خطيبي والهدايا

1. عندي مشكله صغيوره بس والله تهمني وايد

مرحبا بنات مخطوبات ومتزوجات وحتى الامورات الصغار اللي بعدهم ما انخبطوا قصدي ما نخطبوا

عندي مشكله صغيوره بس والله تهمني وايد

يا بنات خطيبي ما يهتم بشي اسمه هدايا اخر هديه اعطاني ياها كانت قبل سنه.
شوفوا يجي عيد الحب قول عيد الحب حرام رغم اني بكل عيد حب اعطيه هديه وما اهتم لا بكلامه ولا بأنه ما رح يجيبلي هديه.>>>>>>>>>>>>زين لا يعطيني هديه بعيد الحب يجيبلي هديه بأي يوم ثاني؟؟ الهدايه مالها يوم معين............مع كذه ما اعطاني هديه
وعيد ميلادي اجا وانا مو بنفس المنطقه كنت مسافره قال اذا رجعتي هديتك عندي ورجعت>>>>>>>>>>>>>>>>> و يا ابو زيد ما غزيت لا اعطاني هديه ولا شي.
ولا رأس السنه اعطاني هديه ولا شي
طيب انا ما ابيها بمناسبات معينه عادي يعطيني اي يوم عادي!!!
عاد هو يحبني موت ويجنن عليا والهديه مو مقياس بس ترى انا بنت والبنات يحبوا الهدايا واذا كلكم ما تحبوا الهدايا انا احبها احب تجيني هديه من خطيبي.
تجي صديقتي بشنطه تجنن حلوه اقولها واو من وين شاريتها تقول خطيبي اهداني>>>>>>ياحظها
واللي يجيبلهااكسسوارموبايل وحركات
انا دايما بكل مناسبه اهديه ومره بدون مناسبه عجبتني حاجه تخص الاولاد رحت اشتريتها وغلفتها واعطيته
والله زعلانه رغم انه رومانسي والحمدلله مرتاح ماديا
عاد ايش اسوي؟؟؟
اروح اقوله اعطيني هديه يا اخ لو سمحت خ
شسوي؟
شسوي؟
شسوي؟
قولوا لي. ولا تقولوا الهديه مو ضروري المهم انه يحبك ويحترمك ايه ادري بهذا الكلام بس يا جماعه الهديه لها احساسها والرسول بنفسه وصانا بالهدايا
اشلون يعني الحين؟؟؟ خطيبي بيظل كذه!!!! انا اللي اعرفه الرجال يجيب لخطيبته واذا اتزوجوا يوقف هذا من اولها ما فيها هدايا اشلون اخرها؟!
اعطيكم رقمه تتصلون فيه تعلموه وش اهمية الهديه بالنسبه لبنت؟؟خ
زين شسوي؟