خنجر وأحسه بين الأضلاع لاهو الى ذبحني ولاهو الى قويته

ماعرفت ارد بصراحه
:(
ماقول الا الله يسخر لك زوجك
وانا انتظرك

الله يقطع بليسك بسرعه تراني تحمست وعيوني تنفخت من البكا الله يسخره لك

بإنتظارك حبيبتي
إن شاء الله تكون النهاية حلوة
وينتصر حبهم وربي يرزقها ذرية صالحة ياارب

اكمل لكم باقي القصه
جربتم شعور العجز...؟!!
العجز من أنك تحافظ على اغلى شي بحياتك..؟!!
العجز من انك تعطيه الي يتمناه..؟!!
العجز وانت تشوفه يودع اخر ايامه معاك..ويدخل احد بحياته يشاركك كل شي..كل شي..
اه من العجز لما يغلفك..لما يطبق عليك لدرجة الجنون..مافي شي بإيدك..مافي..
كل الادوات الي كنت تمتلكها افتقدتها ...حاولت انك تستخدمها للنهايه..لكن خانتك ...وماقدرت تكمل المشوار..
العجز حتى من الكلام..حتى من النطق..من الحركه..ليه مايحس فيني ليه؟؟؟
كنت معاه في السيارة طالعين نتعشى..كنت في البيت جوعانه ..لكن الحين احس اني
شبعانه حد التخمه..ماادري ليه ..لا تسألوني..الاحاسيس الي تجتاحني اليوم مختلطه..متناقضه..كل واحد يلغي الثاني ليكون هو الاقوى..
كل الي اشوفه بهاللحظه ضباب..دموعي تحجرت في عيوني..ماقدرت تنزل..
الشوارع كلها خطوط متشابكه من الانوار..ما اشوف ..مااشوف..
احس نفسي اصيح ماأبي افقدك..
تسمعني..؟!!
معقوله خمس سنوات ماكانت كافيه انك تفهمني...؟!!
تجلس بجنبي الحين ..وأحسك تخونني بالتفكير..أكيد بتفكر في العروسه الجديده..
ليه ساكت..؟!!
ليه؟؟
تكلم..قول أنا ماافكر فيها..أفكر فيك..!!
قول أنا ماراح اتغير عليك..انا لك زي ماعودتك..!!
قول أني راح احبك حتى لو نستني زوجتي الثانيه الدنيا بمافيها..!!
قول راح احبك حتى لو انجبت اطفالي الي حرمتيني منهم..!!
اه ياسلطان..؟!!
افهمني..أرجوك..أفهمني..
مو ذنبي أني احبك..مو ذنبي اني اعطيتك الضوء الاخضر علشان تتزوج..مو ذنبي اني ماانجب..والله مو ذنبي..
تتوقع اني ماابي اطفال..؟!!
ارهن عمري وكل مااملك بس اجرب لحظة امومه انحرمت منها..لحظه اضم فيها طفلي..اشمه ..ابوسه..ارضعه بكل حنان الكون..
سلطان..بتتزوج انت وتنجب..
مين يبقى لي اشكيله شوقي للأطفال..؟!!
مين يبقى لي ابكي في حظنه بألم بعد كل مناسبه اسمع فيها انواع من الهمز واللمز
او نظراتهم الي ماترحمني اذا ضميت واحد من عيالهم ..؟!!
مين يا سطان..أرجوك أفهمني..أرجوك أبي ارتاح..
-هديل يالله وصلنا..
انتظرني اتحرك وانزل بس ماقدرت..نزل وفتح لي الباب ومسك ايدي ونزلني..
.
.
جلسنا على الطاولة متقابلين..لا انا ولا هو ارتحنا بهالوضعيه..هالجلسه بتجبرنا اننا نترك عيوننا تسبح في ملكوتها الخاص..
وهذا الي مااقدر عليه..أنا لو ناظرته بهاللحظه..بأبكي..بأقول لا تتزوج..خلاص غيرت رأيي ماابيك تتزوج..وطبعا هالوقت بكون خسرت الصبر وخسرت زوجي الي مستحيل
يتراجع لان الموضوع صار رسمي ومو في ايده..
حسيت اني كتاب مفتوح لما وقف وغير مكانه للكرسي الي بجنبي..
