رز غريب عجيب يجملك مع أكبر ضيف

بسم الله الرحمن الرحيم
عندي لكم طريقة رز رائعه جدا.. تسوينها ونتظري المدح من ابو العيال ومن ضيوفك طبعا لدرجة ان بعض الضيوف يقولون جايينك بس بشرط .. الله الله في الرز
نبدأ بدون مقادير...جيبي دجاج او لحم والأفضل دجاج بعد مايتنضف تحطينة بلقدر الضغط ومعاه بصلة كاملة فصين ثوم ومسمار وهيل وملح..تخلينة الين يستوي وفي هذي الأثناء تكونين غسلتي الرز وصفيتيه بدون نقع( افضل رز عن تجربة هو العيسائي) ..تطلعين الدجاج وتصفين المرق وتسلقين الرز مع البهارات المعتادة وتحطين عدجاج الخلطة التالية:
نص ملعقة زعفران مخففة فماء مع شوية ثوم بودرة وملح وكمون ..تحطينها عدجاجة بالفرشة وتوزعينها وتحطيها بالفرن للتحمير:::
الحين تجيبين بطاط مقطع مكعبات+جزر مبشور+بصل مقطع جوانح+زبيب +مكرونه سباغيتي مسلوقة تقلين البطاط اول شي بدين الجزر معاه ثم البصل واخر شي الزبيب ترشين عليها رشة زعفران والبهارات اي تحبين
الحين تغرفين الرز الأبيض وترى العيسائي ابيض رائع اللون وتحطين الدجاج بالنص وتوزعين الخلطة بشكل دائري وشوفي محلى تدرجات الألوان..
وألف صحة