رائحة جنان لغرفة المعيشه زوجك راح ينهبل معها افكارزوجيه

سلام يافراشات
كيفكم ؟ واش اخباركم ؟
انا الصراحه اموت على اقسام الديكور والمنزل وأكثر ما يعجبني
النظا افه لان المنزل حتى ولو كان اثاثه متواضع أو قديم أو غير ذلك ليس هو المهم
لان مو كل الناس عايشين في بيوت راهيه
أهم شي النظافه لانها تنعكس على اهل المنزل وعلى نفسياتهم حتى على زيارات الناس لهم
لان فيه ناس أكيد ما تحبون تروحون لهم لدرجة انك ماتقدرين تطلبين المويه !! مع أحترامي للجميع ولكن هذي حقيقه لازم تعترف فيها
فأجعلي شعار منزلك النظافه هي الاساس
حبيت أقدم لكم طريقه حلوه لتعطير غرفة المعيشه لان أغلب التواجد اليومي للعوائل في هذه الغرفه وزوجك او والدك لما يجي من الدوام ما يجلس الا في هالغرفه
فأجعليها من أساسيات البيت
1- أهتمي بتنظيفها بشكل يومي وأزالة الاتربه من على الtvوالمكتبه لان تنضيفها ارى انه يومي نظرا للأجواء الغباريه اغلب الايام
نظفي الشباك والابجورات والاناره للغرفه والستائر والجلسه كل أسبوعين أو في الشهر مره واحده على حسب كمية اتساخها
قبل ما تكنسين الغرفه جيبي البودره اللي تنرش على الفراش وروائحها جنا ممكن تلاقينه في السوبر ماركت بالتوت اوالليمون او الفراولا او ............................الخ
المكنسه الكهربائيه هي اسا ااس المنزل
اهتمي بتنظيفها بشكل دوري وعطريها من الداخل او بخريها او حطي بداخلها زيوت من حق الفواحه والروائح الجنان تلاقونها في سيتي بلازا او cazaanova عندهم زيوت رائعه
بعدما ترشين من البودره كنسي الغرفه مظبوط طبعا بعد ما تكونين منظفه الشباك والمكتبه والتلفزيون وملمعه الدنيا !!
خذي البخاخ الخاص للمفارش والستاائر تلاقونه في محلات العطور فيه بخاخ حلو أسمه , مذهله , أو خذي من العطور الي موجوده في نكتار عندهم أشياء جنان ورشي على خفيف الجلسه والارضيه
وعلى فكره ممكن تجيبين بودرة جسم عندك رائحتها حلوه وترشينه على الرضيه والجلسه
وممكن ايضا تجيبين عطرك الخاص والمفضل أما المتزوجات فخذي عطرك اللي يحبه زوجك وبخي منه شوي علشان يتذكرك طول ماهو جالس
شغلي الفواحه وفيه روائح تخبل عن زهزر الريف
وأخر شي بخري بكسرة عود وليس معمول لان العود يمسك ويعطي الجالس راحه نفسيه
هذا كل اللي عندي وترون مو لازم تنحط هالاشياء كلها لكن اهتمي برائحة الفراش حتى لو صليتي عليه من دون سجاده راح تدوخين من الرائحه الحلوه ويكفي نظرة زوجك لك لمن يشم هالروائح
ولدي ملاحظه ....................
اذا كان عندك اولاد قفلي الغرفه لين ما يجي ابوهم وخلي المكيف شغال لكن لاتكون مكتومه من الروائح بعدين يروح فيها !!!
أنا لمن أخلص أقفلها وابخر البيت ببخور ثاني ممكن معمول او مبسوس وابخ بأي عطر ثاني على شان لمن تنفتح الغرفه راح يفاجأ
ممكن تكتفين بتعطير الفراش وتشغيل الفواحه لفتره بسيطه ووضع قليل او بمعنى آآآخر كسره من العود
ومع رائحه مميزه وتكييف بارد من بعد الحر وكأس عصير بارد راح تشوفي كيف زوجك راح مايشوف غيرك
اتمنى مع كل هذا تكونين كاشخه ومحممه عيالك وملبستهم زين
علشان تحلا الجلسه
وممكن انك تشغلين اولادك في غرفه علشان تستقبلينه على راحتك ويشرب عصيره بعدين دخليهم عليه
لانه من الضروري ان الزوج يشعر بالراحه في منزله حتى ولو كان البيت مليان أطفال
وهذي رساله الى كل وحده تشكي من معاملة زوجها السيئه
وأتمنى من كل وحده تجرب ترد عليه
وصدقوني ماراح تندموا