توقعت وقتها اني تكلمت بصوت عالي..
.
.
طلبنا العشاء ..والله ماابالغ اذا قلت لكم اني ماقدرت اشيل الملعقه اصلا..ألم يفتتني..
يقضي علي لكن بالبطيء..أحس اصابعي متخدره..لو تتقطع مااحس فيها..
يارب ساعدني..
-هديل حبيبتي..افتحي فمك..
التفت له وهو رافع الملعقه يبي يأكلني..بهاللحظه..رفعت عيني بعينه..
توقفت الساعة..
.
توقفت الحياة..
.
كل شي تجمد الا هالعيون الي اناظرها..حاولت ابعد عيني عن عينه..ماقدرت..
شي أقوى مني يجذبني له..
يارب
دمرني هالانسان..والله احبه..
طاقتي انتهت..ماحسيت الا ودموعي تنزل..وحده ورا الثانيه..ضغطت ايدي..حاولت اتماسك..والله ماقدرت..هديل تماسكي..مافي دموع..
وكأن كلامي يزيدني ضعف بدل القوة..وأنهار..يكفي سلطان..والله يكفي..
من بدايتها أكون كذا أجل شنو بعمل لو تزوج..؟!!
ترك الملعقة ..وضمني لصدره..واه من هالحضن الي يدمرني بدل ما يقويني..
قلت وصوتي يرتجف وأنا اخرج اخر كلمات اقدر اقولها..
-سل ط ان ..الل ه يخ لي ك ..س اعدن ي أك ره ك ان ا م ا أق در..-سلطان..
كان سرحان وأول ماسمع صوتي التفت لي..
-عيونها..
-انت بتملك اليوم صح..؟!!
أدري ان سؤالي غبي لكن كنت متعلقة بخيط أمل واهن..كنت أتمنى لو أسمعه يقول ..
لا..أنا ماراح أتزوج..مين قالك..أنا لك طول العمر..
مسك ايدي وشد عليها..
اه ماابالغ اذا قلت اني اتكهرب اذا لمسني ما ابيه يلمسني كرهت قربه الي يعذبني..
كل ما أحاول أتقوى وأعيد حساباتي في حضنه ..ألاقيني بعدت أكثر واكثر..
ايده الي كانت الربان الي يقود سفينتي في بحر الحياة..الحين اعتبرها الخنجر الي يقتلني..
طيف مجنون يحول أقل لذة أحسها معاه إلى عذاب لما افكر ان هالشي بيصير مع غيري..
يومين وانا مااقدر انام ..من قالي عن خبر الخطوبه وأنا أجفاني ماالتقت..
افكر بكل شي..وأي شي..
ابتعدت عنه ..ماصرت احضنه وننام ..اه اشتقت لحضنه الطاهر..لحضنه الي يحويني أنا وبس من دون أحد ثاني غيرنا..
حتى هو حسيت انه مايقدر ينام..أنا عارفه انه النوم يستحيل عليه اذا ماكان بقربي..
اعرف بهالشي..بس مو تقصير مني أو انتقام الي جالسه اسويه..
أنا تعبانه لازم أخذ نفس بعيد عنه علشان أعرف أفكر بستقبلي..
ويمكن علشان أعود نفسي على بعده عني يوم كامل..أنام وحدي بهالبيت..
اه وحدي..أعيش ..ووحدي اموت..
يارب ساعدني..
.
.
-سلطان ..لازم كل شي يكون واضح من البداية..أنا صح طلبت منك تتزوج لكن مايعني اني تنازلت عن حقوقي..
أنا تنازلت لأن هالشي من حقك وما أبي احرمك منه..فأرجوك لاتحرمني من حقي فيك..
اعتدل في جلسته وهو يضغط على ايدي..
-هديل..أنا والله العظيم أموت على ترابك ومو مقياس اني اتزوج يعني مااحبك..وعلشان ماأجرحك دورت على وحده أقل منك بكل شي..
أكبر منك بأربع سنوات..ومطلقه ..غير كذا غريبه عني..مهما حبيتها مستحيل حبها يوازي حبك..
خنقتني العبره وأنا أقول
-بس أنا خايفه تنساني..
-جعل ربي ينساني ان نسيتك لحظه..هديل افهميني..والله حبك في كل خليه فيني ..يجري مع دمي..
