خلطة روعه فراخ بالبطاطس تحفه

المقادير
دجاجه كبيره
+ك بطاطس
2 حبة طماطم(بندوره)+2 حبة فلفل اخضر بارد او حامى حسب الطلب
بصله كبيره +3فص ثوم
2 جزره متوسطه
بهارات( فلفل+ملح+2 حبه حبهان+زنجبيل على طرف ملعقه صغير+رشة زعتر)
2 ملعقة زبادى كبيره
الطريقه
تقطع الدجاجه قطع صغيره ثمانى او تسع قطع وتقطع البطاطس حلقات
نضع البصل والثوم والطماطم والفلفل والجزر فى الكبه ونضع عليهم الزبادى وجميع البهارات واضربيهم كويس فى الكبه حتلاقيه اصبح شبه سائل بسبب الزبادى والطماطم احضرى الفرخة وتبليها بالخلطه وحاولى توسعى جلد الفرخه وتضعى الخليط بين اللحم والجلد ثم ضعى الفرخه جانباً وضعى ما تبقى من الخليط على حلقات البطاطس وقلبيهم جيدا ثم ضعيهم فى صينيه الفرن وضعى فوقها قطع الفراخ ضعى الصينيه على النارمتوسطه لمده 25 دقيقه ثم ارفعيها من على النار وضعيها فى الفرن فى الرف الاوسط على حراره 190 درجه حتى تمام السواء واحمرار الوجه
ملحوظه
تمام السواء يختلف من فرن للآخر وممكن تفتحى الشوايه عليها لمدة دقيقتين بعد السواء
ممكن لما تتبلى الفراخ تتركيها لمده ساعتين او ثلاثه حتى تتشرب الخلطه
واذا كنتى مستعجله مفيش مشاكل برضه حتتشربها
جربيها والله خطيره وتحفه واذا عملتيها بالطريقه دى مش حتنسيها وهتعمليها دايما بنفس الطريقه لا تحرمونا من ردودكم