خطيبي والموت

السلام عليكم ورحمة الله وبركاته
بنات انا سجلت وانا عارفه انو ماراح احد يساعدني بعد الله غيركم انتم الله يوفقكم ساعدوني انا حاسه راسي بينفجر من التفكير .
بنات انا ليا ثلاث ايام ماانام زين وكل شوي اصحى احس احساس غريب جواتي مايخليني انام المهم اقلمت نفسي ع هذا الوضع
واليوم قبل الفجر نمت وتحلمت حلم مره مره مو حلو قمت مفزوعه بنات حلم اول مره اتحلمه بحياتي صحيت بعد الفجر تعوذت من الشيطان وصليت الفجر وع الساعه 7 اتصل خطيبي وقالي تجهزي بوديك الكليه انا استغربت من اتصاله عليا بدري المهم استأذنت من ماما وقالت روحي معاه ولبست ورحت فالسياره هدوء مو طبيعي وباين عليه انه مهموم سألته قلته اشفيه وجهك كذا قال اليوم تحلمت حلم مو زين انا استغربت قال اول مره اتحلم حلم بهذي الصوره قلتله ايش الحلم مارضي يقولي مره واترجاه يقول مو راضي وصلنا الكليه ونفسيته وشكله مو تمام قبل مانزل قال انتبهي لنفسك واقري ع نفسك واذا خلصتي اتصلي عليا يقول انا ماراح اداوم اليوم بنتظرك تخلصين وبجيك قلته طيب ونزلت ودخلت الكليه وماحضرت ولا محاضره ماني قادره احس بضيقه واحساس غريب والله ماني قادره اوصفه لكم واتصلت عليه الساعه 12 قلتله اني خلصت قال انا عند الباب
وركبت وجالسين نسولف شوي والله يابنات ينظر فيا نظرات حزينه وماشال عيونه عني وبعدين قال اسمعي ياقلبي والله انا ماابغا افقدك قال ثلاث مابغا افقدهم ابوي وامي وانتي يتكلم وعيونه مدمعه بس هو يسوي انه قوي ومايبين انه حزين قال مابغا افقدتك لكن الانسان مايدري متى يمووت ابغاك تعرفين شي واحد اني احبك ومستحيل استغني عنك وانتي كل مااملك انتبهي لنفسك من كل شي انا ماقدرت اتحمل جلست ابكي والله يابنات اول مره يقولي كذا عمره ماجاب طاري الموت بس بعد الحلم هذا مدري ايش صارله المشكله مو راضي يقولي ايش الحلم عشان افسره ونرتاح الي محيرني اننا انا وهو تحلمنا بنفس الوقت تقريبا واحلام ماهي حلوه وانا حاسه انه هو فسر الحلم وطلع مو زين يقول ان الحلم فيه دواب وان الحلم بس يخصه هو يقول وفيه كم واحد من اخوياه اللي يعزهم مره معاه بالحلم وساعدوه..
بس مو راضي يقوله لي ابدا يقولي انا مشتاق اكلم واحد من اخوياي اللي ساعدوني بالحلم ..
بنات انا خايفه عليه مره لاني بعد ماجيت من الكليه نمت العصر وتحلمت بقبور والاموات وهو كان بالحلم انا تعبانه تكفون الله يسعدكم
ملاحظه هو قالي انا بحياتي كلها تحلمت حلمين كانت مره ماهي حلوه ومفزعه بعد الحلم الاول بأسبوع صار عليه حادث وصارتله مشاكل
وبعد الحلم الثاني يقولي صارله شي مره مو حلو وتعب ومرض بس الحمد لله تشافى منه .
والحين هذا الحلم الثالث وماني داريه ايش راح يصيرله انا خايفه تكفون انصحوني