حياكم الله ياعرايس في ملف شهر العسل

1. اولا / لماذا سمي شهر العسل بهذا الاسم ؟


2. ثانيا / كيف ومتى نحدد رحلتنا لشهر العسل وماذا نراعي ؟


3. رابعا / المعلومات و المصاريف اللازم معرفتها قبل السفر :


4. 1- نصائح عامة عند التجهيز للسفر


5. المطار :


6. الملابس المستعمله؟


7. مسكرا... كحل لداخل العين... وكحل لبرى العين مع فرشاه


8. نصايح عامه :


9. يعني حاولي تخلين كل شي بعينك وبعينه حلو حتى لو كان تصرف مب حلو منه

بسم الله الرحمن الرحيم
اخواتي العرايس حياكم الله في ملف ان شاء الله كامل عن شهر العسل وقد قمت بجمع المعلومات من عدة مواقع وقمت بترتيبها وتدعيم الموضوع بأكبر عدد من الصور للفائدة ان شاء الله
راجية من ربي ان يحوز مجهودي على رضاكم ومع تمنياتي لكل عروس بأن تقضي اجمل شهر عسل مع زوجها ان شاء الله

اولا / لماذا سمي شهر العسل بهذا الاسم ؟

وجدت عدة اجوبة في النت عن هذا السؤال ولكن الارجح ان هذا التسمية جاءت من تقليد قديم لشعوب اوربا الشمالية فكانوا يقدمون لضيوفهم في افراحهم شراب مصنوع من العسل ......... ويستمر العروسان في شرب هذا الشراب لمدة 30 يوم لما في هذا الشراب من فوائد قيمة ومقوية