-ايه بس لازم نتفق على اشياء قبل ما تملك..
- حبيبتي ..امري..والله لألبي لك كل طلباتك لو على موتي..أنت عارفه ان هالشي مو بإرادتي..والله لو ما أمي الي مابقالي في الدنيا غيرها لأعيش أنا وأنت لوحدنا طول العمر..
اه ((لوحدنا طول العمر..؟!!))
ياليت..الله يسامحك ياخالتي..بس كمان من حقها تشوف عيال ولدها ..
-سلطان ..أنا مجروحة ..والله قلبي ينزف..صعب علي اني اتنازل عن نور عيوني..لكن كل هذا علشانك..لوما أحبك والله لأطلب الطلاق ..
حط ايده بسرعه على فمي..
-هديل..أرجوك الا الطلاق..والله مااقدر اعيش من دونك..واذا وصل الموضوع لطلاق..أنا مستعد اني أوقف في وجه أمي وما ألبي رغبتها ولا أتزوج طول العمر..بس أرجوك ما أبي أفقدك..
أفهميني..
-لا سلطان ..مو أنا الي افرق بينك وبين أمك..وكمان أنت من حقك أنك تتزوج دام العيب فيني..
سكتنا شوي..بعدين قلت..
- وأنا كمان مشتاقه أشوف أولادك..
- ياحبيبتي..هديل ..والله أنت نعمة عمري مايكفي أشكر ربي عليها..
- المهم سلطان..أنا بقلك كم شرط وأتمنى أنك ماتزعل مني..
- من حقك ..قولي الي تبينه ..عيوني لك..
- أول شي..أنا الحين ياسلطان مجروحه..وأنزف..ماأقدر أكابر أكثر..ولا أتحمل شي فوق طاقتي..أنا أبيك تبتعد عني هالفترة..ماابيك تلمسني..
مو أنانية مني ..أو انتقام بالعكس ياسلطان..بس انا مااقدر الحين..خل جروحي تبرا..
غمض عيونه بألم ..كأنه كان يتوقع هالشي..واكتفى انه هز راسه موافق..
-ثاني شي..اذا تزوجت ...زوجتك ماابي اشوفها..ولا يصير بيننا أي مقابله أو احتكاك..أنا مااتحمل ..كفايه علي الي يحصل بعيد عنها..انا ما اقدر اشوفها..
-حاضر..الي تامرين فيه..
-اخر شي انا أبي اسافر لأمي..محتاجتها ياسلطان..أبي أتنفس..أبي أريح شوي وأعيد حساباتي.. مهما كان أنا بشر..أغير جو عندها وأرجع..
-ان شاء الله ..متى تبين تروحين..
-بأقرب فرصه لو بكره..
-اه ياهديل..والله ماادري انا اواسيك والا اواسي نفسي..والله فراقك صعب ..كيف وانت مجروحه ..هالشي بيقتلني..
.
.
بعد العصر..كان الموعد الي تمنيت ان ربي اخذني ولا أشوفه وهو يلبس ويكشخ علشان يروح يخطب..يارب..أنا بشر..والله قلبي لحم ودم مو حجر..
اه يارب اربط على قلبي.. توضيت وصليت ركعتين..وأنا ادعي ربي الي مابقالي غيره..
يارب..أنا ماتحمل..يارب..انت تعلم اني مافعلته الا لرضاك علي..ياربي..ساعدني..ساعدني..اربط على قلبي..ارزقني درجة الصابرين..
.
كنت أدور أي شي اشغل نفسي فيه ولا اشوفه وهو رايح يخطب..فتحت الاب توب وجلست اكمل تصميم هجرته من اسابيع..
الخطوط اشوفها متشابكه..الشاشه ضبابيه ..مااشوف..يارب رحمتك..
وصلني ريحة عطرة قبل مايدخل..
-هديل ..خلاص حجزت لنا بكره بعد الظهر الرحله..
رفعت راسي..اه ياربي ثبتني..كاشخ على الاخر..
ايش قال..؟!
-أي رحله..؟!!
-هديل حياتي..نسيتي..بنروح لأمك..
-اه تذكرت..حلو ان شاء الله اجهز اغراضي..بس..في اشياء ابيها من السوق..
