الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث
ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
شخصيتي فولاذيه
13-12-2022 - 12:26 pm
السلام عليكم
شلونكم يا بنات
انا ابتكلم لكم عن تجربتي وكيف حولت حياتي من قمة الحوسه الى الترتيب وبالتالي الراحه النفسيه .
شخصيتي متسرعه وعجوله وابي كل شي تمام وما ارضى الا بالافضل
واذا ما حصل لي الافضل خلاص ما ابي شي وارفض كل شي وهذا اللي دمرني
يعني الدنيا عندي يا ابيض يا اسود
وزياده على هذا عصبيه
من بداية زواجي كانت حياتي كلها حوسه ووقتي كله ضايع وما انفذ اعمالي في وقتها مستحيل
وحياتي مع زوجي كلها مشاكل وبعد ما جبت العيال زادت الحوسه والمشاكل ولما نقلنا للبيت صارت الحوسه حوستين
وفي يوم وقفت مع نفسي وقفه صراحه ومثل اللي جاني الهام من رب العالمين سبحان الله
جلست افكر في نفسي :
ليش أنا هالشكل وحياتى حوسه فى حوسه
1- اذا جيت اروح مناسبات انا آخر من يوصل دائما متاخره ويا ليتني مرتبه
بالعكس الشعر اي كلام واللبس ما تصلح الا قبل الحفله بدقيقتين ومشبك هنا ومشبك هناك ههه
وما اكتشفت انه ما عندي شنطه تناسب الفستان الا آخر لحظه واحيانا اطلع السوق بنفس يوم الحفله ادور جوتى وانواع الحوسه
والميك اب حوسه وزيادة على هذا الوجه اسود من التاخير وهواش زوجي في السياره ههه
4- عيالي مو مرتبين وملابسهم حوسه اشتري ملابس كثيره وانحاس ما ادري وين بنطلون هذا ووين دلاغات هذا ووقت الطلعه يكرم المرء او يهان ههه
ما جلس معهم وقت كافي الا اذا كنت أأكلهم او ادرس وكل الوقت هواش عليهم
5- زوجي ما ا جلس معه واذا جلست معه طلباتي ما تخلص ما عمري جلست معه الا عندي طلبات
6- اذا رحت السوق احس اني ضايعه ما ادري وش ابي اروح ابشتري شي معين وارجع بمئة غرض ما احتاجه
7- بيتي انواع الحوسه مع ان عندي خدامه بس ما اتابعها واراقبها
اثاثي مهمل والسبب ان البيت ما اعجبني وابي اطلع منه ابي بيت افضل
8- دايم بيتي ناقصه اغراض مو لقلة المصروف انما لعدم ترتيب الوقت وتعيين يوم لشراء اغراض الجمعيه
يعني باختصار وقتي وفلوسي ضايعين وحياتي مو مرتبه ودائما اتطلع للمستقبل وما أشوف اللي عندي الحين وهذا مسبب لي مشاكل
فقررت !!!!!!!
اني لازم اغير كل شي
واول شي قررت اني اغيره هو
راسي
اي نعم راسي !! ( ان الله لا يغير ما بقوم حتى يغيروا ما بانفسهم )
لازم اغير اللي اقدر عليه من شخصيتي لازم اغير تفكيري لانه هو السبب الرئيسي للمشاكل
وجلست مع نفسي وقلت انتي الحين يا مزيونه عندك كل شي ولله الحمد والمنه بس ما تشوفينه !!
تركضين ورى الافضل لا انتي حصلتي الافضل ولا انتي استمتعتي باللي ربي عطاج
عندي بيت بس مهملته عشان بيت في المستقبل ما ادري يحصل لي او لا
عندي اطفال بس مهملتهم بكرى بيكبرون واتحسر على عمري
عندي زوج بس مهملته الله يستر عاد من الرجال
عندي خدامه بس اللي ما عندهم خدامات مرتبين اكثر مني
واهم شي اهم شي قاعده اركض ورى دنيا فانيه ونسيت الدار الحقيقه اللي فيها الخلود الحقيقي ما اركض وراها ..
