلها الغرفه اسكتي لايسمعك سعود ويخاف مافيه شي طيب التحاليل تقول سليم لا تتفاولين ع ولدي ام سعود تطمنت لكلامه وتناظر في عيونه المشكله ان ابو سعود عيونه تفضحه كثير وحلف ابو سعود واضطر انه يحلف كذب وهو اول مره يحلف كذب وصدقته وراحت تحط لهم العشاء ابو سعود ماطلع معهم ع العشاء وجلس في غرفته يفكر وين يودي سعود عشان يتعالج
جت شهد تخبط ع الباب شهد لضغر سنها ماتدري وين ربي حاطها فيه يبه يله تعالي بنتعشاء ابو سعو مايبي يرد عليها عشان صوته متغير ويخاف تشك لانها ذكيه وتعرف من صوت ابوها إذا هو مبسوط ولا لا سوى نفسه نايم خبط ع الباب مره ثانيه ولا رد وراحت توقعت انه نام راحت جلست ع العشاء وكانت العائله كلها منتظره ابو سعود عشان يبدون بالاكل وقالت لهم شهد ابوي نايم يله اطفحو راحت ام سعو تشوفه ولا رد عليها ورجعت تكمل اكل مع عيالها ع السفرة سعود وتركي ومتعب ونهى ومها وشهد وساره وميسا سعود: منسده نفسه عن الاكل ومو مشتهي ام سعود يمه سعود المكرونه بالبشمل الي تحبها كل يمه سعود مدري وش فيني يمه ما اشتهي شي ام سعود طيب اجيب لك فاكهه لا خلاص ابأكل شوي معكم شهد: يمه ماعليك منه تراه يتدلع من يشوفك يتميرض سعود: ههه وانت وش عليك اتدلع ع امي حبيبتي ام سعود فديت هالضحكة وهو صادق انتي وش عليك يتدلع ع امه شهد: يوه يمه كل شي لسعود كبير وتدلعونه بعد ام سعود فديتك بعد انتي هاه انبسطتي شهد: ههه شوي مو مره
ميسا ونهى ومها يأكلون مو جايبين خبر احد ميسا الا وين ابوي مو معنا شهد صح النوم لي ساعة انا وامي نقول نايم مايرد علينا مها اخاف تعبان بس مرتفع عنده السكري شهد لا اليوم أمي قايسة سكره تقول مضبوط مها الحمد الله يلها نا شبعت شهد اييه شبعت وبتروح فوق وانا وامي نبلش بالصحون مها ههه وراي كتب ابي ادرس

