خذ بقايا ذكرياتك والاماني والوعود

السلام اخباركم؟؟
اليوم بنزلكم قصه جديده حلوه طبعا في البدايه يمكن تحسونها مو حلوه بس هي حلوه
القصه عن بنات كلهم في الجامعه زميلات والقصه راح تتطور عن حياتهم الخاصه و خلاص مابي احرقها عليكم انتوا اقروها
المهم انا بنزل بارت وبروح الجامعه وابي ارجع اشوف الردود اللي تشجع اني اكملها
نبتدي
بارت 1
مريم والجازي ومها وعبير وساره وريم ونوف وظبيه وفاطمه وهيا
مريم وريم وفاطمه وهيا كانوا فمدرسه وحده
وفيوم التسجيل تعرفوا على مها والجازي وعبير وساره وظبيه ونوف
واحلى صدفه اجمعتهم
ان كلهم طاف دور تسجيلهم وهم مايدرون(اللي يطوف دوره مايدخل الا بعد ماتخلص الناس كلها) واجتمعوا كلهم في الادراه وتعارفوا
مريم: عمرها 19 سنه هاديه وخجوله وفنفس الوقت عصبيه كتوومه ماتحب تفضفض لاحد ولاتبكي قدام حد
طويله بيضه لا متينه ولاضعيفه جسمها حلو جميله بس احيانا تكون ماعندها ثقه فنفسها شعرها اسود كيرلي يوصل لي نص ظهرها
عبير :عمرها 21 سنه شخصيتها حلوه جذابه كل من يشوفها يرتاح لها قلبها ابيض وطيبه سمرا شعرها اشقر ناعم قصير جسمها حلو طولها متوسط تقدمولها 2 بس رفضتهم وتنتظر الشخص المناسب تشتغل وتدرس
مها: عمرها 19 سنه جريئه شوي بسرعه تدخل القلب تحب الطلعات متينه شعرها بني ناعم قصيير وبيضا جميله
ساره :عمرها 20 سنه طيبه تحب تضحك وتسولف وايد وتحب تطلع وتروح مطاعم جميله و جسمها حلو بيضا شعرها اشقر ناعم قصير طويله
ريم: عمرها 19 سنه مغروره يعني من قدامج شي وراج شي ثاني ماحد يعجبها طويله وبيضا شعرها اسود ناعم طويل
فاطمه: 19 سنه طيبه روحها حلوه تنتظر فارس الاحلام طويله ضعيفه مملوحه بيضا شعرها اسود ناعم موطويل ولا قصير
نوف ؛19 سنه مرحه تحب الطلعات طويله متينه شوي بس جسمها حلو حنطيه شعرها بني طويا كيرلي
هيا: 19 سنه طيبه وشخصيتها حلوه ماتحب تزعل حد متينه شوي طويله شعرها اسود ناعم طويل حنطيه
ظبيه :19 سنه مرحه كل شي عندها ايزي تحب تونس عمرها مملوحه شوي متينه شعرها بني ناعم قصير طويله
الجازي: 19 سنه هاديه وحساسه طيبه وعلى نياتها طويله بيضا شعرها اسود ناعم طويل
يوم الاحد الصبح الكل نايم من البنات
الساعه 6 الصبح بيت مريم
مريم : اوه سكتوا وردت نامت ( مريم مع خواتها في غرفه وحده والخدامه تصحي خواتها للمدرسه ومع الازعاج يصحونها من النوم )
في بيت عبير
خديجه(ام عبير) تدق باب غرفه عبير: يمه عبير تاخرتي على شغلج
شافت مافي رد دخلت الغرفه :عبير
عبير: يمه كاني جاهزه (طلعت من الحمام اله يكرمكم) صباح الخير
ام عبير: صباح النور يمه يلا تعالي افطري معانا
نزلت عبير وامها غرفه الطعام
عبير: صباح الخير
الكل : صباح النور
عبير وحيده امها وعندها اخو واحد (فيصل) متزوج (دانه) وعندهم ولد 3 سنين( محمد) وبنت 2 شهر( مروه)
عبير: فيصل وين زوجتك ليكون مزعلها مثل العاده
فيصل: لا نايمه امس مروه مصخنه وطول الليل صياح وتعبت معاها
عبير : ماتشوف شر
فيصل : الشر مايجيك يلا حموود نروح الروضه
الساعه9 يرن المنبه في غرفه نوف :يالله صباح خير وتقوم تتسبح وتجهز
وراحت عند التسريحه تحطلها الميك اب وتتصل لفاطمه
فاطمه: الو
نوف: فطوم لاتقولينلي ليلحين نايمه
فاطمه: لا احين اقوم
نوف : اذا وصلتي الجامعه دقيلي مس كول
فاطمه: اوك باي
( نوف وفاطمه وظبيه دايم في الجامعه حتى لو ماعندهم محاظرات)
الساعه 11 بدت المحاظره
كلهم واصلين وقعدوا في كراسيهم ماعدا عبير لانها مو ماخذه ذي الماده
الدكتور لبناني: هلاْ راح اوزع عليكم ارواء خطتي لهاي الماده متل مانتوا عارفين الhistory سهل كتيير بس بدوه تركيز وراح ايوزع اوراق الخطه على الطلبه وصل لعند نوف
نوف : هلا دكتور شخبارك انا اسمي نوف حفظت اسمي
الدكتور: عندنا كورس كامل 3 اشهر ونصف لنتعارف فيهم خلينا نبتدي وبلا ازعاج
نوف: حسبي الله على بليسه فشلني
ظبيه: تستاهلين محد قالج رزي ويهج
وطبعا في اول محاظره الكل ساكت ويستمع عشان الدكتور ياخذ عنهم فكره زينه
بعدت ماخلصت المحاظره تفرقوا
مريم والجازي و مها وساره وريم راحوا محاظرتهمbiology
وهيا راحت محاظرتها economics
وفاطه راحت محاظرها account
وظبيه ونوف راحوا محاظرتهمwriting
(كان ودهم كل محاظراتهم مع بعض بس شاءت الظروف)