خاتم الزواج موضوع للنقاش

بالنسبه لي البس خاتم الزواج للزينه مو أكثر...ولا يهمني لو زوجي لبس خاتمه ولا لأ...متزوجين من خمس سنين ولا عمري شفته لابسه..مرمي على التسريحة لدرجة صار لونه بني من الصدأ.

انا تونى ممكله وزواجى بعد فتره ان شالله ... واهم شى عندنا انا وياه خاتم الزواج مره طلعنا نتعشى وهو مو لابسه سويت له سالفه ليه مالبسته من اولها تهمل الخاتم ههه مرره مصدقه كل البنات يقوولون بس اول شهر وبعدها ما ندري وين الخاتم بس اتوقع انى بلبس الدبله للزينه لاانها اماس وما اقدر كل وقت البسها فيه بنات يسوى عاديه من غير الماس...
وانا من رايى انه شى رمزى لان الاساس لى بالقلب والاحساس والتعامل لو الخاتم شكله يعكس التعامل كان عشنا اميرات زمانا من الدلع .. بس انا من رايى انها شى رمزى بس لازم المحافظه عليه من الطرفين دكرى حلوه وتقاليد حلوه للزواج ..

يسلمو ريانة و الجوري على مروركم
شفت حريم لو الزوج ينسى الخاتم لو يوم تقلب الدنيا>> اكيد شايف له شوفه و مايبي البنت تعرف انه متزوج
انا احس ذيلين عقلهم صغير>> يعني اللي ماقدر عقد الزواج ولا العشرة تربطه بزوجته بيربطه خاتم؟؟
عن نفسي احسه شي بس يوم الحفلة يلبسني و البسه و بعدين خلاص
و بعدين ماحب الخواتم تظايقني و مادري ليش ماحب اشوفه حتى في يد خطيبي
رازة الخواتم في علبتهم بس زينة ^__^
انتظر مشاركات جديدة

من قال ان الخاتم شي مقدس الى بين الزوجين شي اكبر انا عن نفسي الخاتم صغر علي وزوجي كان يلبسه الشهور الاولى والحين ولا يدري عنه و لاقد فكرت في الموضوع عادي يهمني هو اكثر من اي شي

علمي فخاتم زوجي ايام الملكه شغالتي سرقت خاتم زوجي وماعرفت الايوم فتشوها الجمارك في المطالرههه وخاتمي يسمع صوتي في علبته اكثر من سبع سنوات شعور انه قريب يكفيني

يا بنات خاتم الزواج هذه عاده كانت عند الفراعنه مقدسه واتت بعدها اليهوديه وايض كانت مقدسه لديهم
وكانت تلبس في الاصبع الوصطي وذلك لكون الشريان الاساسي فيه ولا تنزعها الزوجه خصوصا الا بعد مماتها
واليوم اللذي تنزعه معناها طالقه
ولكن نحن المسلمين تقيدنا بهذه العاده ولا نعلم انها نوع من البدع القاسيه
وانا لي الان متزوجه 36 سنه ولا اذكر يوم لبستها الا للزينه ولا شيء غير هذا ولانها الماس
وانا وزوجي لم ننسي بعض في اي وقت ونحن والحمد لله في حب دائم
ومن كان اعتقاده بهذا الخاتم ثقو يحصل ما لا يبه يعني الاعتقاد في الشيء يحصل
اتمني اني افدت بمعني الدبله

أنا زوجي من أيام الملكة مايلبس الدبله لانه مومتعود وكانت مره تضايقه فخليته على راحته
أما انا كنت ألبسها دائما إلى أن صغرت عليه وحطيتها في العلبه وأشتريت وحده ثانيه ولبستها فتره
وبعدين طفشت صارة تضايقني وحطيتها مع خويتها في العلبة
تحياتي

هلا والله فيك أختي .. بالنسبة لي مو شى عادى بالعكس مهم بحياتي تخيلي من ملكت والى الان
أنا وزوجي نلبسها الحين صار لي من تزوجت سنتين وثمانية شهور .. الله يديم علينا
أذكر مرة زوجي ضاعت عليه بالعمل صدقيني يومين بس ماقدر يستغني عنها راح سوق الذهب
وأخذ مثلها وكتب عليها اسمي واسمة وعلى طول جاني وقال لبسني اليها وأنا بعد ماقدر استغني عنها

أنا بصراحه مع الأخت أم الحلوين هي ليست إلا عاده دخيله علينا من غير المسلمين وللأسف تمسكوا بها المسلمين مقلدين لهم فتوارثتها الأجيال يعني بمعنى أوضح هي بدعه والله أعلم