الجزء 2

بعد مرور 3 شهور ع مرض سعود بدت ع وجهه ملامح التعب سعود انسان مؤمن بقضاء الله وقدره ورضا بالي صارفيه وكل دقيقه يتألم فيها يحتسب الاجر ام سعود بعد علمها بالخبر وهي حابسه نفسها بالبيت اكلها قل ونوما بعد قل وكل همها وتفكيرها بسعود وش بيصير عليه بعد اخذ الكيماوي
سعود بأول جرعه بمستشفى التخصصي وكل العائله عنده للزياره نهى وساره كانو قريبين مره من سعود لان فارق العمر بينهم شوي نهى تركت بيتها واولادها عشان تجلس بجنب اخوها سعود وساره تركت شغلها وبيتها وزوجها واولادها وجلست بجنبه تقرا كل يوم عليه قران عشان تهدا نفسه
صحى سعود بعد اول جرعة وشاف اخواته وامه وابو بجنبه يبكون تضايق سعود وقال لهم لو مت بيكون بقضاء وقدر من ربي الي بيبكي يطلع لا يجلس جنبي نهى وساره وهم يبكون حاولو يمسكون انفسهم لكن ساره ماقدرت حاطه يدها ع فها وهي تبكي وتشاهق هداها سعود وقال انا بخير وبإذن الله ابخف وارجع معكم واهزئكم ع طلعاتكم كل يوم للسوق وهو يضحك ههه ساره اخذت تنااظر في عيون سعود وهي تبكي وتقول انت قم بس إن شاء الله تضربنا حنا راضين بس تقو زي اول هو طرد اخواته لان وقت الزياره انتهت والي مرافق معه اخوه تركي طول وقت تركي برا الغرفه لانه مايبي يشوف سعود ضعيف وهو طول وقته قوي في البيت وكلمته هي الي تمشي في البيت بدأ سعود بالجرعة الثانيه والثالثه ومرت شهور ع هالحاله وام سعود قطعت في الناس كلهم وفي اقاربها وحتى بناتا نستهم ولهت في سعود وفي مرضه وابو سعود تغير وصارت حياته كلها في المستشفى وفي البيت لها عن شغله واصحابه سعود محبوب من الكل وله معارف كثير ولم وصل خبر مرض لأصحابه تضايقو كثير عليه والكل يحاول يسفره يعالج بس مرض سعود ماينفع له الا الكيماوي والكيماوي متوفر في كل المستشفيات يعني سفره مو ضروري له ابد
مرت شهور ع مرض سعود والكل لاهي معه وينتظر شفائه ع احر من الجمر يوم السبت راح ابو سعود وتركي يطلعون سعود من المستشفى
فترة نقاهه ام سعود يوم شافت ولدها سعود دمعت عينها وخمت ولده وهي تبكي وتقول لها الله لا يحرمني منك ياولدي ويخليك لي العمر كله سعود كان متضايق لان امه التعب مبين عليها من ضيقتها عليه وسأل امه وش فيك ليش وجهك متغير ام سعود ومن له نفس ياسعود ينام زين وانت برا البيت مريض
طول ماسعود عند امه فتره نقاهه وهي مشغوله معي ووقتها كله لسعود حتى ابو سعود ماصار يشوفها ولا حتى بناتها وعيالها بس الكل توقعها فتره حزن وتعدي بس سعود المرض سيطر ع جسمه كله وانتشر راح لمراجعته وكانت الطامه الكبرا يوم سمع متعب الخبر من الدكتور ع ضغر سنه بس حس ان الموضوع اكبر من ماهو متصور ابو سعود لم سمع الخبر هو وتركي من الدكتور ماتحمل الخبر وطاح عليهم لان مريض بالسكري واخذو ابو سعود وصحوه وهو مو مستوعب الخبر الي سمعه وكيف بيروح للبيت وسعود مو معه وايش بيقول لامه الي منتظرة شفائه ع احر من الجمر واخواته وش يقول لهم اخوكم خلاص ماراح يعيش معنا اخوكم بيموت ابو سعود يفكر في هذا كله في اجزاء من الثانيه حاول يتمالك نفس في المستشفى عشان عياله ورجع للبيت وراح لغرفته ومتعب يطق عليه الباب يبه افتح أي اقول لك شي ابو سعود عارف وش يبي يقول له ابو سعود مايبي يشوف احد لانه عارف ان الكل مو متحمل الخبر راح متعب لامه ويوم شافته قالت هاه يامتعب بشرني وش سويتي متعب ع ضعر سنه بس ذكي لدرجه ماتوصف قال لامه مدري سمعت الدكتور يقول لابوي ان حالته صعبه مره وان المرض انتشر ام سعود ماصدقا كلام متعب لانه ماتبي تصدق ورفضت كلامه وقالت اكيد متعب مايعرف شي عن حاله اخوه لانه صغير راحت لابو سعود تخبط الباب عليه ابو سعود رد علي افتح قلي وش سويت ابو سعود مسك نفسه وفتح الباب وقال هلا والله بالغاليه هاه وش غدانا ام سعو تناظر في عيونه وتفكر في كلام متعب وكلام او سعود قالت وش سويتو قال ابد الحمد ع كل حال وربي كريم وإن شاء الله يخف ونفرح كلنا ام سعود عارفه ان مرض سعود صعب بس هي رافض انها تقتنع بأن شفاءه صعب مرت الايام وابو سعود كاتم الخبر وعايش هم الخبر لحاله اخوات سعود متوقعين شفاءه اخوها كل يوم تسوء حاله سعود عن اليوم الي قبل لشده حاله سعود دخل في غيبوبه تامه والكل انفجع ع هالشي وصار بيت ابو سعود لايطاق من الحزن الي مسيطرعليهم