ثانيا / كيف ومتى نحدد رحلتنا لشهر العسل وماذا نراعي ؟

يلزمك اختيار المكان قبل موعد الزفاف بوقت كاف، وحسب ظروف العريس المالية، فواجب الرجل العريس أن يعدّ كل تكاليف شهر العسل، ويُبقى لديه ما يكفي لاستكمال بيته الجديد والإنفاق على أسرته الجديدة.
ولا تصلح الرحلات الطويلة لعروسين في شهر العسل، لما تنطوي عليه من مشقة السفر، والترحال، والتنقل بين الفنادق، وإعداد الحقائب وإخراج محتوياتها في كل انتقال، مما يرهق العروسين ويعوقهما عن الاستمتاع بشهر العسل وتجاربه الجديدة.
وتجب مراعاة النقاط التالية عند اختيار المكان أو الرحلات:
1 مقدار المال الذي تنويان إنفاقه في هذا الشهر.
2 طول شهر العسل.
3 أنواع النشاط المشترك المحبب وركزوا على مشترك مب مثلا تجلسين عالنت وتسفهين أبو الشباب
4 مقدار الحركة والسفر والتنقل والترحال.
5 فرص الراحة والاستجمام، والتسلية والترفيه.
6 رحلات قصيرة غير متعبة بالسيارة.
7 الذهاب إلى النوادي الرياضية والملاعب التي يهتم العروسان بألعابها اهتماماً مشتركاً.
8 اختيار مدينة تعج المعارض والحدائق و الشاليهات إذا توافر المال للعروسين.
9 رحلات قصيرة مع الإقامة في خيام أو مساكن وقتية
ثالثا / نصائح مختصرة للسفر
1 لا تضعي نقوداً أو مجوهرات في حقيبة السفر، إلا إذا ضمنت أن تكون الحقيبة بجوارك طول الوقت. والأفضل وضع النقود والأشياء الثمينة في حقيبة يدك.
2 ضعي في حقيبة السفر:أدوية لعلاج الجروح والحروق وقطرة للعين وأدوية البرد والإسهال، وأدويتك الخاصة).
3 قسّمي ملابسك على حقيبتين صغيرتين أو متوسطتين (بدلاً من حقيبة واحدة كبيرة)، حتى يمكنك حملها.
4 قبل ترتيب الحقيبة، اجمعي ملابسك المطلوبة كلها أمامك، لتحديد كل ما تريدين أخذه من ملابس وأحذية ومكملات الأناقة (أكسسوار). وإذا ترددت في أخذ أشياء، فاتركيها جانباً حتى يستقر تفكيرك، بدلاً من وضعها في الحقيبة ثم إخراجها بعد ذلك.
5 في أسفل الحقيبة: ضعي الجونلات والبنطلونات أولاً، ثم الملابس الخفيفة العلوية التوب (مثل البلوزات) حتى لا تتجعد وهذه الطريقة في طيّ الملابس قد تغنيك عن كيها، خصوصاً في الرحلات التي لا تريدين فيها أخذ المكواة
6 ضعي الأحذية في كيس (أو أكياس) بلاستك وعند وضع كيس الحذاء في الحقيبة، لاحظي أن يكون الكعب ملاصقاً لحائط الحقيبة، حتى لا ينكسر الكعب. ولا تضعي حذاءً قائماً (أسود أو أزرق) مع حذاء أصفر أو أبيض.
7 ضعي أدوات التجميل في كيس صغير، بدلاً من نثرها في أرجاء الحقيبة، حتى لا تتعرض الأدوات للكسر فتلوث ملابسك.
8 خذي مجموعة أكياس بلاستيك كبيرة، فقد تحتاجين إليها في رحلة العودة لوضع الملابس المبللة أو غير النظيفة.
9 لا ننصحك بشراء هدايا لأحد. ولكن إذا اشتريت بعض الهدايا، فلا تضعي بعضها مع بعض، أو فوق بعض، وخاصة إذا كانت من زجاج، أو بورسلين، أو بلاستك. والأفضل أن تدسي هذه الأشياء منفصلة متباعدة بين الملابس.
0اذهبي إلى المطار قبل موعد السفر بنصف ساعة (في الرحلات الداخلية المحلية)، وقبل موعد سفرك بساعة كاملة في الرحلات الخارجية، حتى يتوافر الوقت الكافي لوصول حقائبك إلى الطائرة ومتابعتها.
1راجعي البطاقة المكتوبة على حقائبك لتتأكدي من صحة اسم البلد المقصود (الذي أثبته مسؤول الشركة). واحرصي على أن تكون البطاقة الملصقة بعيدة عن يد الحقيبة، حتى لا تُنزع من الحقيبة نتيجة احتكاكها بالأيدي.
12- عند تغيير الطيارة، تابعي نقل حقائبك إلى الطيارة التالية حتى تصل معك على الطائرة نفسها إلى المكان المقصود، وحتى لا تتأخر الحقائب بضع ساعات، أو بضعة أيام .

رابعا / المعلومات و المصاريف اللازم معرفتها قبل السفر :

• التأشيرات الضرورية وطريقة التقديم عليها والفترة الزمنية اللازمة
• مصاريف شركة السياحة و تذاكر السفر
• حجم الأمتعة المتاح و المصاريف المترتبة على ذلك
• كيفية الانتقال والمصاريف من والى المطارات والفنادق
• معلومات تفصيلية لمكان الإقامة ويفضل أن يكون هناك موقع على الإنترنت للفندق
• تكلفة التمديد بالإقامة لليلة الواحدة و طريقة الإنسحاب والتغيير و مصاريفه
• عدد الوجبات المقدمة الشاملة و القيمة المتوقعة لأي وجبات إضافية
• في بعض الدول يتداوللون الإكراميات فلا بد من معرفة لمن الإكراميات و قيمتها
• تفصيل الرحلات و أيام الإستراحة ( الحرة ) وأيام التسوق
• لابد من معرفة أسماء أفضل الأسواق الشعبية حيث أن غالب شركات السياحة تقوم بزيارة
• الأسواق الفاخرة أو محلات الماركات ذات القيمة المرتفعة جدا ممقارنة بنفس المعروضات ولكن
• بالسوق الشعبي الرسمي في البلد، حتى تمكن من شراء بعض التحف أو الهدايا أو المنتجات
• المميزة بسعر مغري وليس بسعر سياحي . !
• أرقام الهواتف لمكان السكن لتركها مع الأهل في حالة الرغبة بالإتصال

