خلطات النحافه المجربه يلالالالا كل وحده تقول تجربتها

انا جربت شاهي اخضر صيني مع نعناع مع مراميه مع زنجبيل طازج بس للاسف ما استمريت عليها..
ومن زمان وانا استخدم الشاهي الاخضر ماركة الربيع بس ما حسيت بشي...
يلالالالالالا ياحلوات بانتظاركم...

يسلمو
اختي على الموضوع الرائع
وبيكون مرجع هام للكثير من البنات
تحيتي لكي

مشكورة حبيبتي على مرورك ....وياليت تقولينا لنا اذا جربتي خلطه؟؟؟

<<<<<<<<<<<<< تبي شي يسمن مو ينحف صايرة مثل العود من الامتحانات سبحان الله مافية احد راضي عن شكلة اتمنى تفيدوني واللي عندها خلطة حلوة للتسمين ترسلي على الخاص والله يوفقها يارب

انا جربت الكمون والليمون فتره وفعلا نزل وزني .. بعدين صارت لي ظروف اضطريت اوقف عنه والحين صار لي فترة وانا ناويه ارجع له .. انشالله عن قريب
جربت خلطات وايد بصراحه كانت مجرد ملينات لا أكثر ... اما الشاي اللاخضر فهو مريح للمعده ومهضم لكن ما فرقت على وزني شي
اتمنى كانت مداخلتي مفيده
.

مشكوره حبيبتي رهام الله يعطيك العافيه....

ممكن ياأخت رهام تقولين وصفنت الكمون مع الليمون ابي استخدمها

جربت الليمون و البرتقال المغلي .. و احس أني نحفت منها رغم أني ما استمريت عليها إلا خمس أيام تقريباً ..
لكن ناوية أرجع لها مره ثانية لأن كل الي شافوني قالوا أني ناحفه ..

المقادير :
هذه المقادير تكون لكمية تكفي ليوم واحد فقط :
برتقالة كبيرة ( واحده)
4 حبات ليمون حامض الصغير
ملعقتين صغار عسل
ماء
الطريقة :
تقطع البرتقالة إلى 4 قطع .. و تقطع كل ليمونه إلى اربع قطع ..
توضع كلها في وعاء و تغطى بالماء .. و تترك على النار لتغلي 20 دقيقة ..
بعد 20 دقيقة اخرجي قطع البرتقال و الليمون و اضيفي ملعقتين صغيرة من العسل و دعيها تغلي 8 دقائق ..
بعدها صفي الماء من الشوائب .. و ضعيه في الثلاجة حتى يبرد ..
اشربي يومياً 3 كاسات قبل الوجبة بساعة ..
واحده على الريق قبل الفطور بساعة و الثانية قبل الغداء بساعة و الثالثة قبل العشاء بساعة ..
ملاحظة :
الطعم بيكون شديد المرارة ..