الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
آنثى كلاسيكية
09-09-2022 - 08:04 am
يابنات سويت خليه عاديه وحشيتها بالجبن انا حشيتها جبن مثلث ورصيتهم في صينيه مدهونه مثل هذي الي يكون مرفوع من الوسط ونازل من الطرف عشان إذا قلبناها تكون حفره بالوسط ونحط الحشوه
وهذا لما رصيتهم وتخلينها ترتاح اشوي وتدخلينهم الفرن وممكن تستعملون اي عجينه تضبط معاكم عادي
وهذه الصوره بعد مادخلتها الفرن واستوت خليها تبرد اشوي عشاان ماتتقطع وبعدين قلبيها ويابنات يفضل اتغلفون الصينية بالدقيق احسن راح تكون الاطراف مرتفعه والوسط نازل انزل من الاطراف يعني إن شاء الله فهمتوني المهم دهنتها بصلصه البيتزا ورشيت فلفل بارد وزيتون وجبن قشقوان الذ من المزرولا والي تبي مزرولا براحتها بعدين شغلي الفرن من فوق بس عشان تسيح الجبنه لان العجينه مستويه
والحين بعد ماطلعتها من الفرن وذابت الجبنه والله يابنات روعه والله طعمها لذيذ وشكلها فخم للتقديم كان عندنا اضيوف ماشاء الله استانسو عليها لانكم راح تاكلون صمون محشي بالبيتزا يعني اثنين في واحد وانتبهو يابنات للصينيه الي انا قالبه فيها الخليه شوفوها تصلح اندخلها الفرن لان راح اندخلها بعد مانقلبها عشان تسيح الجبنه فمو معقوله يكون الصحن ابلاستيك لا لا زم يكون يستحمل الحراره
باقي العجينه حشيتها بالكاكاو(اي نوع تحبين جلكسي _هرشي الدمعات _مارس-اسنيكرز الموجود )ودحرجت الكور بالدارسين والشوكولاته البودره وهذه ماخذه فكرتها من اختنا هواجس ناعمه الله يجزاها خير وقلبتها وحطيت عليها خليط من علبه حليب مركز ومحلى و4 جبن مثلث وخلطتهم بالخلاط وصبيتهم في الحفره وسويت خطوط من شوكولاته السائل وبعدين رحت وجيت عليهم بالسكين ودخليها دقيقه بالفرن من فوق بس وانتي واقفه جنبها عشان تمسك بس وقدميها دافيه والله رعه ولذيذه واتهبل
اتمنى تعجبكم الطريقه
للامانه منقول


التعليقات (8)
القلب الأسطورة
القلب الأسطورة
يجن ماشا الله مرا اشتهيتو والله مالي الحين تجيبيلي منو .؟؟

ام شوق و صقر
ام شوق و صقر
الله يعطيج العافيه

maz maza
maz maza
مشكورة على النقل
يمي يمي شكلها لذيذة

magic45
magic45
ما شاء الله
عجبتني
طريقه
البيتزا
جزاك الله خير
استغفر الله

آنثى كلاسيكية
آنثى كلاسيكية
اسعدني مروركم الرائع عزيزاتي

ام ...؟
ام ...؟
ما شاء الله
عجبتني
روعه

*همس العيون*
*همس العيون*
روعه من جد
يعطيك العافيه

آنثى كلاسيكية
آنثى كلاسيكية
الله يعافيكم
شكرا لتواجدكم

كرهت الطبخ
آكله في خمس دقايق للكسولات