خامسا / كيفية ترتيب اغراض السفر وماهي الاغراض التى توضع في حقيبة السفر

1- نصائح عامة عند التجهيز للسفر

المطار :

• اول شي شنطه السفر ما تكون اكثر من 24 كيلو
• اذا شنطتج مألوفه حاولي تلصقين عليها شي او تلبسينها حزام عشان تعرفينها ومحد ياخذها بالغلط
• بشنطه السفر لاتحطين فيها مجوهرات او اشياء قيمه- شنطه اليد ما تكون فيها اغراض حاده مثل السكين
• شنطه اليد ما تكون فيها اغراض سايله مثل المسكرا او الروج ولو احتجتي ممكن تحطينهم بكيس بلاستك وتحطينهم بشنطه ايدج عادي
• اذا كنتي شايله شنطه كبيره بالطياره لازم ما تزيد عن 15 كيلو
• الصندل وانتوا بكرامه يكون مريح لان بعض المطارات تكون وايد كبيره ومتعبه في المشي

الملابس:

• ايش الملابس اللي اخذها معاي؟

اخذي معاج 5 اطقم اندر وير
تقريبا 7 قمصان نوم
شنطه يد تناسب لبسج
للصيف:
صندلين مريحين اللي لهم كعب كامل عرفتوه؟
واحد بلون فاتح مثلا الاوف وايت مثلا والثاني بلون اسود
والعباية
اخذي 3 عبي طقم مع الطرحة والغطوة
و 3 بناطلين مريحين تحت العبايه
5 تيشيرتات او بديات للشتاء :
بوت طويل بيج وواحد ثاني اسود + جزمة
قفازات
مظله
اخذي جاكيت بلون اسود طويل
3 بديات هاي نك شتويه
3 وبناطلين ثقيله جينز او مخمل

• غسيل الملابس؟

ملابسج العاديه ممكن تبعثينها للمغسله بالفندق
الاندر وير ما يحتاي تغسلينه دام انج بتلبسين كير فري
بس اذا طولتي واحتجتي تغسلينه .. اغسليه بشويه ماي وصابون وعلقيه داخل الكبت
واذا تنحرجين جيبي تي شيرت ما تبينه وعلقي الملابس داخل التي شيرت المعلق فهمتو؟

• الكوي؟

افضل شي تشترين مكواه البخار تلاقينها بالهيبر ماركت صغيره وتستعمل للسفر
تقدرين تكوين ملابسك وهي معلقه سهله وايد
وعشان ما تكوين وايد بالسفر حاولي ترتبين ملابسك بالشنطه بطريقه ما تعفس فيها الملابس بسرعه اشلون؟
يعني مثلا البنطلون تطوينه طويه وحدة بس وافرشيه على عرض الشنطه فهمتو اشلون؟
القميص بس طويه وحدة بالطول ..قمصان النوم على حالها افرشيها في الشنطه
بهالشكل الملابس ما راح تتعفس وايد ويسهل عليج الكوي

• اختيار الملابس؟

اشلون اختار ملابسي داخل الشنطه بطريقه سريعه ومن دون ما اخرب واعفس الشنطه؟
هذي يعتمد عليج من بدايه الموضوع يعني قبل السفر واشلون ترتبين شنطتج!
يعني الشنطه اول شي تقسمينها بالعرض لقسمين
وتبتدين تحطين الملابس
اول شي البنطلون وفوقه القميص اللي راح تلبسينه مع هذا البنطلون
بعدين البنطلون الثاني وفوقه القميص اللي راح ينلبس مع هذا البنطلون
وهالشكل تعبين القسمين
اما الشيل او الحجابات تحطينها بالاخير فوق عشان بعدين تختارين منهم بسهوله على كل بدله
اما القطعه اللي تجي بنص الشنطه واللي فيها السحاب عرفتوها؟
هذي تعبين فيها قمصان النوم والاندر وير
عشان لاسمح الله اذا اضطريتي تفتحين الشنطه بالمطار ما تتناثر هذي الملابس !

