خبراتنا بالمكياج كل وحدة تدخل تفيد وتستفيد

مشاركة رائعه اختي
انا استخدم المكياج الخفيف بس اللي يعرفني يعرف ان الناعسة يجب ان تضع فوق حواجبها لون افتح من لو الجلد بدرجة
لانه يبرز جمال الحاجب كما انني اضع مثيله فو ق الشفه العليا قبل وضع الروج لانه بعد يساعد في ابراز جمال الشفاف
هذه بس حركتي اما عن العيون
اكتفي بوضع الماسكره مع آلة الماسكرة التي تعكف الرموش للاعلى
وباقي المك اب استخدامه ضيق كثير يعني مايهني اكثر مما ذكرت
دمتي للجمال
الناعسة

مشكوره اختي ناعسه علي مرور وين البنات ابي تفاعل يا بنات ترا ازعل عليكم

عندي حركه حلوه ... بعد ماتحطين البلاشر
تاخذين الكونسيلر القلم او شويه من البودره الي دوم تستخدمينها وتحطين منه شوي على اصبعج
وبعدين تحطينه تحت خط البلاشر بشكل خفيف وهاذي االحركه تبرز الخدود ... وبعد انا لما اكحل عيوني
احط الكحل مو بس داخل عيوني بعد على خط الرموش الفوقانيه من داخل ...
ومشكوره كويتيه عسل والناعسه افكارركم حلوه

تسلمين حلو موضوعج .........
انه رحت حق دورة مكياج وكانت تقول انها تحط على الجفن روج بيج وبعدين تحط الشدو فوقه
ليش؟؟؟؟؟؟؟؟؟؟؟؟؟؟؟
الاجابه عشان ما يطير او يخف اللون للسهرات
:aq22

هلا اختي اقتراحج جنان
انا عندي عدة حركات
اول حركه قبل لا احط الاساس بعد التنضيف والتهيئه للمكياج احط كريم اساس غامق ب5 او 6 درجات من بشرتي
وبعدين احط اساس افتح من درجت بشرتي ب2 وفايدة هالحركه تخفي العيوب جربوها وانتو احكمو وبعدين عادي احط بودر على لون بشرتي
والحركه الثانيه عشان المع الويه اخلط مع البودر اي شدو لؤلؤي مائل لذهب ((يناسب لون البشره مو لؤلؤي ابيض))
يعطي الوجه لمعه حلوه
عشان اثبت الايشدو اول شي احط لوشن في يدي وبالريشه اشل شوي من اللوشن واخلطها مع الايشدو واحط على الجفن وقبل لا ينشف الايشدو اللي على الجفن بفرشه ثانيه احط من نفس لون الايشدو بمكان ما يا عليه اللوشن وانا اخلط اشل واحط على الجفن وبكذي يتم اللون حلو وثابت ويطلع اللون نفس اللي فالعلبه
وبالنسبه للروج اذا حطيت ميك اب وما كان عندي لون روج يناسب اخلط الوان التحاديد اللي الوانهم قريبه من مكياجي وبعدين احطلهم اساس مع شوية قلوس ويصير روج ولا صار ولاني ما احب اللمعه كثير على شفايفي احط باودر
وبس
هذي حركاتي اللي احس انهم مميزات
اتمنى انهم يعجبونكم وتستفيدون مني
ترى انا احب المكياج ااذا عندكم اي استفسار انا حاضره ترى انا خبيره

هلا بنات ويعطيكم العافيه علي هتواصل ريم المحمودي نفس طريقتي انتي انا احط اساس غامج ابجم درجه بعدين الفاتح وصح يخفي العيوب خقولكم عن الحواجب
انا شكل حواجبي هي اهم خطوة عندي .. مرة اخليهم طبيعين جدا وشكلهم جميل , ومرة بس اشيل كم شعرة من الوسط ويصيرون 8
وقبل المكياج لازم الشرة تكون نظيفة حيل وهناك عدة طرق
لكني افضل النظام الثلاثي من كلنك واللي هو
صابونة تناسب نوعية البشرة ثم التونك المقشر لا اي جلد ميت والي يخلي البشرة تلمع
من الحيوية والنظافة وبعدين ... المرطب .
واروح البس ثياب الخروج .
وارجع لوضع المكياج وافضل فاونديشن استعملتة هو ( ماك ) لانك تقدرين تتحكمين فيه
خفيف او تبينة ثقيل والوانة طبيعية على الوجة .
وما استعمل البودرة لانها تنشف وجهي .. واذا كان وجهي تعبان وفيه هالات سود .. استعمل كونسيلر كفر ديرما وهو ممتاز وثابت .
وعيوني مرة احط لها مكياج اقرب للطبيعي مثل خط فوق الرموش الاعلى مع الماسكرا
واحب ماسكرا ريميل او لانكوم ومرة احط كحل اسود من الداخل ( الهاشمي الكريمي )
ومرة اتكحل باللون بقلم كحلي ........والكحلي يخلي العيون البنية فاتحة وكاني لابسه عدسات ( ما شاء الله )
واذا كان مناسبة احب استعمل درجات الشدو البني الفاتح والغامق والذهبي
ثم احط شوية بلشر على المناطق القريبة من الشعر بالجبين , وايضا ارسم ضحكة بوجهي واضع على الاماكن المرتفعة بلشر ........... وضروري يكون الروج من درجات البلشر
عشان الوجة مايصير مثل وجه المهرج ... كثير الالوان
واخيرا احدد شفايفي بدرجة شوي اغمق من الروج واضغط بالكلنكس ثم اضع طبقة ثانية
او اضع لون طبيعي واضغط عليه بالكلنكس .. ثم اضع الملمع في الشغه السفلى فقط.د
واحرص على عمل مكياجي قبل الخروج بنصف ساعة او اكثر ... عشان يصير رايق
وان لقيت الفاونديشن كثير ,,,,,, ارش وجهي بماء الورد وازيل الزيادة بالضغط بالمنديل
على الزايد من الميك اب ... وسلامتكم .
لاتنسون الحواجب لانها اطار الوجة والله المستعان .

انا ودي اصير فلته بالمكياج بمنو تنصحيني اروحله ابي اخذ دوره

والله ما اعرف دورات انا يا شامخه انا تعلم المكياج ابروحي مره اغلط ومره اصلح وبعدين قامو ينادوني فنانه بالمكياج

صدق إنك عسل على هالموضوع ...
أما سري في المكياج (بعد شوي ماراح يصير سر) بالأول أنا كنت أعاني من الأساس صعب توزيعه وما يثبت .. المهم إني مرة في (وجوه) .. وغثني ذاك السوري ما يسكت أبد بس يمدح لي هالماركة اللي هو مسؤول عنها .. وعشان أسكته شريت منه منتج ... ولما استخدمته بعد أسبوع ... ما عاد صرت أقدر أستغني عنه ... هو base ينحط قبل الأساس .. من smashbox وهذي صورته
والحين عندهم منه 3 ألوان .. الأخضر يخفي الحبوب الحمراء .. والموف يخفي البقع الصفراء .. والأورنج عشان آثار الحبوب والبقع الداكنة في الوجه ( حشا صارت علبة ألوان مو وجه ) <--- ما تلاحظين إنك صرتي مثل ذاك السوري ما تسكتين أبد ..
المهم مرة ثانية تسلمين يا كويتية عسل على هالموضوع ... خليتينا نستفيد من بعض ..