خسرت انوثتي في نظرو و خآيفه آخسرو

•• قسـورة ••

13-08-2022 - 05:15 pm

آلسلآم عليكم ورحمة آلله وبركآته
حدخل ف آلموضوع ع طول
بنوتآت آنآ متجوزآ ليآ سنتين وعندي ولد عمرو سنه وشهرين
م فتره بسيطه سرت مرآ عصبيه وبس آتنرفز م آيآ حآجه وكلو بسبب ولدي وشقآوتو
وآلمشكله آنو بطلع عصبيتي ع آبوه آلمسكين
وف مرآ كنت زعلآنه م جوزي ع سبب تآفه مرآ حتى مني فآكرتو
وجيت بعآتبو ومآآدري آيه ف قآلي كبري عقلك
مآآدري ليه عصبت وآتنرفزت وكسرت كل إللي ع آلطربيزآ
وخبطتو وجرجرت حوايجو ورفستو
وهوآ وآلله سآكت مآنطق حتى بحرف وآحد
وآستنآني لحد مآهديت وقولت كل آلكلآم إللي عندي وبعدين جآ وحضني
وألله مرآ ندمت وجلست آفكر ليش سآويت زي كدآ بس مآآتلقيت سبب زي آلآوآدم
حتى هوآ آتفجع مني بيقولي هيآ م متى لمتى بتجيكي حآله صرآع آلتيرآن دي
ويآريتني توبت بس آليوم كررت نفس آلشي
ونكدت عليه م آلصبح و قبل مآيروح آلعمل
جلست آسبسبو وآقولو آنآ بس عآيشه معآك ومتحملتك عشآن ولدي ولآ إنتآ كلك عيوب ومآتتعآشر
بس لآنو كآن نآيم م لمآ رجع م آلعمل ويصحى آوقآت آلصلوآت ويرجع ينآم
ف حسيتو مرآ مهملني ومآيهتم فيآ وسآيبني كدآ مركونآ
سآعدوني بليز يآآخوآتي كيف آتخلص م لسآني آلطويل دآ وآسير زي آلنسمه
لآنو وآلله مآبيقصر عليآ وبيجبلي كل إللي آتمنآه وبيتحمل مني كتير وسآكت
آبغى آعيشو ف آلجنه بس مني عآرفه كيف
وكيف آرجع آنوثتي ف نظرو وآسير نآعمه وهآديه
وآلله كنت زي كدآ بس مآآدري إيش قلبني فجآه
وآبغى آرسلو مسج ع جوآلو لآنو ف آلعمل دحين حيرجع آلسآعه 3 آلظهر
إيش آكتبلو فيهآ بليز سآعدوني

التعليقات (9)

فوفو++

13-08-2022 - 08:29 pm

رفع لعيوونك.

name me

13-08-2022 - 09:30 pm

طيب انتي كنتي كدا من اول؟؟
احس عندك ضغط نفسي ولما تكبتي تكبتي في الاخر تنفجري على شي تافه
قوليلي انتي تدرسي او تخرجي دايما ولا كيف نظامك؟؟
وكيف كنت قبل ما تتزوجي وكم صارلك متزوجه؟

lilo-chan

13-08-2022 - 10:31 pm

والله يا اختي ما اعرف ايش اقولك بس يارب ينولك اللي في بالك ويهدي سرك مع زوجك
طب ايش اللي غيرك فكري في الموضوع يمكن بعد ما جاء ولدك نفسيتك تعبت او صرتي عصبيه من التعب وقلة النوم
وبخصوص المسج حاولي ترسلي مسج وتبيني فيه انك حاسه بغلطك وانك ما تستغني عنه ومن دا الكلام
ولما يرجع زوجك اعمليله جو رومانسي وحركات

أم مايا*-*

13-08-2022 - 11:32 pm

انا نفس حالتك والله تعبانه شوفي لي 3 ايام ومادري اش نرفزني وقلت له كلام يزعله
ونسيت وش قلت وهو خاصرني
وصاير عصبيه بعد ماجبت بنتي مدري وش فيني
وبنتي عمرها سنه و8شهور

•• قسـورة ••

14-08-2022 - 12:33 am

والله انا ماكنت كدا اول
بالعكس كنت مرا هاديه وناعمه
ومااحب ارفع صوتي ع احد بس ماادري ايش سارلي
ومرا تسلمولي ع آلردود ربي يسعدكم

أم مايا*-*

14-08-2022 - 01:34 am

قسوره بسالك تاخذي مانع للحمل؟؟
لاني انا اخذ ياسمين وامي تقول لي يمكن من الحبوب مسويه لك عصبيه
ماادري!!!!!!!

~ رحلة عذاب ~

14-08-2022 - 02:35 am

حبوبتي انا مو متزوجه ولا حاجه
لكن بقولك حاجه لو استمريتي زي ما انتي راح يتزوج عليك زوجك
بنت عمتي زيك بالتمام والله رقعها ببنت عمه ولا كمان اتزوجها من دون تدري
ولا اخذ رايها راح لامه شكالها الحال قالت له امه عندي علاجها
وشوفيه مبسوط مع بنت عمه وكمان مخلف ولدين زي الورد
وهي مخليها جدار بس يجي عشان بنته
فالحل لك انك تمسكي اعصابك وترتبي نفسك
واللحين من يوم يرجع زوجك من الدوام بوسي راسه
واذا رجع من دوامه حطي له عصير ليمون وجهزي له منشفته << متاثره بالمسلسلات خ
والرساله اكتبي له
"ابعتذر"
وارسل مع الشوق عذري!
ياللي مكانك بين عيني و قلبي ؟ انا مقصره و الظروف اجبرتني !
وابغاك تقبل اعتذاري وظرفي؟ والله ماني مهملتك في حياتي
"لكن حياتي كلها اتعبتني"
ادعيلي ربي يحقق احلامي

رووني 23

14-08-2022 - 03:36 am

ودي افيدك بشي بس للاسف انا بعد نفس حالتك من جبت ولدي وهو عمره الحين سنه وثمانيه شهور وانا صايره عصبيه ومااتحمل من زوجي كلمه واتنكد وانكد عليه ماني عارفه كيف صرت كدا قالوا من الحبوب تركتها وبرضوا نفس الشي ماتغير حاجه نبي حل ضروري الله يسعدكم

صندوق الشكولاته 100%

14-08-2022 - 04:37 am

كل هذا من الضغوط
بس اتفقي معاه انكم تطلعون كل يومين تغيرون جو
وحبيبتي لاتضغطين نفسك من ناحية البيت والشغل والولد
انا ادري انو ودك تسعدي زوجك وماتنقصي عليه بشي
واكيد تغيرت حياتك بعد الولد بس انتي وضحي له وجهة نظرك
وهو اكيد بيتفهم لك ,,,
الله يسخركم لبعض ..

وشرايكم بذا الرجال جد والله شي يبكي←
هل الحب نهايتة كرةساعدوني بقصتي→