خاصه بس انها للجميع

السلام عليكم ورحمه الله وبركاته
بسم الله الرحمن الرحيم
اتمنى من المشرفين انهم ماينقلون الموضوع ...عشان يقراه اكبرعدد ممكن ..........................................تكفون لاتحذفونه ""ترى تكفى تهز الرجاجيل ""
..
..
\
فعلا يا بنات الوقت قدامن’’آآآ ولازم نتغير ونرتقي بنفسنآآ للأفضل
من لم يتأدب مع الله فوق الأرض ادبة الله تحت الارض
اقرب شي تبدين فيه التغير الصلاة اللي بتصلينها الحين
وربي ايميل متعوب علية صحيح اني ما احب اقرى الايميلات الطويلة بس صدقيني الايميل يستحق دقايق من وقتك
الله يجزى صاحبة خير الجزآآآآء
اقروة وانتفعوآآ وخلو غيركم ينتفع
ماراح اتكلم بأسلوب وشسمه بأتكلم بأٍسلوبنآ ك بنآت ..
بنآت
مره رحت لمسجد صلاه القيام .. شفت بنات كثير بأعمارنا من 16 الى العشرينات واكبر ..
بنات لبسو عبايات كتف وبناطيل و و و لكن ايش..
تركو السوق والتلفزيون والاغاني وجو للمسجد ..
وش معنى هذا..!
مو معنى المسجد
يمكن صليتي في بيتك ورفعتي يدك ودعيتي من قلبك..
وب ذلك بكيتي والشيخ يدعي..
تسمعين الشيخ يقول ..{ يارب ندعوك دعاء المسكين من كثرت ذنوبه وقلت حسناته }
وتسمعين { سبحان من ستر القبيح واظهر الجميل },,
تسمعين يقول { سبحانك تطاع ف تغفر وتعصى ف تغفر }..
تبكين من قلبك او يعورك قلبك ..
تحسين انك صح كذا تحسين فجأه انك ولا ش ي
يعني وش سوينا نحس ان حنا مغترين بأنفسنا..
تدرون في احاديث للرسول واقوال للصحابه
ان في زمن ان الرجل يصلي ستين سنه وماتقبل له سجده وحده ..
معقول.!
ايه ولا سجده يعني تركعين وتقومين
وتسلمين ماتدرين كم صليتي وترقعينها بالسهو ..
بنات الى متى انا وانتو كذا..
قسم بالله مهيب حاله يعني يجيني حاله اقول ودي اني بعهد الصحابه L ..
الى متى وحنا بغفلتنا ,,
نصلي ونبكي و و..
يجي العيد وبعد العيد ونرجع لخنبقتنا وننسى ..
طيب انا وانتي خلينا نفكر ب شي من الحين دام الهمه فيني وفيك الحين..
مثلا نسوي صندوق بالبيت او بغرفتك كل يوم حطي ريال ..
بدل هالشيبس اللي كل يوم نجيب 4 للشله..
نتبرع بريال للصندوق ...
وريال على الريال تصير 10..
تدرين ليه ريال عشان ماتثقل عليك واللي لها قدره الله يجزاها خير..
وعطيها مثلا هاللي ينظفون بالاسواق ولا سواقكم ولا شغالتكم ..
تراهم ماجو هنا الا للحاجه..
واذا كانت تتعنفق ولا تنافخ ..
خلي قلبك اكبر واكسبيها باجر ربي وماجوره ,,
ولسانك ..
اللعن ..
زي العاده ..
شفتو ابله فلانه الله ..... تستهبل هي وواجباتها..
ولا الدكتور/ه ودي اذبحها الله .........
ولا اخوي الحم.... فصل النت .الله .......
عودي نفسك تتركين العاده ..
اذا لعنتي فجأه عاقبي نفسك واستغفري 40 مره مثلا =)..
واحسني خلقك مع أي احد..
تدرين ا لابتسامه لها اجر..
تمر وحده من جنبك .. لاتمدين الكشره متر ..
لا ابتسمي ..
انا مره رحت مكان ماعرف احد فيه وفيه
وبنت ابتسمتلي تمنيت اني اتعرف عليها..
الابتسامه لها دور..
عبايتك ..
انتي عارفه خطأك اكيد بس خليني اقولك عن شي..
مره كانت فاطمه بنت النبي تبكي من قلب وتصيح ..
جتها عائشه رضي الله عنهم جميع..
تقولها مابالك .!
اعلمك وش قالت ..؟!
قالت بمجمل كلامها .. الحين إذا انا مت وشالوني الرجال بييبن جسمي وبيبان خصري
يعني شكل جسمي بيبان..
اذا فاطمه بنت الرسول كذا تفكيرها
وهي الحين ميته..
وحنا العبايه واسعه لكن مع الشنطه وشد العبايه مع الخصر يبان كل شي
بنات تكفون خلونا نتغير ..
وربي ماراح ينفعنا شي..
واللي ابتليت بجوال مع الشباب ولا الماسن..
ولاحتى انت ياالشاب اذا ابتليت بنات سواء بجوال ولاحتى مسن ...
