خايفة أحد يصدمني بتفاهاته

1. قال ابوها:أنا بكره بوديها خلاص بس أسكتي


2. البنت:بكسره خاطر.. طيب


3. بس في نفسها تفكر تقول أخاف يجي أحد يصدمني بتفاهته ؟؟؟!!!

بسم الله الرحمن الرحيم
أهلين بنات فديتكم خواتي أتمنى يعجبكم موضوعي وتتحمسون بالرد شوي لأنه يهمني بصراحه أرائكم الرائعه ..
نطب محيفره بالموضوع ...
هذي قصه بنت عمرها 19 سنه ..
بدت معاناتها وهي بسن 13 سنه ..
مره من الأيام لاحظت بقع بيضاء على جسمها تنتشر بسرعه مروعه ومشوهه لجسمها..
كانت تشتكي لأمها وأبوها وخواتها لكن محد لقى لها بال غير بكلمه أنتي هواله ومافيك ألا العافيه أنطقي بس وأذكري الله...
البنت وش تسوي غير أنها بنت ومالها ألا أنها تنطق طبعا..
الزوبدة أن البنت لاحظت حبوب صغيرة حمرا بدت تضهر نفس الحاله تشتكي ومزبدين لها أهلها بدت الحبوب تكبر وتصبح قشور شكلها قبيح جدا كان جلدها يشبه بالجلد المحرووق
طبعا ثرثرت لين ماتفقعت كلاها والله ولاأحد معطيها وجه <<ياعمري دمعت عينها عليها رحمتها..
مرت ايام واسابيع وهي على هذا الحال وكانت تروح المدرسه وصديقاتها يسألونها وش ذا وش ذا اللي بجلدك وشذا بهاق<<<ودها تحكي بس وش تقول غير هالجملة..والله ماأدري؟؟؟!!!
طيب ليش ماترووحين المستشفى ..وش تقوول أهلي مايبون مالهم خلقي...وش تقوول غير بعد والله ماأدري؟؟!!!<<ياعمري على ماأدري.. :(
مرت شهور حست البنت بالضيق والضجر من تصرفات أهلها يحسبون اللي فيها خمبقة مبزرة
<<معليش القاموس منعدم عندها شوي
رااحت يوم وتسولف مع أمها وأبوها قالت تكفون ودوني المستشفى قال أبوها وأمها تراك غثيتينا طلعت لك حبيتين وأزعجتينا فيها...
(طبعا البنت أنقهرت ومن القهر تهورت الله يصلحها)..
رفعت لبسها لين فخوذها وقالت شف يبى شوفي يمى مره كبيره مدري وشو هذا؟؟؟!!!
<<<أنلخموا وأندهشوا من الموقف اللي شافوه..
البنت كل جسمها مليان دوائر كبيره وحمرا وجرووح وقشور فوق هذي الدووائر الغريبه...أمها:تعالي أشوف
البنت: هاه يمى شوفي والله يحكني ويعورني لين مايصب دم
<<<ياعمري وربي تنرحم :(
(الحمدالله يارب على العافيه بس)..