• الملابس اللي لبستهم وين احطهم؟

اول ما ترجعين من برى وتبدلين ملابسج حاولي تفرشينهم على الكرسي كم ساعه عشان تروح منها ريحه الجسم اذا ما كانت وصخه
بعد كم ساعه طبقيها بنفس الطريقه اللي رتبتيها فيهم داخل الشنطه
يعني البنطلون طويه وحدة بس والقميص طويه وحدة بالطول وحطيهم فوق بعض على احد الرفوف ... افضل رف هو الموجود باعلى الكبت
بهالطريقه لما تدورين على ملابسج مرة ثانيه بتعرفين وينهم بالضبط
وحتى بيساعدج هالترتيب على ترتيب الشنطه مره ثانيه لان الملابس بتكون مطويه وجهازة بس حطيها بالشنطه

• قمصان النوم... ايش اللي ممكن البسهم باول الايام؟

حاولي تاخذين معاج كل الانواع
في البدايه اول 3 ايام لبسي طويل
بعدين حاولي كل مرة تغيرين
مرة قصير ومرة طويل...مرة غامق ومره فاتح...مرة شيفون مرة حرير دانتيل المهم تغيرين
بس المهم حاولي انج بعد اسبوع واحد او 2 بالكثير تلبيسن القصير لانج لو استحيتي من البدايه بتلاقين نفسج طول العمر مستحيه منه

الملابس المستعمله؟

هذي الملابس تحطينها على طول بكيس الاندري الغسيل حتى لو ما راح تبعثينها لاندري بس حطيها بالكيس ... ولو مثلا كانت عندج ملابس مستعمله واضطريتي تنتقلين من دوله لدوله حطيهم داخل كيس الاندري وبعدين حطيهم بالشنطه علشان اول ما توصلين تبعثينهم لاندري

• العلب اللي فيها سوائل ؟

هذي العلب لو بتحطيها بالشنطه بتلاقينها تسرب شوي
مثل الشامبو والبلسم
وتخيلي لو انكسرت العلبه داخل الشنطه !! يعني ملابسج كلها راحت
تعرفين الاكياس البلاستك اللي تنحط فيها السندويشات ؟؟
بتلاقين في السوبر ماركت احجام شوي كبيره هذي تقدرين تعبين فيها اغراضك السايله بدون خوف
المبرد ,, الملقط ,, المقص ,, اشلون بحصلهم بسهوله داخل الشنطه؟
طبعا انتوا عرايس وبتشترون مكياج بكميه كبيره
واكيد بيعطونكم شناط الميكب الصغيره كهدايا
اخذي اصغر شنطه موجوده وحطي فيها هذي الاغراض وحطيها في الاكياس الموجوده على اطراف شنطه السفر مع مكينه نزع الشعر وشنطه المكياج

• الحمامات العامه بالمجمعات ؟

طبعا هذي الحمامات الوحده منا تخاف منها لانها عرضه لامراض وخصوصا باول ايام الزواج اجسامنا تلتقط المرض بسرعه
اول شي لازم ترفعين الفلاش بالحمام عشان الماي الموجود يروح ويعطيج ماي جديد ونظيف
بعدين مقعد الحمام هذا اللي فيه اكبر كميه من الميكروبات اشلون استعمله !!
بتلاقين في بعض الهيبر ماركت اوراق خفيفه تنحط على المقعد بالحمام عرفتوها ؟ ممكن تشوفونها ببعض الفنادق موجوده اكيد شفتوها من قبل
ممكن تاخذين كم حبه منهم وتحطينهم بشنطه ايدك وتستعملينهم وقت الحاجه