ولاتقولين او تقول مااقدر جربت وماقدرت في مليون طريقه تقدرتخليك تتغير بس اهم شي اسئل واسئلي نفسك هل انتي صادقه وانت صادق ؟؟؟صدقوني اذا كانت نيتك صادقه ربي راح يساعدكم وخاصه مع الدعاء....
تأكدي هالشخص اذا انحطيتي بقبرك وجاءك ربي يقولك وسألك ليه سويتي كذا.ّ
وش ردك عليه..!
بنات والله ماينفعك..
تدرين ليه اقول كذا .. لاني اعرف كثير وعارفه هالشي صعب ..
لكن احبك
لاني احس انو شي صعب بس من ترك شي لله عوضه الله خير منه..
اتركيه هالشخص ووضحي له انك تعدلتي..
شي احسن من لاشي ..
صح علي..
حاولي و حاولي وحاولي..
وادعي لربك قولي يارب لاتعلق قلبي بأحد واهدني واني احذف اللي عندي وعطني قوه وعزيمه..
بنات..
تكفون .. =)..
عدلي لو شي واحد وادعي لربي لنفسك دائم..
صح ولا انسى الاغاني والافلام الامريكي والكوري <~ يارب صبرنا وأعنا..
اذا انحطيتي بقبرك ماراح يٍسألو عنك ..
ولاحتى اذا انخطبتي ووقت الملكه تقولين ابرسل لخطيبي اغنيه تعبرله عن مشاعري
في طرق كثيره تعبرين فيها عن احساسك ...في اشعار بدون موسيقى ...مثلا حامد زيد
وفي اناشيد خطيره لمصعب المقرن ..وفهد مطر..
وحتى بتتزوجين تروحين تحطين بزفتك اغاني تقولين عشان تطلع الزفه حلوه ورومنسيه
فكر ي كم وحده بتسمعها وتكسبين انتي السيئات
ولاوتزيد الطين بله اذا سمعوها واعجبتهم وراحوا انشروها ولاقلدوك وحطوا نفس الزفه ويالله تتنتشر
وكل الذنوب على ظهرك ....ماراح ينفعك شي ...وتقدرين تحطين زفات خياليه
وبدون موسيقى وتكون اسلاميه ...والله والله والله اني رحضرت زواجات وفي زواج من بيناتهم
حضرته وكانت زفتها اسلاميه تقولو البنت ملتزمه اقولكم لاعاديه جدا بس ماشاءالله عليها
وربي يزيدها تفكر صح بدال ماتكسب ذنوب خلق الله وتبدا حياتها بمعاصي
بدلتها بأسلاميه وكانت والله روعه وقالوا انها زفات المدينه ولهم موقع خاص
ومافيها موسيقى ولاشي ....وربي ان شاءالله يعوضها لانها تركت شي عشانه ..
بكره اذا اندفنتي تحت التراب بتنحطين بقماش وذنوبك معك..
حاولي انك دايم تذكرين صحباتك بالجنه والاشياء ..
تخيلو اليوم سمعت عن قصه ..
في اثنين أصحاب ..
كانو قاعدين بمكان <~ اجل وين..
المهم..
قامو يتكلمون عن الجنه والنار والخ.!
واحد دمعت عينه بذكر النار خاف منها ..
بعدها بمده توفى صاحبنا ..
وجاء لخويه بالحلم ..
قاله صاحبه يافلان وش اخبارك..!
قال اخباري..
انا بالفردوس الاعلى اعلى شي بالجنه..
قاله صديقه ليه..؟
قال تذكر يوم نقعد نسولف انا وانت وذكرنا النار ودمعت عيني..
هذا اللي دخلني الجنه..
شفتي ربي قد ايش كريم..
وربي ربي شي كبير..
بنات..
طولت عليكم..
بس وربي ضايق صدري ع حالنا هالبايخ ..
تكفون خلينا نتحمس سواء ونتعدل مع بعض..
الله يخليكم..
لي طلب اخيرا..
عارفه اسلوبي مدري وش يبي...
بس ارسليه لاقرب شخص لك ..
اللي تحبينها وتخافين عليها..
حتى ارسلوها في الايملات والمواقع ان شاءالله يتغيرون فيها كثير ويكون على ايدينا
من نار جهنم..
لا يقولك هالسخيف<~ تقصد ابليس
لاترسلين مشوار
كلامه المعروف..
لا خذي اجر لو سمحتي..
واخيراً ..<~ ياكثر الاخيرا
لاتنسووني من دعاءكم ..
منقول بس والله ماارسلته الا من خوفي عليكم من النار من الدنيا اللي لاهين فيهاالله يكفينا شرها..
والله يجمعنا في الفردوس الاعلى... امين يارب
لاتنسووني من دعواتكم
واتمنى من كل ولد يقراه عشان تنغير كلنا ونرتاح بالدنيا قبل الاخره ...لاتنسون ""
قول الله تعالى .. إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ ""
وتذكر دائما ربي اذا رضى عن عبده ارضاه واسعده بالدنيا والاخره ..
كفاره المجلس...
""سبحانك اللهم وبحمدك اشهدان لااله الاانت استغفرك واتوب اليك""