خلاص خايفة اني اكون قربت من الهاوية مع زوجي

السلام عليكم ورحمة الله وبركاته
انا متزوجة لي سنة تقريباً..وانا والحمدلله مبسوطة مع زوجي ومقتنعة فيه وهو جداً طيب
وكانت فترة خطبتنا زي العسل...مع انها كانت 8 شهور بس الحمدلله ماكانت فيها مشاكل
المشكلة من يوم اتزوجت..للأن وانا وهو كل شوية مشاكل كل شوية
مشاكل سخيف فة جداً جداً زي الاطفال
وما طول كثير في اغلب الاحيان بالكثير بالكثير يوم ..ونتصالح
ونحب بعض وكل شي
واغلب المشكلة احس من عندي انا...دايماً اخذ انه يقصد يقلل من شاني او يعاندني
مع انه هو مو قصده ابداً...ولا هذة شخصيته
بس اعوذ بالله ما ادري ايش فيا...لا شعوريا انفعل عليه ونبدا نتكلم شوية شوية واصواتنا تعلى وتعلى....وهوب هوشة
لدرجة انه يقول انتي يا فلانة..ماكنتي كذا بالخطبة...اشبك؟!!
ودايم انا احلم اعوذ بالله يا بثعابين يا حشرات...وبالصدفة في برنامج صباح الخير ياعرب سمعت الشيخ يقول هذا معناه حسد
تتوقعون ان اللي فيا حسد...؟؟؟؟؟؟لاني من جد مو كذا؟!!!
وصرت طول الوقت نوم...نوم...نوم
مدري احس اني صرت مزاجية مرة فرحانة ومتحمسة...وفجأة يقلب مودي واصير مكتئبة
بنات ما ابغى اطول السالفة
ولا تحسبون الموضوع عادي..
ترى بجد شي مزعج مرة...ومقرف جداً...الجو اللي نعيشه كل يوم بمشاكل
موضوعي 20% فضفضة وفش خلق
و80% ادور حل.....ساعدوني؟؟!!
وكيف اعرف اني محسودة..؟؟وكيف اتعالج..؟؟لا تقولولي شيخ اخاف اروح وما ابغى احد يدري يالسالفة
والله والله والله يا بنات اخاف زوجي يوصل لمرحلة خلاص...ويطفش مني
لاني من جد صرت انكره من مزاجي
اه ياربي اصلح حالي
بانتظار مساندتكم...ونصائحكم