دللي زوجك وخليه يدمن على طريقتك الخاصة ادخلي بسرعه

السلام عليكم ورحمة الله وبركاته
كيفكم يا احلى فراشات
اليوم جبت لكم موضوع
يهم كل متزوجه تهتم بزوجها
موضوع غير عن كل المواضيع
هي رومنسيه بس بشكل غير
هالفكرة قد تكون فكره غير محببه عند البعض ...خصوصا ان صالونات الحلاقه الرجاليه ماليه الدنيا ...وفي كل مكان ...صايره..
لكن بالتاكيد لو انك فتحتي صالون حلاقه مره بالشهر لزوجك ...بالمجان ..وقدمتي فيه الرفاهيه والدلال لزوجك ...بيكون زبون دائم ..عندك
انا طبعا اقصد طريقة العناية الشهريه...لزوجك ...يستاهل الدلال ...
اكيد بيفضل اليدين الناعمه عن يدين الحلاق...
احلى شئ روحي للسوق وتبضعي مستحضرات خاصه للعنايه ببشره زوجك وادوات خاصه للحلاقه ...وفأجئيه بشراء كريمات الخاصه بالعطر المفضل لديه...مثلا
وسترين النتيجه....بعد كل هذا الاهتمام...والدلال..
جهزي مكان حلو ومرتب واذا كان حمامك واسع فهو الأفضل
خلي الأضاءه هادية وحطي شموع لأن الرجال بيكون تعبان واعصابه
مشدوده من الشغل والعيال جهزي كل الأدوات والمناشف
وصدقيني بتكون فرصه للعناية ببشرته ودلعه بنفس الوقت...وبيدمن عليك زوجك ...وبيرفض يروح لاي حلاق...بعد اليوم...
المهم جهزي له القعده مثل ما تحبين
ولا تنسين تحطين وعاء فيه ماء ورد وقطع ثلج واضيفي الورد الجوري
ارفعي شعره بال head band
بعدها سوي له بخار للوجه
وبعدها استخدمي له المقشر
مديه على كامل الوجه و سوي له تدليك على وجهه بحركات دائرية وركزي على منطقة الجبهه والأنف والذقن وقريب الأذن
وانتبهي لو كان شعر ذقنه طالع راح تتعبين معاه وانتي تسوين المقشر وتفركينه بطريقة عكسية لأنها تجرح الوجه بس حاولي تسوينها بخفه ونعومه
تذكرين الوعاء اللي قلت لك تجهزين فيه ماء ورد وقطع ثلج و ورد جوري
خذي هذه الأسفنجه او الليفه المخصصه للوجه
نقعيها بالوعاء وابتدي امسحي المقشر عن وجهه
بعدها حطي الماسك اللي يناسب نوعية وجهه
واتركيه 10 دقايق او حسب مدة الماسك
في هذي الفتره ممكن تسوين له مساج لكتفينه
حطي بكفيك زيت للمساج وامسحي على كتفينه
او على حسب الريحة اللي يفضلها والافضل اللافندر لأنه يهدي الأعصاب
ودلكيه بأحد هذه الأدوات
والأفضل لو بيدك
ولا تنسين تحطين له
قناع العين المجمد عشان يريحه
بعد ما تخلصين
امسحي الماسك وحطي له مرطب للوجه
لا تنسين منطقة العين والشفايف هم تحتاج لعناية
قشري الشفايف بمقشر ناعم مخصص لشفايف وبعدين رطبيها
وللعين استخدمي
مرطب
وانتي براحتك لو تحبين يكون مضاد للتجاعيد او مريح للأعصاب او يعلاج الهالات السوداء
وآخر خطوه استخدمي تونر للبشرة
اما اذا كانت لديك جراه كافيه للحلاقه لزوجك ...فستكون تجربه جميله لك وله
وممكن تنتهزين الفرصه وتبدين لزوجك استعدادك للأهتمام فيه وتدلعينه
قبل الحلاقه لا تنسي ان تحطي كريم خاص بالحلاقه
بعدين جيبي أمواس حلاقة مثلا جيليت ممتازه ..وبعد الحلاقة
لا تنسين ال after shave
والأحلى لو كان نفس ريحة عطره
.
.
خليك بروفيشنال لا تفضحينأ عند الحلاقين...ههه
اتمنى يعجبكم //
تحياتي
روح الانوثة