هل يوجد دورات تدريبيه للمكياج فى دبي او الشارجه

بنت زاايد

23-04-2022 - 01:44 pm

السلام عليكم ورحمه الله وبركاته
كيف حالكم بنووتات
بنات الامارات حبيت استفسر اذا كنت اريد اخذ دورة تدريبيه للمكياج فى الشارجه او دبي او عيمان حد منكم يعرف اي مكان؟؟؟؟
اريد اخذها فى الصيف؟؟؟
افيدوني لو سمحتو
يزاكم الله خير

التعليقات (3)

^ملكة الفراشات^

23-04-2022 - 04:38 pm

هلا أختي (بنت زاايد) ،،
أولا،، إجازه سعيدة إن شاء الله ...
وثانيا،، تقدرين تاخذين دورة تدريبية لوضع المكياج في ( باريس غاليري ) ،، وبالتحديد في ( دبي،، مركز سيتي سنتر ) ..
عندهم ( صالون سوليس ) في ( باريس غاليري ) ،، وسيري عند وحده اسمها ( سمر ) ...
وإذا كنتي شاطره في وضع المكياج ف حصه وحده اتكفيج ،، واتكون بمبلغ ( 200 درهم ) وبيعلمونج كيف اتحطين المكياج الكامل..

الأنامل الماسية

23-04-2022 - 05:39 pm

مرحبا اختي بنت زايد...
سامعه عن عدة اماكن بس والله ماجربته
انا اختي خذت دورات في مركز الضيافه للتجميل...في دبي
و ربيعتي سارت القنطار خذت دورات...
و باريس غاليري يقولون ان مكياجهم مب لين هناك يعني يعني يعلمونج مكياج اجانب هالطرق الخفيفه اللي ماتناسب ملامحنا نحن اهل الخليج...
و سلامتج ياختي..
عاد خبرينا وين بتسيرين لاني افكر اسير بعد (^_^)
يالله اشوفج على خير
و ربي يوفقج.

دلوعه البنات

23-04-2022 - 06:40 pm

الصراحه بدور لج لاني سامعه ان في وحده ادرب للميكب
اصلها لبنانيه لكن في راس الخيمه !!

خبراتنا بالمكياج كل وحدة تدخل تفيد وتستفيد←
اخر مشترياتى من السوق لايفوتكم→