خلنا نغير نضرتنا معا

1. ولاننسي طاعه الله و العبادات اهي الاهم والي من جد راح تريحنا

بنات ياحلوين
اليوم انا بطرح لكم موضووع جد مهم
احنا دايما متشاءمات ولا متمللات و ننتظر فارس الاحلام
خلنا نغير اهتماماتنا ترى الانتظار متعب جدا ودايم نتحلطم على نفسنا ونتعب نفسياتنا ب ياليت و ياليت وليش للحين ؟؟
انا اقوول خلنا نعيش حياتنا بطولها وبعرضها ونرمي هالموضوع بعرض الحائط>>>>ههه قويه الكلمة حبيتها
موقصدي انا احنا نكره الزواج او انا نياس منه بس قصدي لانخليه محور تفكيرنا ويسيطر على حياتنا الي ذابحها الفراغ خل تفكر كيف انها تشغل وقتها وماتضيعه مثلا بنشاط معين وماتستسلم للفراغ لانه السبب الاول انه يقودنا لهذا النوع من التفكير
اما الي متوضفة تفكر كيف انها تتحسن في مجال عملها

ولاننسي طاعه الله و العبادات اهي الاهم والي من جد راح تريحنا

صدقوني انا صار لي يمكن حوالي 3 سنوات ضاعت وانا انتظر و اقول ليش وليش وليش والسبب ان ولا وحده من اخوتي بالبيت جاها نصيبها
بس الان كل واحده منا تشغل وقتها بانشطة تطوعيه و دراسه اضافيه و غيره والله تحسين بطعم الحياه ويخلي لك شويه عقل تفكرين فيه احنا الله خلقنا للعباده ثم تعمير الارض الاول بيدنا لازم نهتم فيه اما الثاني بيد الله اهو سبحانه يقرر من بيعمر الارض بالزواج والاولاد
و الاخير ,, ادري اني طولت عليكم
اكيد راح تمر علينا لحظات نتضايق منها لاننا بشر بس ارجوكم ثم ارجوكم ثم ارجوكم بالله عليكم لاتخلون هالموضوع يسيطر على كل حياتكم
احبكم بالله اختكم دانه