ردوا علي وربي متضايقه مره

انا انصحك انك تحطي خلطه (( الحنه السوداء تقوي الشعر من االجذور وانا انصحك فيها ))

بسم الله الرحمن الرحيم
عزيزتي دلوعة انصحك نصيحة لو جه الله لا تستعملين اي زيت لأن شعرك يتصاقط والزيت يزيد التصاقط
لذا اغسلي شعرك با السدر وهو احسن علاج لتصاقط ولجميع مشاكل الشعر واذا كان شعرك جاف
اذا غسلتيه وقبل ان يجف امسحي قليل من كريم صانصلك بجوز الهند امسحيه بين يديك ثم امسحي به شعرك
وأن شاءالله بتدعين لي وتركي عن اي شامبو مهما كان له من دعايات بس المهم ان يكون السدر من عند عطار
نضيف ويكون لونه اخضر فاتح زاهي مو باهت لأن الباهت يكون قديم او فيه تراب لذا اخذي حذرك وربي يوفقك
واي استفسار اعتبريني اختك الكبيرة او امك
اختك المخلصة

والله ما اقدر افيدك
سلام

انا اايد كلام اختي افلاجية مو كلشي ينحط لاي شعر وخصوصا اذا صرتي تحطي كذا زيت او كذا خلطة الشعر راح ينتكس ويتساقط انا اعمل في صالون وشفت زي حالتك كثير ممكن التساقط ناتج عن الرضاعة الطبيعية او ادوية منع الحمل احسن حل قصي اطراف شعرك عشان يصحصح واستعملي السدر بدل الشامبو وعملي حمام زيت من الحلبة وزيت عافية بس

اختي انا كنت في رمضان تساقط شعري شي مو طبيعي
لاكن الله يوفق البنت اللي كتبت وصفة الحلبه مع زيت عافيه وربي روعه وقف تساقط شعري من اول اسبوع الحمدلله
على العلم انا مااخذ حبوب منع حمل ولااي نوع حبوب بس فجئه كذا تساقط وبطريقه تخوف فروة راسي بانت
اما خلطة ( ملعقة مايونيز _علبة روب _بيضه _ملعقة عسل _ملعقة بلسم _ملعقة زيت زيتون )
خلطيهم وحطيهم في شعرك وحطي عليهم كيس نايلون لمدة نص ساعه قبل الاستحمام
خطيره خطيره خطيره وتسوي الشعر جنان جنان جنان
في النعومه واللمعان انا جربتها يوم العيد خواتي كل ساعه
وجلسو يطالعون في شعري ومستانسين عليه
تعلمي اللي تاكلين في فمك تأكلين به شعرك

جربي عصير البصل حلو للتساقط

احسن شئ الحنه

هلا بك اختي
حاسه فيك كثير والله يعينك .
اذا كان التساقط كثير وملحوظ بالشكل اللي تقولينه نصيحتي لك تروحين طبيب مختص افضل
او تشترين من ماركه كاريتا ابر تحطينها بشعرك مرتين بالاسبوع انا جربتها بصراحه رهيبه بالمره
قيمتها 200ريال وتكفيك لمده شهرين او شهر ونص وتلقينها عند محلات وجوه(faces) او باريس جاليري.

إسمعيني حبيبتي صديقتي مرة أتصلت عليها أختها تشتكي إن شعرها مرة يتساقط ونصحتها ب........
علبة زيت زيتون وثوم كثير حطيهم في علبة وخليهم يوم كامل وبعدها إبدي إستخدمي الزيت بس ...
بعدها أتصلت عليها أختها وتقولها يالله شعري وقف تساقط وصار لونة أسود وعلى فكرة تري سامعة إن
الثوم يكثر الشعر ولاتشيلين هم ريحة الثوم لإنك بتاخذين الفايدة بس مابتاخذين الريحة وانا أوصيك بالتحصين مع
الخلطة هذه أنا شعري كثيرماشاء الله لما كنت في المتوسطة وفجأة تساقط صار شكلة يحزن
وصرت أحصنة بس لا خلطة ولا شيء ورجع الحمدلله لكن أنتي حصني وسوي الخلطة وبالتوفيق
تكفين إذا أستخدمتيها ونفعتك تدعين لي بالذرية الصالحة المعافاة............