ذبحني زوجي الي حبيته والله ذبحني الخاين

1. ايش اتصرف اواجهه حينكر ويقول صاحبي استخدم الجوال

بنات اكتب لكم وانا ارتعش مو قادرة ابلع ريقي من الخنقة الي حاستها مو قادرة اطالع الشاشة من دموعي احسها حارة نار بصدري ونفسي مو قادرة اخذه
بنات انا وزوجي نحب بعضنا موت والله يابنات ما اشوف الا هو واحس منه نفس الشي مع ان تجيه فترات يكون بارد بكل شي معاي لكن اعذره واقول من ظغوط العمل ويجي هو بعد فترة يقولي سامحيني كنت مضغوط وراح اعوضك,,
قبل 4 ايام كان ذكرى زواجنا الرابعة رحت بعت من ذهبي واخذت له احلى الهدايا بس اهم شي اشوف الفرحة بعيونه
وبالمقابل ما ااهداني ولا شي كعادته بحجة انه ناسي وانا متأكدة انه فاكر بس عشان ظروفنا الزفت عذرته اهم شي وقت يجمعنا بحب..
بنات قبل شوي جينا من السوق اتعشينا وراح نام هو ونسي جواله بغرفة التلفزيون..ماجاني نوم دخلت هالمنتدى الي احبكم فيه
ومديت يدي لجواله بشوف رسايلي واقلب جواله
انصدمت يابنات
ذبحني ورب الكعبة ذبحني قتلني
لقيته مرسل لرقم غريب هالعبارة
((ليش مغطية عيونك الحلوة))
يا ال له يالفت الدنيا فيني مو معقول خرجت من المسج رجعت له مو مصدقة
صحيح الي قريته
ليه يازوجي حرام عليك ذبحتني وقسم باله انا اتمنى مت بهالحظة ولا شفت هالمسج
ضعت مو فاهمة مو عارفة انا ما استاهل يخونني انا مو مقصرة معاه على كلامه وكلام اهله والي يعرفوني
انا كل فترة اجيه اسأله واحلفه اذا مقصرة بحقه واسأله ايش يحب اعمله ولحد اسأله انت ايش تحب فيني وايش ما تحب لاغيره لعيونك
كل ذا من حبي فيه
هو يشتغل بمستشفى موظف اداري وعارفة انه جذاب ووسيم بس فوق كذا عطيته الثقة وعطاني العهد ما يخونني لا بنظرة ولا بكلمة عاهدني يحفظ لي كل مافيه ولا وحدة تهزه
رحت للمستشفى كم مرة واشوف الممرضات والموظفات يفرون عليه وينعسون بعيونهم له وهو مطنش هالتصرف خلاني ارفع خشمي فوق واقول ما حيطوله غيري انا حبيبته بس انا مالية قلبه وعينه
طيب اذا كذا الحال اش معناه المسج ولمين

ايش اتصرف اواجهه حينكر ويقول صاحبي استخدم الجوال

ادق على الرقم ما توقع راح تسمع لي البنت واصلا ايش راح اقول للبنت وايش اسألها
اجلسه قدامي واخليه يدق على الرقم ؟؟؟ايش حيقول واش حتقول ما اضمن يجلس لي ويخلني احشره كذا ممكن يقول هذي خوية صاحبي ما راح ادق وياخذ بعضه ويطلع وطبعا لو انها خويته راح يقولها لا تردين على رقم غريب او يخلي بينهم شفرة
ياه راسي بيطق وقلبي ينزف قهر قهر
ردو فهموني