خريجات الثانوي تعالوا

اهلين وسهلين
ويالله خلصنا المدرسه ومافيها
الحين كل وحده تقول وش مخططه تدرس بالجامعه
ماهي مخططاتك المستقبليه
ننسى اللي راح راح خلي النسبه فكري بطموحاتك مستقبلك
بالنسبه لي انا 90 %بصراحه هذي النسبه ما تسمحلي اتشرط ههه
من يوم انا صغيره كنت اقول طب بس حسيت انه مسؤووليه وصعب وانا مني قدها وشلت الفكره تماما من راسي من يوم دخلت ثالث ثانوي ولا انا داخله علمي عشانه
والحين اهلي يقولون قدمي اختبار القبول بالكليات الصحيه احس صعب اني ارجع الفكره لراسي غير كذا ما ادري وش يبيلي اذاكر عشان اختبار القدرات احس اني حايسه
اللي تعرف تفيدني الله يجزاها خير
المهم انا ودي بهندسه ديكور حلمي هذا القسم اموت فيه دايم اقرا عنه في النت
بس في الرياض مافيه غير بسلطان ومابي ادخل جامعه خاصه
غير كذا اهلي يقولون كيف تدخلين هندسه وانتي منتي مره في الرياضيات
انا احب الرياضيات بس ما افلح فيه مره يعني عمري ماجبت فيه درجه كامله لازم ناقصه نص ربع
اداره اعمال محاسبه ما اعتقد لاني احسه غثيث وما راح احبه
عشان كذا فكرت ادرس تربيه فنيه واذا خلصت اخذ لي دبلوم هندسة ديكور في معهد شيفلد في الرياض
شهاداته معتمده من نيورك
بس انا ماكنت ابي فنيه ولا اداره سكن احس ان دراستهم عشوائيه وماهي على اساس ما احب كذا
الله يعين انتظر ردودكم