قال ابوها:أنا بكره بوديها خلاص بس أسكتي

البنت:بكسره خاطر.. طيب

جلسووا يدورون سنتين كامله ماعرفت البنت وش فيها من دكتور لدكتور ومن مستشفى لعيادة ومن عيادة لمستشفى محد عرف وش فيها كل الدكاتره قالوا ماندري شيء غريب أول مره نِشووفه ولايلط فيها أي مرض عشان يسكتها فيها لدرجه في دكتور معروف لكن حقيير عطاها علاج موب لها علما أنه دارس بأمريكا <<حسوفه السننين اللي لمتك أمريكا فيها ياحقير...
أشتكت له قالت دكتور في بعد حبوب أوريك أياها قالها أحمدي ربك مافيك بهاق بس زغرطي عشان مايوقف نصيبك ...
(بالله هذا كلام ينقال لأنثى ومراهقه بعد وش ذا الحكي ؟؟؟!!!)
النصيب بيد الله مو بيدك ياحقير...
<<حاقده عليه بقوه بعد
المهم عشان شكلكم طفشتو مني بقوه البنت لقت دكتور رائع ومعروف وعشانه معروف ورائع والله يجزاه ألف خيرهو الدكتور ألاول على المملكة ومتدين ويخاف الله الله يحفظه لأهله بس...
عرف وش فيها وأندهش من حالتها لأنه مايعالج ألأالحالات النادرة جدا والمستعصية والصعبه ...
قالها أنتي وينك عن عمرك؟؟!!
توك تجين ووشذا الأهمال المرض لاعب بجسمك لعب قالت طيب وشو اللي فيني؟؟!!
قالها: فييك مرض أسمه جارة الصدفيه ولازم تفتحين ملف لك بالمستشفى عشان تعالجين وطلبت أختها منه اللي هي متوضفه بنفس المستشفى أنه يشرف عليها وتكون مريضته..
قال ماعندي أي مشكله بس تفتح ملف بنفسها طبعا بمستشفى الحرس ابوها ماعليه عنده واسطات وفتحلها ملف وجلست تعالج 3 سنوات والمرض يروح ويرجع لها...رغم عن ذلك ألا البنت واجهت كلام لاذع من مجتمعها عشان شيء هي مالها أي دخل أو سبب فيه عشان بس ربي بلاها بمرض قاموا يذبون عليها حكي جمر والبنت حساسه ماتتحمل الأم والخاله والأخت والخال والصديقه والي تبون كلن ألتم عليها من جهه ... بس تعجبني أرادتها قويه وأستمرت تطلب الله يشفيها وتتجاهل الكلام والتصرفات اللي تشوفها الي يبعد عنها واللي يقولها اللي فيني كافيني بعدي عني لاتمرضيني... رغم أن هالجهله يدرون أن مرضها مو معدي أبد رغم أنه مزمن...
مررت أيام هو بيني وبينكم أثر على نفسيتها بكثير بس حامده ربها وشاكرته أنها أستقرت على دكتور وعلاج لأن علما هالمرض مالها علاج وأسبابه غير معروفه وللحين يبحثون عنها...

بس في نفسها تفكر تقول أخاف يجي أحد يصدمني بتفاهته ؟؟؟!!!

تخاف أن يجي أحد يخطبها ويقول لا ماأخذ وحده مريضه بهالمرض ولاني فاضي أوديها لجلسات علاجها مرتين بالاسبوع وهو يومين يفصلهم يوم واحد...
رغم أن المستشفى بقلعه وادرين...وخايفه أن المستشفى يقفلون ملفها لأنها بواسطه فاتحته وماتقدر تعالج لأن علاجها مكلف جدا وأهلها ماعندهم أستعداد يخسرون باليوم ألف أو ألفين ريال...وينتشر المرض بجسمها من جديد وكل تعبها اللي راح يختفي مثل السراب..
مع أنها غابت عن المدرسه مرتين بالاسبوع وعطتهم تقرير انها مريضه ومحتاجه للعلاج وغير هالمرض في جسمها خلايا غير طبيعيه وتدنى مستواها بالدراسه ماكانت مثل أول جيدة ...
ولكن هي مرتاحه مع العلاج كثير ومريحها لأنه يخفي المرض أخفاء مؤقت...
ولكنها خايفه تواجه الواقع مع نصيبها؟؟!
وخايفه أن ربي يكتب لها أنه يتقفل ملفها؟؟؟!!
وين تروح ومافي مستشفى حكومي صاحي ألا الحرس هو اللي عرف قصتها وتكلف بعلاجها ...
أن من ناحيتي البنت والله صبرت وأنشاءالله تنول يابنات تكفى أدعولها تراها بعمر الزهور وتتمنى الراحه مثلكم ...
أبغى ردود قويه مثل كلماتكم الساحره ياحبيباتي أتمنى ياربي يعجبكم الموضوع وتنهبلون عليه...
(بسم الله عليكم )..