-اوكي بخلي هند اختي تروح معاك انا بمرهم الحين باخليها تجيك..
-لا
-ليه..؟!
وتسال..انا ماابي ابين ضعفي لأحد..مو ناقصني احد يتفرج علي بيوم ملكة زوجي..
-أجل بطلت ماني رايحه مكان..
-لا حياتي ليه ماتروحين..خلاص اذا ماتبينها روحي انت..برسلك سواق اهلي..
-ليه انت وينك..؟!!
رجعت لأسألتي الغبيه..يعني وين بيكون بالله ..أكيد عند العروسه وأهلها يحددون معاهم كل شي..
-امم لا انا خايف أتأخر عليك..لا تنتظريني..
طلع من جيبه فلوس تركها على الطاوله..
-حبيبتي ..لو نقصك شي كلميني وانا احول لك..
ماناظرته..بس هزيت راسي موافقه..
اه ريحة عطره تدخل لقلبي وتقطعه..ريحة عطره..تذكرني لما جا يخطبني انا....ياه كيف الفرحة تموت فينا..!!
قرب مني..وباس راسي..
-استودعك الي خلقك..
غمضت عيوني..حسيته يودعني للأبد..هذي اخر مره يطلع فيها من البيت وهو ملكي انا وبس..بيرجع وهو ملك لغيري كمان..اه ياربي..ماابي افكر..
.
.
اتظروني

أكيد بإنتظارك ياقلبي
استعجلي لا تتأخري علينا
:

جزاكِ الله خير دبدوبه كمليها كلها اوكي
الله يسعدك يارب
أنتظر اقراها واعرف نهايتها:(

مرت علي الساعة الأولى بعد ماطلع أسوأ مماتوقعت..حاولت أشغل نفسي بأي شي..
أفتح التيلفزون..مااني قادره اركز بشي ..كل شوي اناظر الساعه..دخل الحين يشوفها والا باقي..؟!!
.
.
ملك والا باقي..يارب ساعدني..فكرت اروح السوق..اتسلى شوي واشتري هدايا لأمي واخواني.. بس انا خايفه ..ومتوتره..أنا دايخه وانا هنا بالبيت واخاف اطلع وادوخ برا..
رن جوالي..فزيت..ركضت اجيبه..أول شي جا في بالي هو..يمكن يقولي صار ظرف وخلاص مابملك..(متفائلة)..
رفعت الجوال لقيتها امي..
-هلا يمه ..هلا بتاج راسي..
-هديل وينك يمه ماصرتي تدقين..صار لك 3 ايام ولا حس ولا خبر..
أنا وقتها تذكرت اني ماكلمت امي الا صباح الثلاثاء الي خبرني سلطان بخطبته بعدها
وانشغلت عن امي..
-فديتك يمه ..سامحيني..
-شلونك..ايش في صوتك مخنوق...
اه يمه لو تدرين فيني..اه يمه..
- يمه انا بجيكم بكره ان شاء الله
-خير يمه ..صار بينك وبين سلطان شي..
-لا يمه ..بس وحشتوني..
حاولت ادافع عبرتي واقولها ..لكن ماقدرت..يمكن كان عندي امل ان سلطان يرجع بدون مايملك..
-صدق ياهديل..ماادري ايش فيني ماني مصدقتك..
-شدعوه يمه..اخبار اخواني كلهم..
-كلهم زينين..يمه فيك شي..
-وراك يمه..قلتلك مافيني شي..
-زين هديل بغيت اخذ علومك...أجل متى رحلتكم..
-بعد الظهر..
-يالله يمه انا بروح اشوف أبوك واخوانك..
-سلمي عليهم كثير
-ان شاء الله ..في امان الله..
- في حفظ الكريم..
.
.
على الساعة 12 تقريبا..كنت جالسه على السرير وحاطه المصحف في حضني واراجع حفظي..سمعت صوت الباب..تجمدت الايات على لساني..اه وصل..يكفيني عذاب ياسلطان..رجعت ..شلون بناظر عيونك الي شافتها..شلون بمسك ايدك الي صافحتها..؟!!
قول..؟!!
-السلام عليكم..
اه ياربي صوته يعذبني..
رفعت راسي..كان في عيونه كلام كثير..كانت مدمعه..وقف وهو يناظرني..
