رجيم خطير بدون جوع وللحلوات اللي اذا سووا رجيم يجلسوا اسبوع ويوقفوا

سلام لاحلى فراشات
سلمكم الله القصة وما فيها :
كان يا ما كان في بنوته حلوه اللي هي انا سافرت لخارج المملكة لعدة سنوات
وفي يوم من الايام وقبل العودة الى الوطن بعده شهور>>>> احلفي يالعربي انتي
المهم ناظرت روحي بالمرايه واذا انا ودعت الرشاقه والنحف يعني تقريبا سمنت عشره احدى عشر كيلو بعد ما كان جسمي مثال للرشاقه
اول شي حرمت روحي من الاكل يعني اذا جعت على طول نمت عشان ما اكل
صح نقصت لكن ما استمريت لاني طفشت واللي ما احبه اني احس بالجوع
وسويت انواع الريجيمات لكن ما فادني شي لاني اسويه اسبوع واتركه
بالاخير علمتني وحده الله يجزاها كل خير رجيم وهو
1- خلي عندك ثلاث وجبات كالعاده لكن قللي مثلا : اذا كان غداكم رز حطي لك مغرفتين
يعني الاكل حطي لك مقدار مغرفتين
2- كلي شوي شوي لاتستعجلي ولا تسولفين وانتي تاكلين يعني خليك بطيئه بالاكل
3- اهم شي لاتاكلين بين الوجبات خاصه الحلويات والمشروبات الغازيه وابتعدي عن الوجبات السريعه
4- اذا جعتي بين الوجبات عليك بالفاكهه
5- لا تشربي ماء قبل او بعد الاكل الا بعد ساعة كامله
6- عليك بالمشي لمدة ساعة او نصف ساعة على الاقل
7- اما اذا مشتهيه خبز او صامولي كلي ربعها بس و احشيها اللي تبين
واستمري عليها اصلا بتتعودين
انا خلاص تعودت يعني لا اكلت اكثر من كذا احس اني برجع كل اللي اكلته
وطلع جسمي احسن من اول بمليون مره
وصدقوني الي تجربه راح تدعيلي