الجزء3

في يوم الخميس الساعه 4 الفجر الكل نايم والكل كاتم في قلبه هم كبير بسبب مرض سعود جا الخبر بالتلفون ان سعود مات سعود مات
ام سعود سمعت صرخت مها وهي تقول كذاب ما مات انت تكذب وتسكر السماعه وهي تبكي ام سعود خايفه تقرب من مها ويصير الخبر صحيح ا م سعود: مها ايش صاير مها وهي تبكي يمه والله يكذب مامات وهي تبكي وتشاهق مو قادرة تمسك نفسها ومو مصدقه الخبر نهى وساره نايمين عند امهم
وسمعو الصراخ وراح ابو سعود لمستشفى وتركي وشافو سعود وهم يدخلونه ثلاجه الاموات
رجع ابو سعود ودخل وشاف بناته وزوجته يبكون ع الخبر راح يهدي فيهم وهو في قمه الانهيار بس مايبي يبين لهم ضعفة
ام سعود دخلت في صدمة عصبيه شديده من الخبر واضطرولنقلها للمستشفى وهي في انهيار شديد وطول الطريق وهي تكلم ولدها وتقول يمه جيت احط لك غداك وابو سعود ماسكها وهو يبكي ويقول ابو سعود راح عند ربه سعود يمكن احس له من المرض الي تعبه اذكري ربك انت مؤمنه بالقضاء والقدر وام سعود في الصدمة وتقول لابو سعود وش فيك شف سعود يبي يسلم علي خلني اسلم عليه وابو سعود لاحول ولا قوة الا بالله وهو ماسك بيدها
تنومت ام سعود كم يوم وهي تأخذ مهدات بعد كم يوم من الصدمة استوعبت الي صار وصارت تبكي ع ولدها وطلبت تشوف بناتها وجوها بناتها وهم منهارين ع الخبر وع امهم والي صار لها رجعت ام سعود للييت وتستقبل العزاء مع بناتها وابو سعود مرت شهور ع وفاته سعود والهم مسيطر ع عائله ابوسعود ابو سعود كل يوم يجدد في البيت يحاول ينسي ام سعود وفاه ولدها ام سعود وابو سعود وعيالهم استوعبو الي صارورضو بواقع حياتهم المره غصب عنهم وهذا الشي اخذ وقت منهم مايقرب سنه وبدون يمارسون حياتهم بشكل طبيعي واحسن من اول ابو سعود رجع لشغله وام سعود بدت تهتم في عيالها مرت سنه ع وفاه سعود ورزقت ساره ببنوته زي القمر رجعت الفرحة لبيت ابو سعود والكل يبجي يبارك لام سعود ولساره مرت السنين والكل لاهي في حياته وابو سعود بدأبمشروع هو وولده تركي ابو سعود كان يعتمد ع تركي بشكل كبير وتركي يأخذ كل شغل ابوه لان ابوه يحب يمسك شغله له لان تركي ذكي ويعرف يتعامل مع الناس ويمشي شغل ابوه بدأابو سعود مشروعة في العقار وبدأيبني عماير وتركي هو المشرف ع العمال لان فاهم في امور البناء لخبراته السابقه مع ابوه كمل مشروعة ابو سعود وخلصت اول عماره الي كانت بأشراف تركي انبسط ابو سعود كثير وقرر ان يكافأ تركي وشرا له سياره موديل هالسنه انبسط فيها تركي لان السياره جته بدون طلب من ابوه وكانت هديه مفاجئه لتركي وكانت بالنسبه لتركي احلى هديه جته من ابوه راح يوري امه واخواته السيارة انبسطو له وطلبومنه يطلعهم بها وافق ع طول تركي لان ابوه قال له لازم تطلع اهلك بها خ راح تركي شغل سيارته لحد مايتجهزون اخواته و امه وراح وداهم للمطم وتعشو وانبسطو ورجعو للبيت تركي حب مجال العقار وقرر يكمل شغله مع ابوه وفعلا كمل ومشى مع ابوه ونجح في شغله والكل ملاحظ هالشي
متعب نحج وراح لسنه 3 متوسط وشهد راحت لأول ثانوي ومها راحت لأول كليه ام سعود تتكلم مع ابو سعود وتقول له كبرنا ياأبو سعود عيالنا كبرو بسرعه ابو سعد اييه الله يصلحهم اهم شي الصلاح والتوفيق
شهد مشاكلها كثير في البيت وخصوصا مع متعب الي تحتها يتضاربون ع كل شي مها أول سنه لها ولاهيه في دراسته وابو سعود يحبها كثير لانه متفوقه ولا تسبب ازعاج في البيت وخدومة للكل بعكس شهد تخلق المشاكل عشان تثير اهتمام ابوها وامها لها ومتعب نفس الشي
لانهم اصغر اثنين في البيت الاهتمام منصب لهم شهد عايشه حياتها في مدرستها وفي البيت أي شي تتمناه تطلب ع طول من ابوها لانها عارفه ان ابوها مايرد لها طلب صارت تستغل حب ابوها عشان يلبي طلباتها لها

الجزء 4

ابو سعود له فتره مشغول في عمله لانه ماسك كم عماره يشتغل فيها وصاير مايجلس في البيت الا قليل ام سعود ماصارت تشوفه زي اول ولا حتى بناته
ابو سعود توقع انه بيعوضهم ع الايام الي راحت وبيأخذ اجازة ويسافرون يغيرون جو الرياض ابو سعود بعد رجوعة من عملة الساعه 12 الظهر ام سعود استغربت هلا ابو سعود جيت ابو سعود ايه ام سعوود غريبه مو شغلك اليوم بيطول ابو سعود الا بس تعبت قلت اجي اريح شوي واروح اكمل شغلي ام سعود طيب ارتاح الغدا ساعه ويكون جاهز ابو سعود لا مابي غذا ابي بس انام جت الساعه 1 الظهر وجت شهد ومتعب من المدرسة وكان السواق الي يجيبهم ومها نقل عشان كليتها بعيده جت شهد اول مادخلت قالت لامها يمه وين ابوي ام سعود: وش تبين فيه تعبان ونايم شهد: يمه شوفي متعب كل يوم يهبل فيني يأخذ السوق ويلف فيه مع اصدقاء ولا يجيني بدري ام سعود: فكينا بس من مشاكلك شهد طيب خلي ابوي يصحى والله لاعلمه وش سوى متعب ام سعو:د إذا صحى قولي له الي تبين بس الحين نايم وقصري صوتك لا يصحى من ازعاجك راحت شهد لغرفتها تبي تبدل ملابسها وتنام وهي تفكر تقول لابوها ايش سوا متعب فيها وتسترجع المواقف الي صارت في المدرسة مع صحباتها لان دائما يوم الاحد يكون مميز في المدرسة بدلت ملابسها وهي متوعده متعب انها تخبر ابوها بالي سوى لما تصحى المغرب بس مادرت شهد ايش يمكن يصير قبل المغرب

