خطير ردا على موضوع التامبون

1. المحاذيير منه !!


2. لاتخلون التامبون اكثر من 6 ساعات !!


3. هذه صوره حق وحده ساده عنق الرحم


4. رأيي الشخصي في هالمنتج


5. مما يسبب صدمة التسمم الدموي او Toxic shock syndrome

المشاركة الأصلية كتبت بواسطة حرم بووليد
السلام عليكم ورحمه الله وبركاته
شخباركم يامتزوجاات ؟؟
ويابنات!!! ,, ابيكم تعرفون هالموضوع عدل لانه يخصكم بعد ؟؟
طبعا بعد بحث مطول في هالموضوع في المنتديات العربيه حصلت قله من الكلام في هالموضوع وطبعا حبيت اسوي موضوع عشان البنات يستفيدون
ماهو التامبون وليش يستخدمونه ومنو يستخدمه ,, او ممكن يسمونه السدداه القطنيه !!!
التامبون الله يعافيكم نوع من انواع الكوتكس وهو للمرأه المتزوجه فقط وليس العذراء ..
انا من فتره قمت استخدمه وصراحه افكر بجديه اني اطلق الكوتكس التقليدي بالثلاث
وطبعا انا من البنات الكثار اللي تصيدهم الحساسيه من الاوليز وحتى السنستف ,, لانه يكتم المنطقه كثير ويسودها بعد
طبعا براويكم انواع التامبون
وفيه بعد من الاولويز
هذا شكله من داخل
وطبعا الاثنين اللي حصلتهم بالسوبرماركت والصيدليات اللي هو Ob وكوتكس
من مميزات التامبون
لاتسريب بعد اليوم مافي احراج بعد اليوم لاتعليقات من الناس ولا البنات لانه في بقعه حمراا ورااج
النظافه !!! ينظف مجرا الدم ولاتقعدين تحسين انج مرطبه طول الوقت والاحساس انه شي قاعد ينزل منج ؟!!

المحاذيير منه !!

لاتخلون التامبون اكثر من 6 ساعات !!

طبعا انا قريت عن مساؤه بالانجليزي !! وطبعا الانجليز يستخدمونه اكثر شي وحتى البنات لانه العذريه عندهم مو مهمه واهم طبعهم الوصاخه فيخلونه واجد وساعات اسابيع يتم فيهم وع واهو يسبب انحباس في الدم طبعا لانج حاطه سدداده ويسد الدم مايطلع بره الرحم فيصير تسمم ,,
نرجع نقول لاتخلينه اكثر من 6 الى 8 ساعات
مايستخدم للبنات فقط المتزوجه ,, لانه يفقد العذريه
وهاي مساؤه
وطبعا ممكن بنات يقولون لي انه يوسع لكن صدقيني ماله دخل ,, مايوسع ولاشي ,, سوي تمارين كيجل وانتي حاطته يقوي العضله وانا مجربه
طريقه استخدامه بالصور !!
1- تفتحين الكيس ماله
2- تدخلينه وتدفعين بالامبوبه مالته عشان يدخل
3 - تطلعين الامبوبه مالته وببان الخيط بس من برا
4- لي جيتي بتغيرينه تسحبينه ببطئ من الخيط
ركزوو على مكانه ,, بحيث مايسد عنق الرحم واحس الاحتباس يكون اذا سديتي عنق الرحم خصوصا باول الايام ,, لانه الدم يكون غزير

هذه صوره حق وحده ساده عنق الرحم

رأيي الشخصي في هالمنتج

حلو للمتزوجه ويعطيها ثقه بنفسها ومع الاستعمال الحذر ممكن تطلق الكوتكس التقليدي بالثلاث وانا منهم ,, استعمله من فتره وبحذر طبعا اول الايام مااخليه اكثر من 3 ساعات عشان الدم غزير وبعدين عاادي ,, طبعا من النظافه انج تغيرينه كل ماتدخلين الحمام عشان ماتنتقل الجراثيم من الخيط الى الرحم
انا عن نفسي حبيته وينظف مجرى الدم ولي بغيتي تطهرين تحطين فيه مسك وتنظفين نفسج به بدون القطن اللي يتقطع داخل الرحم ولاهم يحزنون
الحين انا ابي اعرف من مع وضد استخدام المنتج وابي اعرف منكم من اللي تستخدمه ورايكم فيه؟؟؟
حبيباتي الفراشات
من خلال موضوع حرم بو وليد واللي جزاها الله خير تكلمت عن التامبون
حبيت بس انا اوضح لكم المساويء لأنها جدا" خطيره
التامبون واللي ماعرفته الا من خلال دراستي لمرض اسمو
TSS صدمة التسمم الدموي
( Toxic shock syndrome ) وهو مرض حاد تسببه بكتريا شائعة تفرز سمومها فى مجرى الدم
واللي طبعا" من اهم مسبباته التامبون
ودكم تفهمون ليه خطير..؟؟؟
تعالو نشوف
يقولكم يا عزيزاتي ان التامبون ميكانيكية عمله حبس الدم واذا شلتي القطنه ينزل الدم مره وحده همن تغيرينها بجديدة..هذا واضح من كلام حرم بووليد والصور الي فوق 888
طيب من هالكلام تستنتجين انو مافيها اي خطورة
لكن المشكلة وين؟؟؟
انو الرحم سبحان الله بطبيعة الحال فيه بكتيريا .. كأي عضو اخر بجسم الانسان
المهم.. اذا جيتي انتي وخليتي الدم يجتمع بهالمنطقه.. البكتيريا رح تلاقي بيئة حلوة وجيدة وغنية بالمواد الغذائية المناسبة لها من الدم المجتمع .. تقوم تتكاثر..
واذا تكاثرت بشكل فظيع رح تفرز مواد سميه في الدم..

مما يسبب صدمة التسمم الدموي او Toxic shock syndrome

ومن أعراض هذا الداء ارتفاع درجة الحرارة والتقيؤ والإسهال وانخفاض ضغط الدم وطفح جلدي يشبه الحروق التي تسببها أشعة الشمس الحارقة.
ولا يعرف الأطباء سبب تعرض النساء اللواتي يستعملن التامبون للإصابة بهذا المرض أكثر من غيرهن ممن لا يستعملنه. ولا ينصح الأطباء النساء بالتوقف عن استعمال التامبون ولكنهم ينصحون بأن تدرك النساء أعراض هذا المرض. ويجب على المرأة التي تلاحظ أعراض هذا المرض أن تُزيل التامبون وتتصل بالطبيب في أسرع وقت.
ويعالج الأطباء هذا المرض بالمضادات الحيوية والتغذية الوريدية.وإذا لم يتم علاج المصابة بالمضادات الحيوية فقد تُصاب بهذا المرض مرة أخرى أثناء الحيض التالي. وغالبًا ما تتماثل المصابات للشفاء فلا يحدث لهن مشكلات أخرى. ولكن بعض ضحايا هذا المرض يُصبن بتساقط الشعر والأظافر بعد ثلاثة أشهر من إصابتهن بهذا المرض. ويموت من بين ضحايا هذا المرض مانسبته 4%.
واحس اصلا" المفروض منطقة خطيرة زي الرحم المفروض ماينلعب فيها ,,
والي مو مصدقه تقدر تدور في قوقل او حتى البحث الصوري من قوقل وتشوف
تكتب Toxic Shock Syndrome وتتأكد
وشكرا" لكم
دعوة صادقة في ظهر الغيب تكفيني