يعني اول شي غيرته بنفسي هو اني اطمح بشكل معقول مع الرضى والقناعه بالموجود
التخفيف من العصبيه وان الدنيا ما تستاهل واذا في موقف حصل لي عصبني اتعوذ من الشيطان واقول في داخلي الحمد لله اللي جت على هذى ومو شي أكبر
ثانيا يعني لو ولدي مثلا كسر شي اقاوم الفكره السلبيه على طول بفكره احسن منها واقول الحمد لله اللي ما انسكرت على رجله او في يده وانجرح وصارت له عاهه او شي .. هالطريقه فادتنى حيل
لو زوجي طلع وما طلعني ذاك اليوم نتمشى اذا رجع اكون معصبه اتعوذ من الشيطان واقول الحمد لله انه بخير ورجع لنا ما صار له شي بالطريق والطلعه بدالها طلعه
واذكر الله
(( الا بذكر الله تطمئن القلوب ))
يعني ثاني شي غيرته البعد عن العصبيه
علمت نفسي اخذ وقتي وافكر واقارن واتمهل في الشراء وفي اتخاذ كل قرارات
اول شي سويت لي ميزانيه
يعني زوجي يعطيني مصروف معين + عندى معاشي
5% للمقاضي
25% لي ولعيالي
25% للبيت
25% للطواريء
وما اتخلى عن هالخطه مهما حصل
واذا ما قدرت اشتري شي الشهر هذا اشتريه الشهر الجاي
واخلي فيه اولويات لكل شهر
واذا مر الشهر بدون طواريء اطلع امشي عيالي او اعشيهم برى بنص القيمه
يعني اكافيء نفسي نهاية الشهر ههه
والنص الثاني اوفره
ومن بعدها بدات بكل جوانب حياتي
وللموضوع بقيه مع الصور
يا بنات الموضوع قريته لاخت الله يجزاها خير واستفدت منه فحبيت انقله للفايده
والله يجعله في موازين حسناتها
تجربتها وكأنها اتكلم عنى ., قلت اسدح الموضوع فى القسم ., يمكن فيه وحده حايسه ولايصه تستفيد منه
اذا لقيت فيه تجاوب من البنات ونفس حالتى حايسين كملت .. واللى فيها كلام وضايقه من أوضاعها فى البيت تذكر تجربتها وحياها الله
واذا مايهمكم الموضوع ., قطوه ورا ظهوركم ولاكأنكم شفتوه ولاعرفتو الموضوع وخلوه يروح ورا
ألتقى فيكم بعدين .. وجمعه مباركه كثرو استغفار والصلاه على الرسول عليه أفضل الصلاه والسلام
شلونكم يا بنات
انا ابتكلم لكم عن تجربتي وكيف حولت حياتي من قمة الحوسه الى الترتيب وبالتالي الراحه النفسيه .
