هل تسمحين له بالسفر لوحده عطوني رأيكم

اخليه يسافر بس بشروط انه سفرته مره بالسنه وماتعدي اسبوع واعرف من رايحه معه
اما ماخذ شنطه كل شوي ويسافر هذي مستحيل اعديها
هذا رايي بالموضوع

عليكم السلام حبيبتي
انا اجوف هالموظوع وايد فراشات يتكلمون عنه يعني يشكل بالنسبة لهم ازمة
بس انا بتكلم عن نفسي>> و لحد الحين خطيبي ماسافر ولا مرة
ساعات يختبر ردة فعلي يقول لي بسافر اسبوع او يومين بس عن غشمرة
انا بصراحة ابدا ماعارض فكرة انه يسافر سواء عمل او سياحة و مع اي شخص
لئني اولا واثقة فيه و في اخلاقه و في اختياره لاصحابه
و ثانيا احترم كونه شاب و صغير و يحب يقظي وقت مع الشباب موب كل مجابلني حتى لو سافر
بس بصراحة احس يحز في خاطري انه يبتعد عني و احاتيه مادري ياكل عدل يرقد مرتاح من يهتم فيه لو مرض
يعني قلبي عليه مثل امه خصوصا انه يهمل نفسه و خصوصا في سفر مادري شلون بيتصرف
و خبرج الشوق هاذه شي ثاني اكيد راح اتكدر و تسود الدنيا في عيني و اتظايق لو يوم واحد السفر
بس لدرجة اني احاول اغير رايه عن السفر او اخش جوازه مستحيل اسويها
و احس السفر فرصة ان كل واحد يشتاق للثاني و يفكر فيه و نرد حق بعض بقوة على قولتهم
الله يهنيج و يسعدج مع زوجج ولاتظيقين صدرج حبيبتي نظري للموظوع من زاوية اوسع
تحياتي لج ياحلوة

لا ا ا ا والف لا ا ا لسفر للخارج 000رغم ان زوجي والله انسان عاقل وملتزم ويخاف الله بس الحرص مهم 000000000هذا رايي انا عاد يالله ورونا رايكم

انا بصراحه ما راح اوافق بس لو حطها في با له الله يستر مو عدم ثقه بس شي يخليهم على الاقل يطالعون غصب الله يسترنا وياهم

اخواتي الرجال لو يبي يسوي شي يسويه علي سريرك مايحتاج يسافر لكن انتي اعطيه الثقه وحاولي ما تعطي فرصه للعناد كدا حتي لو في نيته مايسوي شي عقله اقوله لا هي ماهي واثقه فيك وانت لو سويت ولو ماسويت ماراح توثق فييك انا عني زوجي يسافر وانا نفسيتي تصير زفت واخاف احلم لكن كااقول شي

انا من النوع عند غير مثل النار تاكل الخضر واليابس وما خلي يفكر بالسفر الوحده ابدا وهذا الشي يعرفه من البدايه 000000000000مع انه دايما ايكول لي انه يحبني ويخاف ربه لكن مايقنعني يا حلاوه لا والف لا

حبييتي اخليه يسافر مدام اني أعرف أخلاقة ويكون يخاف الله لانه لو ناوي على الحرام ماأقدر أردة وأنا عندة في نفس المدينة اللي ما يخاف الله ينخاف منة

هلا فيك والله .. بالنسبة لي عادي أخلية يسافر لاني واثقة فية وبعدين احس فية تغير الروتين
وعلشان يشتاق لك أكثر وكل مايروح مكان يتذكرك ويرجع بلهفة عليك .. هذي وجهة نظري... دمتي

بالنسبه لي ما اوافق موعدم ثقة لا والله أثق فيه زي ما أثق بنفسي لكن
أولا انا بجد مااقدر استغنى عنه ولو دقيقه
وثانيا انا اغار عليه موت ما اتخيل يروح بعيد عني وحرمه تشوفه
وثالثا أخاف عليه من الطريق والمشاكل والله الدنيا مافيها أمان
تحياتي وهذا رأي