-ه لا
تقدم ورمى غترته ..وجلس جنبي على طرف السرير..
-ااه ياهديل والله فوق طاقتي الي يصير..
-ايش فيك..
-هديل انت مسامحتني..؟!!
-اي حبيبي..من حقك..
كنت خايفه اسئله ..ملك او لا..
-هديل لا تذبحيني..والله الي اشوفه بعيونك عذاب..
- سلطان ايش تبي مني اكثر من كذا..انا مابينت لك شي..حتي الي داخلي تبيني اذبحه..
-لا ..بس..اه ياهديل..ايش يصير فينا..
استجمعت قواي وطلعت حروفي..
-خلاص ملكت..؟!!
سكت ..اه ياربي..ملك..بهالحظه أنا واياك ياسلطان معانا شخص ثالث..
-مب روك
ابارك لك حبيبي وانا افقدك..أباركلك..وانا احس شرايني تتقطع..ابارك لك املك الي بتحققه من غيري..
-الله يبارك فيك حبيبتي..امم اتفقنا على الزواج بعد شهر..
يارب انا مو وين اجيب الصبر..من وين وانا اسمعك تقتلني بحروفك..
سكتنا فتره طويله ..ضميت ركبتي لصدري وانا حاضنه المصحف ..ابي احس بالامان..
-اتصل علي السواق يقول انك رفضتي تروحين..ليه..؟!!
-لا خلاص ..بطلت..كنت بأشتري لأهلي هدايا بس خلاص..دام اني بروح روحه مستعجله..
- ولا يهمك حياتي اذا وصلنا هناك نشتري قبل نروح لهم..
-لا ..انا ابي اروح لهم على طول..
-قصدك تبين ترتاحين مني بسرعه..
رفعت راسي بسرعه..فاجئتني كلمته..لقيت عيونه تدمع..
-اقوى مني الالم ياسلطان..والله اقوى مني..انا ماابي اعذبك بتصرفاتي معاك..
خليها (هدنة مشاعر)..نرتاح من الضغط..أنا اغير جو واجدد علشان ارجع بنفسيه احسن..
وانت تجهز نفسك للزواج..
-هديل..شلون بصبر عنك ..
.
.
.كنا في الطريق لبيت اهلي بعد ماستقبلنا ابوي..في السيارة كنت انا وابوي نسولف
وسلطان ساكت..واذا سأله ابوي يجاوب ويسكت..الي مايعرفه سلطان ان اهلي للحين مايعرفون..ويمكن كان متخوف علشان كذا مايتكلم..هدنة المشاعر بدأت من امس..كلامنا صار قليل مع بعض..لكن كلنا نتعذب..حاسه فيه انا..مو قادر ينام..كله يتقلب على الفراش..الي عذبني انه مشتاق لي بس مو قادر يقرب مني بناء على طلبي..امس حط ايده على شعري وبعد لحظات شالها..انا ماابي احرمه..ولا ابي انحرم منه..لكن مو الحين ياسلطان ..أنا تعبانه..
حاولت اتحاشى نظراته الي تذبحني..احسه يتابعني بعيونه وانا ارتب اغراضي اليوم الصباح..وكل مالتفت له ناظر شي ثاني..
.
.
بعد ساعتين من وصلنا بيت اهلي كنت انا عند امي واخواتي وسلطان مع ابوي واخواني في المجلس..
دخل علينا ابوي واخواني ..
-هديل يبه ..زوجك يبي يودعك ..بيمشي الحين..
ماس كهربائي سرا في جسمي..ااه ياسلطان والله فراقك ما اقواه..بس احسن لك ولي..
-ان شاء الله يبه..
قمت وانا في الطريق تسحبني اختي وتهمس
-عاد لا اوصيك ودعيه زين هاه..ههه
من جد في هالدنيا ناس ماتدري عن شي..اودعه زين..والله مناي ماافارقه لحظه..
دخلت عليه وكان مبين انه تعبان..حاط راسه بين ايديه..اول ماسمعني ..رفع راسه
وابتسم لي..
-هلا ..هلا بروحي..
حسيت ان كل حرف يطلع من قلبه..اه ياسلطان والله ماابي اعذبك..اسفه حبيبي والله ماتهون علي..