شخصيتي متسرعه وعجوله وابي كل شي تمام وما ارضى الا بالافضل
واذا ما حصل لي الافضل خلاص ما ابي شي وارفض كل شي وهذا اللي دمرني
يعني الدنيا عندي يا ابيض يا اسود
وزياده على هذا عصبيه
من بداية زواجي كانت حياتي كلها حوسه ووقتي كله ضايع وما انفذ اعمالي في وقتها مستحيل
وحياتي مع زوجي كلها مشاكل وبعد ما جبت العيال زادت الحوسه والمشاكل ولما نقلنا للبيت صارت الحوسه حوستين
وفي يوم وقفت مع نفسي وقفه صراحه ومثل اللي جاني الهام من رب العالمين سبحان الله
جلست افكر في نفسي :
ليش أنا هالشكل وحياتى حوسه فى حوسه
1- اذا جيت اروح مناسبات انا آخر من يوصل دائما متاخره ويا ليتني مرتبه
بالعكس الشعر اي كلام واللبس ما تصلح الا قبل الحفله بدقيقتين ومشبك هنا ومشبك هناك ههه
وما اكتشفت انه ما عندي شنطه تناسب الفستان الا آخر لحظه واحيانا اطلع السوق بنفس يوم الحفله ادور جوتى وانواع الحوسه
والميك اب حوسه وزيادة على هذا الوجه اسود من التاخير وهواش زوجي في السياره ههه
- 2-مصروفي يخلص اول 6 ايام من الشهر والباقي اقعد أكش الذبان ههه
- 3- صلاتي مقصره فيها ومانخشع فيها مرات وبسرعه بسرعه
4- عيالي مو مرتبين وملابسهم حوسه اشتري ملابس كثيره وانحاس ما ادري وين بنطلون هذا ووين دلاغات هذا ووقت الطلعه يكرم المرء او يهان ههه
ما جلس معهم وقت كافي الا اذا كنت أأكلهم او ادرس وكل الوقت هواش عليهم
5- زوجي ما ا جلس معه واذا جلست معه طلباتي ما تخلص ما عمري جلست معه الا عندي طلبات
6- اذا رحت السوق احس اني ضايعه ما ادري وش ابي اروح ابشتري شي معين وارجع بمئة غرض ما احتاجه
7- بيتي انواع الحوسه مع ان عندي خدامه بس ما اتابعها واراقبها
اثاثي مهمل والسبب ان البيت ما اعجبني وابي اطلع منه ابي بيت افضل
8- دايم بيتي ناقصه اغراض مو لقلة المصروف انما لعدم ترتيب الوقت وتعيين يوم لشراء اغراض الجمعيه
يعني باختصار وقتي وفلوسي ضايعين وحياتي مو مرتبه ودائما اتطلع للمستقبل وما أشوف اللي عندي الحين وهذا مسبب لي مشاكل
فقررت !!!!!!!
اني لازم اغير كل شي
واول شي قررت اني اغيره هو
راسي
اي نعم راسي !! ( ان الله لا يغير ما بقوم حتى يغيروا ما بانفسهم )
لازم اغير اللي اقدر عليه من شخصيتي لازم اغير تفكيري لانه هو السبب الرئيسي للمشاكل
وجلست مع نفسي وقلت انتي الحين يا مزيونه عندك كل شي ولله الحمد والمنه بس ما تشوفينه !!
تركضين ورى الافضل لا انتي حصلتي الافضل ولا انتي استمتعتي باللي ربي عطاج
عندي بيت بس مهملته عشان بيت في المستقبل ما ادري يحصل لي او لا
عندي اطفال بس مهملتهم بكرى بيكبرون واتحسر على عمري
عندي زوج بس مهملته الله يستر عاد من الرجال
عندي خدامه بس اللي ما عندهم خدامات مرتبين اكثر مني
واهم شي اهم شي قاعده اركض ورى دنيا فانيه ونسيت الدار الحقيقه اللي فيها الخلود الحقيقي ما اركض وراها ..
