درب محبتي بقلمي

ودّي أبكي وانتحب
لين الدموع تقول:
يكفيني بكا
لين الألم يصبح رماد
أبغى أصيح
.
.
ودّي أستريح
ماأطلب كنوز البشر
لا ماطلبت المستحيل
كل أمنياتي : أستريح
.
.
الحزن ياخذ من أيامي عُمُرْ
يزرع ألم
يزرع ندم
يزرع ونين
.
.
ياذا الحزن إِبعد بعيد
إِبعد خلاص
ملّت دفاتر وحدتي
من حزنها هالمنسكب
ملّيت أعبّي هالورق
ملّيت أنا .. منّي أنا
ملّت سنيني من العنا
.
.
ياذا الحزن اللي سكن في
نظرتي
ياذا الوجع اللي ظهر في
عبرتي
ماحان وقتك للوداع ؟؟
وش أخّرِك عندي هنا ؟؟
إِبعد وفارق وارتحل
إسلك دروب الهجر
و ... اعبرها
و ... طير
يالله ابتعد ..
قلبي تعذّب للأخير
ماعاد به حِمْلٍ خلاص
حتى دموعي المالحة
ترجي الخلاص
حتى عيوني الكالحة
صارت يباس
.
.
ياحزن .. هذي ( يميني )
أودّعك ..
مد البصر .. واسلِك دروبك
للرحيل ..
وطَوّل الغيبة كثير
بقلمي