قربت منه وجلست جنبه..
سكتنا شوي..
-هديل رحلتي بعد ساعة تقريبا..تامريني شي..؟!!
ناظرته ..كانت عيونه الي تتكلم..كان يقولي حرام عليك ..حتى انا مو ذنبي..
كان يقولي..ماابي ارجع لوحدي..محتاجك..
بعدت عيوني عنه ..مااقدر اناظرها اكثر..كلنا نتعذب بدون ذنب اقترفناه..يارب انت ادرى فينا..ساعد قلوبنا يارب..
-انا اسفه سلطان..
مسك ايدي..
-حبيبتي من حقك الي تسوينه لا تعتذرين..انا الي اسف..اسف اني عذبتك معاي..انا مااستاهلك ياهديل..
-سلطان ..أرجوك ..الله يخليك ...لا تقول هالكلام الي يصير مقدر ومكتوب لنا..
-اه ياهديل ..ماطاوعك قلبك حتى تقولين لأهلك..خايفه علي وأنا أأذيك..
-خلاص حبيبي..أرجوك..خلاص..أنا بقولهم بعد ماتسافر..وأنت لا تشغل نفسك فيني..أنا معاي ربي..
-اوكي قلبي..انا بحولك مصروفك اول مااطلع..وراح اتركك هنا حتى تتصلين فيني واجيك..أبيك ترتاحين..بس أرجوك لا تطولين علي..أنا محتاجك..
-ان شاء الله ..
وقف..ووقفت معاه..مشى خطوتين ووقف..
-هديل..
-عيونها..
-أرجوك..والله محتاج..مافيني حياة..
عرفت ايش يقصد..رغم الهدنه الي حددناها ..لكن رحمته..حنيت عليه..حسيت انه طفلي الي ماولدته محتاج حضني..
هزيت راسي اني موافقه..
رجع لي على طول وحضني بقوه..اه ياربي..بيذبحني هالانسان..نبضاتنا زادت..من زماان حبيبي عن حضنك الصادق..بدأ يبكي..دموعه زلزلتني..دموعه قطعت اخر قناع كبرياء لبسته..بكيت معاه..ااه مااصعب فراقك..وما أصعب قربك..قلي حبيبي..أي واحد فيهم اختار..؟!!
ابعد عنك...والا اجيك وانت مع غيري..
-هدي ل..بشت اق ل ك..
حضنته اكثر..كان امنيتي وقتها اني ادخله بين ضلوعي..هناك بيكون في امان..مافي احد معانا..
بكيت في حضنه ..بكاء المسجون بذنب غيره..بكاء الزوجة الي تهدي زوجها لغيرها ومابيدها شي تحافظ عليه..
اه ياربي ..وين الاقي الصبر وين؟!!
حبيبي صدره يشهق..ومع كل شهقه يقطع شرايني..روحي تتقطع مع انفاسه..
ابي اموت بهالحضن..!!
محتاجته يضمني طول العمر..ماابيه يروح لغيري ..ماابيه يروح لغيري
.
.
كانت تقرأ مجله..بعد دقايق تركتها وسألتني..
-هديل..
-هلا..
-ايش فيك..؟!!
-انا ..مافيني شي..؟!!
-تضحكين على مين..هديل الكل حاس ان بينك انت وسلطان شي..
-روان الله يرضى عليك انت طفله وماتدرين عن شي..
-طفله في عينك..دخلت ال19 وانت تقولين طفله
-ههه حتى لو كبرت تضلين ماتفهمين شي..
-لا من جد ياهديل انا دخلت اليوم على امي وابوي وهم يتكلمون فيك..والله ياهديل الكل قلقان عليك..انا طفله مايخالف..بس ايش تفسرين زيارتك المفاجأه ..وسرحانك..
والا دموعك بعد ماراح سي العمده..
ذهلتني روان بكلامها..يعني الكل حاس ان في شي..
.
.
بكيت في حضن امي ساعه او اكثر..بعد ماشكيت لها همي..
شاركتني امي وخواتي الدموع..ابوي كان يسترجع..ويصبرني بكلماته الثابته الي تربيت عليها من انا طفله..اخواني في البدايه ثاروا..والي يتوعد ..والي يحلف اني ماارجع له..لكن كلمات ابوي بعد مااخذني في حضنه هدت الكل..وانا اولهم..