يعني اول شي غيرته بنفسي هو اني اطمح بشكل معقول مع الرضى والقناعه بالموجود
التخفيف من العصبيه وان الدنيا ما تستاهل واذا في موقف حصل لي عصبني اتعوذ من الشيطان واقول في داخلي الحمد لله اللي جت على هذى ومو شي أكبر
ثانيا يعني لو ولدي مثلا كسر شي اقاوم الفكره السلبيه على طول بفكره احسن منها واقول الحمد لله اللي ما انسكرت على رجله او في يده وانجرح وصارت له عاهه او شي .. هالطريقه فادتنى حيل
لو زوجي طلع وما طلعني ذاك اليوم نتمشى اذا رجع اكون معصبه اتعوذ من الشيطان واقول الحمد لله انه بخير ورجع لنا ما صار له شي بالطريق والطلعه بدالها طلعه
واذكر الله
(( الا بذكر الله تطمئن القلوب ))
يعني ثاني شي غيرته البعد عن العصبيه
علمت نفسي اخذ وقتي وافكر واقارن واتمهل في الشراء وفي اتخاذ كل قرارات
اول شي سويت لي ميزانيه
يعني زوجي يعطيني مصروف معين + عندى معاشي
5% للمقاضي
25% لي ولعيالي
25% للبيت
25% للطواريء
وما اتخلى عن هالخطه مهما حصل
واذا ما قدرت اشتري شي الشهر هذا اشتريه الشهر الجاي
واخلي فيه اولويات لكل شهر
واذا مر الشهر بدون طواريء اطلع امشي عيالي او اعشيهم برى بنص القيمه
يعني اكافيء نفسي نهاية الشهر ههه
والنص الثاني اوفره
ومن بعدها بدات بكل جوانب حياتي
وللموضوع بقيه مع الصور
يا بنات الموضوع قريته لاخت الله يجزاها خير واستفدت منه فحبيت انقله للفايده
والله يجعله في موازين حسناتها
تجربتها وكأنها اتكلم عنى ., قلت اسدح الموضوع فى القسم ., يمكن فيه وحده حايسه ولايصه تستفيد منه
اذا لقيت فيه تجاوب من البنات ونفس حالتى حايسين كملت .. واللى فيها كلام وضايقه من أوضاعها فى البيت تذكر تجربتها وحياها الله
واذا مايهمكم الموضوع ., قطوه ورا ظهوركم ولاكأنكم شفتوه ولاعرفتو الموضوع وخلوه يروح ورا
ألتقى فيكم بعدين .. وجمعه مباركه كثرو استغفار والصلاه على الرسول عليه أفضل الصلاه والسلام
التعليقات (7)
ماشاءالله روعة موضوعك بس بسألك وش طبيعة الألعاب لما تلعبين انتي وعيالك لأن نفسي العبهم بس ماعندي افكار
...
وعليكم السلآم ورحمة الله وبركآته
نقل موفق منجد موضوع مميز
ربي يجزاها خير الكاتبه والناقله
وان شاء الله الموضوع يفيد الجميع
:
وعليكم السلآم ورحمة الله وبركآته
نقل موفق منجد موضوع مميز
ربي يجزاها خير الكاتبه والناقله
وان شاء الله الموضوع يفيد الجميع
:
مضوع مميز بس ماعجبني الزوج مايحب يجتمع مع عياله بالاكل هذا بيكون له اثر سلبي عليه وعليهم
ابي مكنسه بخار تنظف الموكيت وتشيل الغبار منها بدل الصابون وحوسته مع الموكيت→
اتجهت لعيالي
جلست يوم بس اراقبهم
لقيت انهم فوضويين وكل واحد منهم
ياكل بوقت لحاله وياكل بجهه لحاله
ونوعية الاكل اللي ياكلونه مو زينه لهم ابدا والخدامه اي شي يطلبونه تسويه لهم علشان تفتك منهم
وسهرهم في الليل ما كان عاجبني ابدا
اولا لانه غير صحي لهم وثانيا اذا ناموا مبكر ممكن نجلس انا وزوجي لوحدنا
ويكون لنا وقتنا
فسويت لهم جدول
اذا صحى الكبير للمدرسه نصحي الصغير معاه ( طبعا هذا جدول الاخت الله يجزاها خير )