• ايش احط بشنطه يدي؟

اول شي البوك وكل البطاقات
مفتاح الفندق اللي ساكنه فيه وعنوانه احتياط لو ضعتي مثلا او لو ركبتوا تكسي ما يعرف اسم الفندق اللي انتوا فيه
بولو... علكة... مقص ...كير فري .... اوراق الحمام وانتوا بكرامه ...فاين عادي ... فاين معطر .. بانادول والمكياج

• الكير فري ( الكوتكس اليومي ) ؟

حاولي تختارين نوع جيد مافيه عطور ويكون مصنوع من القطن
بعدين حاولي تاخذين كميه كبيره تقريبا لكل يوم 3 حبات وانتي احسبي كم يوم راح تقعدين هناك
بس لاتعتمدين على انك بتشترينهم من هناك .. لان في بعض الدول ما تبيع اليومي لانهم اصلا ما يستعملونه
بتكون عندج كميه كبيره من العلب تقريبا لو مسافره شهر راح تلاقين نفسج محتاجه ل خمس علب ... تخيلي شكلهم بالشنطه!!
حاولي تدورين على شنطه صغيره ونظيفه تجمعين فيها كل الكميه
انا استعملت شنطه البارشوت كان عندهم عرض كل علبتين فشنطه بلاستيك
ومن ذاك اليوم استعمل هذي العلبه حتى وانا في البيت لانها تكون احسن من علب الكرتون اول شي ما تدخل فيها حشرات وثاني شي ما ترطب مع السبوح بالحمام

• المكياج .. ايش اخذ معاي؟

اللي بشرتهم جافه ياخذون كريم اساس سائل خفيف مثل ديور
اما اللي بشرتهم دهنيه لازم ياخذون كرم الاساس المضغوط او البودر مع الاسفنجه
روجين واحد بلون وردي والثاني بني بس الدرجات تكون فاتحه
بلاشر مع فرشاه البلاشر
ضل لون وردي فاتح وبني فاتح مع فرشاه

مسكرا... كحل لداخل العين... وكحل لبرى العين مع فرشاه

نصايح عامه :

• قبل كل شي وفوق كل شي الله ... الصلاه يا بنات لاتلهيكم الدنيا والوناسه عن الصلاه ... القران حاولوا لو مرة في الاسبوع تقرون صفحه وحده كفايه اهم شي تذكرتوا الله
• الدعاء والاستغفار... احسن وقت للدعاء في الطياره وقت الاقلاع ادعي ان ربج يوفقكم ويا بعض ويبعد عنكم العيون والحسد والاعمال والسحر ويرزقكم بالذريه الصالحه في الوقت المناسب لكم .. طول الوقت بالطياره ادعي لان الدعوه وقت الصعود يعني وقت الاقلاع مستجابه ودعوه المسافر مستجابه بعد ... واذا تمللتي استغفري ربج او سبحي شوي بس الاهم انج ما تنسين زوجك بالسفر
• هذي السفره اول سفره واول تواصل بينج وبين زوجك ... ومن هالسفره زوجك راح يحكم عليك وعلى حياتكم وعلى كل السفرات الجايه ... فلازم تتحلين بكم صفه وهالصفات المفروض تتحلين فيها طول عمرك
• ما تكونين ممله يعني .. اف ملل.. اف حر... اف تعب هذي كلها تنسينها حاولي تكونين دايما انسانه ممتعه بالسوالف والتصرفات
• تكونين انسانه مرتبه دايما سواء بلبسج وشعرجكومكياجك وحتى بالغرفه بالفندق يعني مثلا لما تقومين من النوم حاولي ترتبين الفراش مب تعتمدين على الهاوس كيبينق .. حتى لو تفرشينه بطريقه مرتبه بس مب مهم يكون شي مظبوط ميه بالميه لا المهم ان الفراش يكون مرتب ..... وحتى ملابسج وملابس زوجك حاولي ترتبينهم دايما يعني اختاري مكان بالغرفه مثلا تحطين فيه كل الجواتي وانتوا بكرامه والملابس الوصخه على طول حطيها فكيس الاندري
• حاولي انك تكونين يد زوج اليمين بالسفر يعني مثلا الجوازات لما يعطيك اياهم خلك حريصه عليهم وحطيهم بشنطتك ... اول ما تطلعين من الفندق اخذي عنوان الفندق معاك ومفتاح الغرفه عشان لما ترجعون للفندق يكون معاك العنوان تعطونه للتكسي ... بانادول وعود الاسنان والعلك هذي كلها تخلينها بشنطتك عشان اول ما يطلبها تكون عندك...يعني مب لازم زوجك يقولك افعلي وسوي لا بالعكس انتي ابهريه بتصرفاتك العقلانيه صدقيني بتكبرين فعينه
• لاتكوينن بليده بالسفر يعني لما يقولك بنطلع الساعه 4 مثلا حاولي تجهزين نفسك قبل او مثلا لما يقولك يلا نطلع حاولي تجهزين بسرعه خصوصا باول سفره لان الزوج مب متعود ان حد ياخره بالسفر فحاولي تكونين مستعده دايما
• اذا قررتوا تسافرون يوم الاربعاء على الظهر مثلا ...حاولي تجهزين شنطتك الثلاثاء الظهر بحيث تخلين الاغراض اللي راح تستعملينهم خلال هاليوم بس برى اما الباقي كلهم داخل الشنطه يعني حطي لك لبسه ليوم الثلاثاء الظهر ولبسه ليوم الثلاثاء بالليل ولبسه ليوم الاربعاء الظهر ولبسه ليوم الاربعاء للسفره يعني .... بهالطريقه راح تكونين مستعده وما راح تتبهدلين على اخر لحضه ولا راح تنسين شي بالغرفه مثلا - لما زوجج يدخل محل للبس الرجال لاتقولين له انا بدخل المحل الفلاني لحد ما تخلص!! والا اف يلا ما خلصت اف تمللت ام ماعرف ملل !! لاء طبعا حاولي تشاركينه اختياره ولاتبينين له انج متملله او متضايقه بالعكس

