لو رجع بك الزمان ورا

ليلة الزفاف كل عروس تحلم
أتكون ليلتها أسطورية غير عن كل الليالي
هي ليلة وحده في العمر
لكن آثرها يبقى عالق بالذاكرة العمر كله
يمكن كل عروس ترسم صورة بمخليتها عن هاليوم وعن هالليلة
لكن لما نكون على أرض الواقع
تخالف الصورة عن المخيله بحسب الظروف
فكرت بهالطرح عشان نفيد ونستفيد عشان أوضح لكم الصورة
يعني
مثلاً
أتكون العروس حطت ميك آب مب قانعها بيوم عروس فتقول لو الزمن يرجع ورى كان حطت ميك آب .....كذا وكذا ولون كذا
أو
لو الزمن يرجع ورى كان ماجبت فلانة تسوي شعري لاطرحة ثابته ولا تسريحة أو أترست شعري سبري وماعرفت أفكه أو
يكون فستانها مب قانعها لو الزمن يرجع ورى كان غيرت قصت فستانها أو أتمنى خليته أبيض سادة بدون لون
أو
لو الزمن يرجع ورى كان غيرت الفرقة أو الدي جي ظلموا العرس كانوا باردين
أو
لو الزمن يرجع ورى كان ماتعاملت مع هالمحل لاتنسيق ولاكوشة نفس اللي أخترتهم ((وهاي أكثر شيء يخوف لأن الكثير من المحلات مايخافون الله يعطيج ويقنعج أن كل شيء بيتنفذ وبنفس اللي ببالج لكن ماتجين على أرض الواقع وبيوم العرس بعد ماياخذ المبلغ يصدمج (( وياريت بنات الرياض مايقصرون يقولون لنا عن تجاربهم مع المحلات لأن هالنوعية من الناس يستاهلون أن نكشف خداعهم دامهم ينصبون على الكل ومايفكرون إنها ليلة وحده وماتكرر ياخذون كل شيء بغرض مادي)) أو
لو الزمن يرجع ورى
كان عدت الزفة مره ثانية
وكنت أكثر هدوء وركاده
وخففت من الربكه والتوتر
لو الزمن يرجع ورى
كان تبسمت للمصورة عدل وماظلمت صوري __________________________________________________ ___________
أتمنى الصورة تكون وضحت
حبيت أحط أمثلة حتى أوضح الفكرة
والقصد من الموضوع نستفيد من تجاربكم ونتجب السلبيات اللي تتمنون أن الزمن يرجع لو ورى وتغيرونها
وحتى نتجب كل خطأ ..
وقعتوا فيه
نبغي نستفيد من بعض وتجارب بعض