يفطرون سوى واذا راح الكبير للمدرسه ياكل وجبه خفيفه هناك والصغير ياكل وجبه بالبيت
واذا رجع من المدرسه يتغدون سوى
وعملت جدول لغداهم كل يوم اسوي لهم الاكل اللي يحبونه بطريقه مفيده
علمت الخدامه كيف تسويه لهم عشان اذا رجعت للدوام
وكل يوم لازم فيه صحن فواكه مقطعه بشكل مغري ينحط قدامهم وهم يلعبون العصر
وما توقعت ابدا انهم ممكن ياكلون الفواكه لمجرد طريقة العرض
يعني مره نسوي لهم وجه ومره شيش كباب مثل هالصور
والجدول كان كالتالي
يوم نعمل لهم افخاذ الدجاج مع سلطة خيار اسوي لهم الخيار على شكل وردات
ويوم نعمل لهم مكرونه سباجيتي مع جزر
ويوم بيتزا صغار
ويوم رولات هوت دوج
وهذا شكلها
ويوم سمك قطع مقلي
ويوم دجاج بس بالفرن عشان ما يكون دسم
واذا خلصو من الغدا يرتاحون شوي عند التلفزيون بعدين وقت الدراسه ادرس ولدي ساعه والحمد لله صرت اتحكم في نفسي واقلل من عصبيتي واذا ما عرف شي اتعوذ من الشيطان واقول بنفسي االعصبيه ما راح تعلمه .,الهدوء اللي راح يعلمه
واخلي الثاني يجلس معنا مع انه ما يدرس
بس اعطيه قلم وورقه واخليه يخربط او يلون عشان الخدامه تكمل تجهز للغدا لزوجي
واحيانا يزهقنى وعطيه للخدامه ههه
بعد الدراسه لازم العب معهم اي لعبه صغيره والله اغصب نفسي بس والله يستانسون على بال ما نخلص يجي ابوهم يجلسون معه شوي
بعدين العشا والاستحمام والنوم
على الساعه 7 يكونون بسرايرهم
واجلس بقية الوقت انا وزوجي
نجي الان لنفسي
صرت اصحى الصباح اصلي قبل شروق الشمس وانزل
اسوى له الفطور بنفسي واقدمه لزوجي ينفسي حتى لو باقي على دوامي كثير
ولازم اودعه وهو طالع وانا ادعي له
وهو استانس مره من التغيير الله يقدرني واستمر
سبحان الله اشياء بسيطه تسعد الزوج ومع ذلك نهملها
يعني مجرد اني اوقف له عند الباب وهو طالع غيرت معاملته لي من زمان ما كان يرد علي من دوامه او يتصل فيني
الحين صار يتصل فيني من الدوام يقول لي شاخبارك والله اني ما صدقت
المهم
اذا طلع للدوام اروح غرفتي ارتب السرير وهاذي النقطه مره مهمه لاني لو ما رتبته قبل ما اطلع بيجي المغرب وهو ما ترتب
اتحمم وانشف شعري واسوي ميك اب خفيف
بالنسبه لملابس الدوام اجهزها من الليل عشان ما احتار الصباح وش البس
واروح دوامي
في الدوام صرت اعرف اقول لا للاعمال اللي فوق طاقتي واللي راح تضغطني وتاثر على بيتي
يعني من زمان كنت اجامل واكون طيبه مع الكل واتحمل اعمال فوق طاقتي بس النتيجه كانت على حساب بيتي فبدات اقول لا للشي اللي فوق طاقتي واقوم بالعمل اللي مطلوب مني على اكمل وجه وما ااجل اي اوراق لبكره مهما حصل عشان ما تتراكم على
وما آخذ معي اوراق للبيت ابدا
حتى زميلاتي لاحضو علي وقالوا لي متغيره قلت لهم دوام الحال من المحال
ههه
اذا رجعت من دوامي اصلي واقرأ قرآن على بال ما عيالي يرتاحون بعدين يصير معي ساعتين قبل ما يجي زوجي احط بشعري خلطه او ببشرتي ماسك و اجلس ادرس عيالي
