دلوني والله اني ضايعه

السلام عليكم ورحمة الله وبركاته
اخباركم؟
بنات محتاره مره وابي رايكم
انا مخطوبه(مملكه)والحين من ملكة سنه
بس تخيلو معي موقفي ونصحوني
قبل عقدنا بسبوع مات جد امي وصار العقد مختصر جدا بس انا واختي وصديقتي ومن بيتهم بس امه وخواته الثلاثه(قلت الحمد لله)لانه بسوي خطوبه كبيره يعني اعوض في الخطوبه ويحظرون اهلي وحبايبي
ولكن الصدمه هينا
قبل الخطوبه الكبيره باربع ايام توفه جارنا وولد عم ابوي
وتكنسلت خطوبتي انقهرت حيل
كنت دايما احلم اني البس فستاني وكاشخه وامشي على الجسر والكل يطالع فيني يعني يوم الخطوبه الوحده تحس انها اميره حيل ودي احس بهذا الاحساس(وقلت الله يعوضني في الزوااج يارب)
وخليت فستاني الي كلفني خمسة الاف الريالقلت بلبسه في الصباحيه ماعليه الحمد لله على كل حال واجلت حجوزاتي كلها الا الصباحيه
وبعدها دورنا صاله لزواج للعلم عربونات الصاله والكوشه والمسكه راحت في الهوء
شفنا الصاله بس الحجز كان جدا متاخر يعني 11شهر من الملكه قلنا الحمد لله
وفي ولما قرب الزواج توفت اخت جدت خطيبي الله يرحمها بس الحمد لله ماتاجل يمكن لانه باقي اربع شهور
وبعدها كنا نجهز
رحت اكثر المصممين عشان هلفستان ودي اكوون ملكه واعوض الحطوبه والملكه سويته عند المصمم الي في الخبر شارع سويكت (تواقيع) بصرااحه شغله خيال بس سعره نار28الف مع الاكسسوارات والمسكه والجزمه
ولما لبسته كان عليا جنان وكنت انتظر ليلة الزواج بنار ودي احس بحساس كل بنت
بتحقق امنيتي وبلبس فستان ابيض وبوقف يم حبيبي وخطيبي وفارس احلامي
وقبل الزواج بشهر مات ولد عم خطيبي(شهلحظ)
وتاجل الزواج
وقلت الحمد لله على كل حال (وعسى ان تكرهون شيء وهو خير لكم)
والحين خطيبي يقول ماعاد يقدر يصبر وماتدري يمكن نصبر بعد ويموت احد
وعائلتنه عقده كبيره(اكيد الله يحاسبنه فيهم )يضلون حدااد سنه مادري ليه استغفر الله ياربي
يعني مايهون عليه يتزوج واهله مو حاضرين وحتى انا مايهون عليا خلاص اهله هم اهلي صح؟
والحين يقولي شرايش تسافر ونتزوج وكان الله غفور رحيم
ياربي والله احسها صعبه مووت
انا وياه يمكن نكوون سعيدين والفرحه مو بهذي الليله فقط
بس هذا حلم كل بنت تحملت كل شيء عشان هليله مرت ليالي وانا انتظرها ودي احس بفرحت اهلي لي
ماحسيتت فيها لا في عقد ولا خطوبه ولا زواج بعد والله صعبه والله صعبه
وهلمخاسير وين اروح فيها والفستان الي حلمت فيه وين اروح فيه
ماقدر ابيعه ماقدر اشوفه على غيري وانا تحلمت فيه كثير والله صعبه اكيد بتقولو انانيه بس والله ماقدر
وللمعلوميه انا اكبر وحده من اهلي من عائلتي يعني اهل امي واهل ابوي من عيال خوالي وخالتي وعمامي وعماتي
انا دلوعتهم وفررحتهم والكل ينتظرر هذا اليووم
معقوله مايصير
ماني قادره افكر والله
ابي اريح قلب خطيبي واستقر وانا مو عارفه ويش بيصير ؟ وابي عرس ابي البس فستاني ابي اشوف اهلي وربعي وحبايبي يمي ابي احس اني عرووس اتمنى تفهموني
انتظر ردكم ريحوون خواتي انا انتظر ردكم
محتاجه لكم (ضايعه دلوني )