.
.
انتظروني..
سأعود محملة بحروفي التي لم تكتمل..

وينك والله اني اقرا وابكي
احسها محزنه والاحساس الاخر انه فيني دموع زايده تبي تطلع قبل العرس خ

بعد ماحطيت راسي على المخدة..انهدم سد الذكريات علي..تذكرت وانا على فراشي في بيت اهلي أول
ماخطبني سلطان..
اه من الذكريات..مرت علي وغرقت في امواجها..حسيت بصداع رهيب من كثر مابكيت اليوم في حضن امي..يا حبيبتي يايمه..تصبرني وهي تتألم..
يا حبيبتي يايمه..احس قلبها بيتوقف من الخوف علي..ومع كذا تصبرني..
لما جيت هنا عند اهلي حسيت ان في احد اشكي له همي واحزاني..حسيتهم شاركوني دموعي واهاتي..
الله لا يحرمني منهم..فعلا انا الحين بحاجتهم..بحاجة الطاقة الي ترجعني لسلطان وانا أقوى..
ترجعني للحياة الي بعيشها لوحدي..انا خايفه سلطان يلتهي بزوجته وعياله وينساني..اه خايفه ينساني..
على الاقل ياليت اهلي هنا معاي بالرياض..كان يواسوني باليوم الي بأجلس فيه لوحدي..
.
.
صحيت الفجر وتوضيت وصليت..وانا راجعه انام ناظرت جوالي كان في new messag
فتحته..(هديل..وصلت البيت من الساعه 10 وللحين مو جايني نوم..تعودت على حضنك..موحش البيت بعدك..والله مقبره)
انقبض قلبي على حبيبي..وعلى طول اتصلت فيه..
بعد اول رنه
-والله حرام الي يصير فيني..من لي بعدك..
-حبيبي..
-عيونه وقلبه وروحه..هديل وحشتيني..وربي مو قادر انا وين اروح بعدك..
-خلاص سلطان ..الله يخليك حاول تنام ..صارلك كم يوم ماتنام..
-حسيتي فيني.؟!
-شلون مااحس فيك..انت قلبي..
-طيب هديل ايش الحل..ابي شي يحل لي الدوامه الي اعيشها..
.
.
مرت الأيام ثقيلة..صعبة علي..وأنا أحسب كم باقي يوم ويتزوج حبيبي..لكن الي خفف علي وجودي عند أهلي الي ماكانوا يتركوني لوحدي أبدا
وكل يوم يطلعوني علشان أغير جو..سلطان كل يوم يكلمني..ويشكيلي حاله..وانا حيل اشتقت له..
بعد كل مكالمه لازم ابكي ..أبكيه حبيب بعيد..ابكيه زوج بأفقده..أبكي ذاك الطفل الي انتظره..ابكي عمري ال26 الي انرسمت نهايته من الحين..
كل يوم يمر علي اعتبره يقربني لنهايتي ..رفضت ارجع قبل زواجه..انا محتاجه اهلي يوم زواجه..
اه يايوم زواجه..
اه ياذاك اليوم شلون بتحمله..
.
.
قبل زواجه بيوم كنت احس ببروده في اطرافي..وحراره في باقي جسمي..احس جسمي متكسر..
بديت امرض..حاولت اقاوم بالمسكنات والزنجبيل والليمون الي امي تسويه لي..لكن مافي فايده..احس كل ساعه تمر علي..تتعبني اكثر..
حاولوا اهلي اروح للمستشفى بس رفضت..
كل شوي اقول ان شاء الله اتحسن..اخوي الصغير جلس جنبي يبكي..
- انا عارف انه السبب..الله لا يوفقه..
- سامي ..حرام تدعي على واحد مسلم..بعدين انا دائما كذا امرض..
ملامحه كانت تكذبني..ماحسيت بنفسي الا وانا نايمه..
صحيت على صوت الجوال..
قمت بتثاقل ..حاولت اقوم اجيبه بس ماقدرت..
-روان ..روان..اعطيني الجوال..
ناظرت زين كان فراشها فاضي..شكلهم لسى صاحيين..وقف الاتصال..
رجعت رميت نفسي على الفراش..