واذا خلصت تدريس انزل اشوف الطبخ لان شغالتي تكون مقطعه ومجهزه كل شي وانا اكمل الطبخه واذا طبقت القدر وسويت السلطه اطلع فوق واحيانا اسوي حلى اذا كان عندي اغراض جاهزه واحيانا يكون عندي حلى باقي من امس بعدين اطلع العب معهم شوي او احكي لهم حكايه بعدين اروح اتجهز لزوجي
اتحمم وابخر الغرفه والبيت وامسح الغبار اذا كان فيه واعطر الحمام
والبس اي شي نعوم مع ميك اب خفيف
واستقبله عند الباب بابتسامه وكلمه حلوه
وطبعا الغدا يكون جاهز ومرتب بطريقة حلوه على الطاوله
انتغدى مع بعض واخلي الخدامه تاخذ العيال لان زوجي ما يحب العيال على الغدا لانهم يصيرون شبعانين وبس يلعبون بالاكل
انا ودي انهم يجلسون معنا بس هو للاسف ما يبيهم
اذا خلصنا الاكل يجون العيال عند ابوهم شوي
والخدامه تغسل المواعين
بعدين يروحون يتحممون وينامون وانا اجيب الشاهي والحلى ونجلس نتقهوى انا وزوجي
وبهاللحظه اتجنب اي موضوع يثير المشاكل
والله ان زوجي صار كل يوم يعلق على لبسي وشكلي مع انه من زمان ما يشيل عينه عن التلفزيون هو بصراحه للحين يحب التلفزيون ما اقول لكم انه صار يسكره ويطالعني ههه
بس الوضع تغير بشكل ملحوظ وفي هالوقت وهو رايق اذا عندي طلب اطلبه بطريقه بهدوء وبتوقعات معقوله ويكون طلب واحد فقط
يعني من زمان كنت اعطيه 50 طلب بنفس الوقت وابيهم كلهم بسرعه
وطريقتي كانت طريقة امر والزوج ما ينفع معه
لازم تحددين انتي شتبين وتركزين على شغله وحده وتكون معقوله
واذا نفذ طلبك تنتظرين فتره بعدين تقدمين الطلب الثاني
وانا استفدت كثير من كتاب الرجال من المريخ والنساء من الزهره اكيد انكم تعرفونه او قراتوه
صرت افهم نفسية الرجال وشنو يحب وكيف تكسبين نقاط لصالحك معاه
بعدين
اذا دخل زوجي ينام ادخل انا الحمام واحط كريم الليل ولوشن للجسم بأحماض الفواكه انصحكم فيه يا بنات مره يجنن يسوي نعومه فظيعه اسمه جلايكولكس 15 % يمكن بعضكم مجربه واللي ما جربته وتحب تجربه اول مره تستخدمينه جربيه على منظقه صغيره اذا ما عندك حساسيه منه استمري عليه وبتدعين لي
وبعدين اقرا الورد واذكار وانام
وبكذا ينتهي اليوم
بالنسبه للمناسبات اللي دايما احوس فيها
اذا عرفت عن المناسبه قبل بفتره اجهز الملابس واحجز الكوافيره واطلع للسوق اذا ناقصني شي اجيبه قبل المناسبه باسبوعين على الاقل
واذا كانت المناسبه ما عرفت عنها الا بوقت قليل
يكون عندي بالدولاب فستان للطواريء وهو عباره عن فستان اسود بموديل بسيط وقماشه فخمه بحيث
الفستان الاسود ما يحتاج اكسسوار معين وممكن يمشي معه اي مجوهرات واي شنطه ممكن فضي او اسود واكيد طبعا عندك جوتى اسود
وهذا الفستان لازم يكون جاهز دائما بمعنى اذا خرب فيه شي يتصلح على طول
ولازم الوحده تتعلم تسوي ميك اب بنفسها واي تسريحه بسيطه وتعرف كيف تستخدم السشوار والفير هذا من الضروريات عشان ما ترتبك
واذا لزم تدخل دورات
انا دخلت الصيف الماضي دورة بالمعهد واستفدت كثير
صرت اعرف اسوي ويفي بسيط وشنيون بسيط واعرف اسوي سموكي بسيط
صحيح مو شغل كوافيرات بس شي مرتب ومدروس
طبعا التجربه منقوله ., جزاها الله خير ., والله ينفعكم باللى تشوفونه مناسب لكم