رحلتى الى التسوق في الدمام امس

السلام عليكم شخباركم فراشات
امس انا وزوجى وامي واختى رحنا نتسوق في الدمام
اول ما بدينا الحياة بلازا لان زوجي ما يدل لازم اول نروح عند الحياه بلازا نزلنا وتسوقنا اشوى وبعدها رحنا الى ستى ماكس الصراحه تعجبت احنا عندنا فرع في البحرين على طول اشترى منه واعرف الاسعار الى عندكم في اشياء مو موجودة في البحرين بس انا شفت كم بلوزة ما خذتنهم حق بنتى في البحرين 20ريال شفت في السعوديه اكثر سعرهم ازيد استغربت واكتشفت ان فرع البحرين ارخص مع ذلك اخذت كم قطعه الى بنتى وبعدها رحنا العبيدى الصراحه عنده اشياء عجيبه حق لباس الاسبورت اخذت الى بنتى 4 قطع ما شاء الله تجيكي البدله 3 قطع بس 40ريال ونوعيه زينه ومحترمه الصراحه عجبنى وبعدها رحت سابل بعد عندهم بيجامات اخذت 3 قطع اسعارهم تمام وبعدها رحنا السعر المنافس القديم الصراحه ما عجبنى شي حق العيد اخذت بلوزات جنان اخذت الى بنتى 10 بلوزات وبنطلوات جينز نفس سعر البحرين بس الصراحه موديلات جديدة ومميزه وبعدها رجعنا البحرين لانه زوجى عليه دوام الصبح وهو مسكين رجع من الشغل وعلى طول وداني كسر خاطرى بس ان شاء الله يرضي يودني مرة ثانيه
سامحونى اذا طولت عليكم