وانا احس نفسي بموت..ماني قادره حتى اتنفس..شي جاثم على صدر بيقتلني..يارب ساعدني..
اللهم اني ابرأ من حولي وقوتي واستعين بحولك وقوتك فإنه لا حول ولاقوة لي الا بك..
غمضت عيوني..كانت تدمع..ماادري من الالم الي احس فيه بجسمي..والا الالم الي بقلبي..
سمعت وقتها احد فتح الباب..
كانت امي..حطت ايدها على جبيني
-يمه هديل..زوجك على الخط..
فتحت عيوني..كان في ايدها جوال ابوي..
-سلطان..
-ايه يمه ..تقدرين تكلمينه والا لا..
-لا يمه اقدر..اعطيني اياه..
اخذت الجوال منها بصعوبه وهي طلعت وسكرت الباب..
-هلا..
-هديل ايش فيك..حبيبتي ليه ماقلتي انك تعبانه..
-لا تعب بسيط..
- والله صوتك منتهي ..فديتك ليته فيني ولا فيك..
-لا حبيبي سلامتك..
كلمني شوي وقفلت لاني ماكنت اقدر اكمل..
.
.
يوم زواجه بعد العصر فقدت وعيي ..وما صحيت الا بالمستشفى..
كان عندي حمى ..وانخفض علي الضغط..
امي ماسكه ايدي وايدي الثانيه فيها مغذيه..
كانت تبكي..وابوي يسكتها..أنا لحظتها تذكرت ان اليوم يوم زواجه..حسيت قلبي انقبض..
اليوم ينتقل حبيبي لبيت مو بيتي..لفراش مو فراشي..لأنثى مو أنا..
اه ياربي ..الصبر ..يارب الصبر..
كتب لي الدكتور تنويم حتى تستقر حالتي..
بعدها قررت امي تجلس معاي بس أنا رفضت..أنا كبيره ومايحتاج..
طلعوا اهلي من المستشفى..وبقيت وحيده..وزوجي اليوم بيضيع مني..غمضت عيوني..تخيلت لو اني على هالفراش بعد ولادتي..
ياه..كان اشياء كثير بتتغير..كان عطشي للأمومة ارتوى..كان زوجي جنبي الحين..
حاولت أنام ماقدرت..حاولت ابعد افكاري ماقدرت..
ماقدرت..
اه من العجز الي يقيدك حد الموت..
الحين الساعة 9..سلطان..ايش تسوي الحين..؟!!
سلطان..أنت سبب مرضي..وأنت علاجي..
وينك..حبيبي..وينك..؟!!
.
.
الساعة 12 تقريبا..دق جوالي..رفعته..(الحب..سلطان) يتصل بك
ايدي ارتجفت..ماقدرت ارد..لساني انعقد..يتصل علي بيوم زواجه..؟!!
والله حسيت في البدايه اني اتحلم..أو أن المرض أثر فيني..
جلس يدق فترة بعدين رديت..
جلست ساكته..
-هديل..!!
-اي ه..
-حبيبتي..كيفك الحين..؟!!
اه سلطان وتسأل ..بالله شلون بيكون حالي بهاليوم..ايش تتوقع..
- الحمد لله..
- اليوم احسن..؟!!
- ان شاء الله..انت حبيبي شلونك..
- انا ياهديل مشتاقلك..حتى يوم زواجي والله ماله طعم وانا عايش من دونك..
- هديل ممكن اطلبك ولا ترديني..
- عيوني لك..من متى وانا ارد لك طلب..
- ما ابيك تفكرين فيني اليوم الله يخليك..اشغلي نفسك مع اهلك واخوانك..
هنا خنقتني العبرة..وبكيت..
-أن ا بالمست شفى ياس لطان
-ايش فيك؟!!
-تعبانه والله فوق طاقتي الي يصير..
-فديتك ياربي فيني ولا فيك..حبيبتي انتظريني بكرة بجيك..
-من جدك ياسلطان..؟!
-أي والله بقول انك تعبانه ..ماهي اغلى منك..
-لا ياسلطان..والله لو جيت ما أخليك تشوفني..
-ليه..؟!!
- انا لو بوافق ماكان خليتك تتزوج من اول..مهما كان هي انسانه ..وانا استودعت ربي حياتي وما بيضيعني..
.
.
انتظروني