صدقيني بتشوفين اشلون راح يعاملك يوم تدخلين محل للحريم .. وبنفس الوقت راح يتعلم ياخذك معاه كل مره يوم يختار له لبس يعني كسبتي شيئين

• لو مثلا ضعتوا بالشارع ايش يكون موقفك ؟؟؟ الرجال ما يحب يفقد ثقتك فيه لذلك لما يضيع يحس ان ثقتك فيه قلت فاول شي تقولينه : الله حلو هالشارع لو رحنا على طول للمكان الفلاني من الشراع الثاني ما كنت بشوف هالشارع الحمد لله مرينا على هالشارع وغيرنا الطريق

يعني حاولي تخلين كل شي بعينك وبعينه حلو حتى لو كان تصرف مب حلو منه

• لو مثلا قالك انا ابي نزل تحت بالكوفي شوب صديقي عازمني على قهوه ابي اسلم عليه مثلا بخليك في الغرفه دقايق وراجع .... لاتقولين لاء والا اف والاما يصير .. بالعكس خليه على راحته عشان ما يكون مقيد معاك ... لو حس انه مقيد بتلاقينه يفكر مره ثانيه الف مره قبل لاياخذك معاه !!!

بالعكس انتي لو خليتيه يروح مثلا ربع ساعه بهالوقت رتبي شنطتك والا غرفتك او استشوري شعرك وحطي مكياج و صدقيني بتطلع لك الف شغله بهالوقت وبنفس الوقت زوجك راح يحس انه حر مب مقيد

• تصرفي على طبيعتك لاتكونين مصطنعه.. يعني لاتضغطين على نفسك عشان تكونين بعينه الانسانه المثاليه

بالعكس الرجال يحب المراه اللي تتصرف على طبيعتها ... واذا تصرفتي انتي على طبيعتك بتلاقينه هو نفس الشي يتصرف على طبيعته...لاتخلين الخجل يكون حاجز بينج وبينه... بالعكس من اول الايام من شهر العسل كسري الحاجز