نامت شهد والبيت كان جداهادي لان الكل ينام وقت الظهر

ام سعود راحت لغرفه ابو سعود وشافته يبدل ملابسة قالت له وين بتروح قال للمكتب عندي كم شغله حلفت عليه مايروح لان تعبانه ابو سعود: ماراح اطول يام سعود ساعة وراجع ام سعود: لا لاتروح شف وجهك كيف صاير اصفر من التعب ابو سعود: طيب روحي جيبي لي كاس مويه راحت ام سعود تجيب له وهي في المطبخ سمعت صوت الباب راح بسرعه تشوف ايش صاير شافت ابو سعود طالع وركب سيارته وراح تضايقت وقالت ماله الاراية هالرجال وراحت عند التلفون تكلم بنتها ساره وجلست مع ساره ساعه ع التلفون بعدها رن الجرس راحت ام سعود تشوف من عندالباب صار السواق السواق :مدام باب ابو سعود فيه تعبان ام سعود نعم وينه فيه الحين السواق: في روح للمستشفى ابو عبد الله ودي للمستشفى راحت ام سعود تطق الباب ع تركي وهو في غرفته ام سعود تركي افتح بسرع تركي : طيب طيب هاه وش فيك ولم فتح لها قالت لها السالفة وراحو ع طول للمستشفى بس ابو عبدالله قابلهمعن بوابه المستشفى و رجعهم وقال انا ابجلس معه ورجعو وهم خايفين وش بيصير ع ابو سعود بعد ساعه رجع ابو عبد الله ووجهه متغير ويقول لتركي وام سعود انالله وانا اليه راجعون ام سعود انهارت ابو سعود وش فيه يا ابو عبد الله ابو عبد الله نزل راسه وعيونه تدمع ابوو ابوو ام سعود: وش فيك ابو سعود وينه ابو عبدالله: ابووسعود يطلبكم الحل
انقلبت الدنيا في عين ام سعودو تركي مو مصدقين الي يحكيه ابو عبدالله توقعو ان الكلام مو لهم راحت ام سعود تركض لغرفه ابو سعود زي المجنونه وتتلفت في الاسياب وتدور غرفته وتركي يلحقها ودخلو عليه و شافوه وهو مغطى ع السرير بغطاء ابيض ام سعود حطت يدها ع راسه وهي تبكي وتقول له لاتخليني ياابو سعود حرام عليك ليش تسوي فيني كذا لا تخليني في هالدنيا لحالي لاتخلين للهم وتروح وتركي لما شاف امها كيف تكلم ابوه طلع من الغرفه وهو منهار ويبكي في سيب المستشفى شافه عبدالله وهو يهدي فيه تركي مو مصدق يقول لعبدالله مو ابوي الي مات صح ابوي ماكان فيه شي صح ابوي بيصحى ويرجع معنا عبدالله لاحول ولا قوه الا بالله تركي اذكر ربك هذا قضاء وقدر وطريق كلنا بنمشي فيه تركي منهار ويبكي وعبدالله ماسك يده وبيركه في السياره يوديه للبيت دقايق وجت ام عبدالله وهي تبكي دخلت ع ام سعود وهي تكلم ابو سعود وتقول له عيالنا في رقبتي وابربيهم احسن تربيه ابي الكل يقول عيال ابو سعود رجال ابخلي ذكراك حتى بعد موتك هذا عهدي لك يأأبو سعود ام عبدالله لما سمعت ام سعود حطت يدها ع فمها وكتمك دموعها ماتبي تزيد الهم ع ام سعود غطت ام سعود وجه ابو سعو وراحت برا الغرفه ام عبدالله تلحقها وتمسكها وهي تهدي فيها بس ام سعود مانطقت بولا كلمة طول الطريق راحت ركبت السيارة هي وتركي وام عبدالله والي يسق فيهم عبدالله وراحو للبيت والخبر وصل لبناتها ام سعود راحت لغرفتهاع طول وهي في