رواية الحب الضائع بقلمي

1. قصتي ..~ الحب اضائع ..~


2. اتمنى تعجبكم


3. الكل : مفهووم


4. بلال : فاضيلك انا


5. مرام : اوف منك ياريت عندي اخو ثاني احسن منك

السلام عليكم

قصتي ..~ الحب اضائع ..~

اتمنى تعجبكم

بداية القصة تحكي عن مجموعة من الشباب اصحاب في المرة والحلوه واذا سار بينهم خلاف واتزاعلوا يجلسوا حق يومين ويتصالحوا وطبعا كل واحد منهم يحب وحده وكل واحد له قصه حب مع حبيبته وطبعا ما ننسى كل واحد منهم يتميز بشيء
( علاء –ياسر - فهد– بلال – احمد )
علاء : ثالث ثانوي وعنده شخصية قوية وهادئ اما عن شكله فهو نحيف وطوله متوسط شعره عادي
وهو اكبر اخوانه وعنده اخو صغير 3 ابتدائي وابوه يشتغل مدير شركة للاجهزة الكهربائية
فهد : ثالث ثانوي معروف بدمه الخفيف وهو مستهتر احيانا طبعا نحيف وشعره ناعم ولونه على بني
وعنده اخت اكبر منه متزوجة وابوه شريك لابو علاء في الشركة
بلال : ثالث برضو وهو اشطر واحد فيهم و يلبس نظارات
وعنده اخت 1ثانوي عن شغل ابوه فهو يشتغل مهندس معماري
احمد : ثالث ثانوي شعره اسود ناعم وشخصيته مرحه
ابوه صاحب معرض سيارات ويحب السيارات وهو وبلال اصحاب من المتوسطة
ياسر : ثالث ثانوي واكبر اخوانه وابوه صاحب محلات للعطور وهو اصيع واحد فيهم
احب اقولكم كلهم صايعين بس مو بقلة ادب ووقت الواجب تشوف فيهم الرجولة
اتفقوا الشباب انهم يطلعولهم مكان وكل واحد اختار مكان وفي النهاية اتفقوا يروحو على البحر ...
وهناك طبعا جابوا بلوتو وجالسين يلعبوا وغير الفصفص والمكسرات وشوي جوال ياسر دق قام على طول من مكانه وراح وقف عند البحر
ياسر : هلا سارة كيفك
سارة : اهلين يسوري الحمد لله بخير وانت كيفك ؟
ياسر : بخير دامك بخير
سارة : انت فين صوتك برا البيت
ياسر : ايوة يا عمري انا على البحر اطالع في البحر واتمناكي معايا
سارة : واو والله نفسي اكون معاك بس انا خارجة مع صحباتي
ياسر : مرة ثانية ان شاء الله يلا حبيبتي الشباب ينادوني
سارة : اوك باي
( ياسر متعرف على سارة عن الطريق الشات من قبل سنتين وهو حبها حب صادق ويفكر لمن يتخرج يخطبها )
سارة سنة 1 ثانوي ابوها دايم مسافر وامها مشغولة عنها في الافراح وهي دايم مع صحباتها في استراحات وافراح
ياسر رجع للشباب
بلال : مين كنت تكلم
ياسر : وانت ايش دخلك
علاء هادئ ودمه ثقيل شوي ضحك ضحكة استهزاء وقال : طبعا من غيرها سارة
احمد : ههه يا ولد انت من جدك تحبها
ياسر : يب احبها وافكر فيها في كل دقيقة
بلال : يعني هذي مو اول وعده تكلمها ايش معنى حبيتها
ياسر : اعترف اني كنت اكلم البنات بس هذي غير كل البنات وانا من بعد ما عرفتها معد سرت اكلم غيرها ولحد يغلط عليها مفهوم

الكل : مفهووم

وكملوا جلستهم ضحك ومزح وبعد كذا كل واحد راح بسيارته طبعا احمد معاه موستنغ خطير وكل يوم يجيهم بسيارة لان ابوه عنده معارض سيارات وبلال معاه كامري وياسر معاه جمس معدل فيه ومزبطه وكاتب من ورا حرف الs << سارة وعلاء معاه لكزس
ثاني يوم في المدرسة كان عليهم احياء طبعا بلال حل الواجب وعلاء دفتره كامل واحمد كمان بس ياسر نقله في المدرسة
ياسر كل طاوله حرف السين وفرحان بيها
وبعد دوام المدرسة كل واحد رجع لبيته وبلال راح مع احمد لانهم في نفس العمارة من يوم هما في المتوسطه واحمد كان ساكن في المدينة وبعدين نقل جده عند عمارة بلال ..
مرام : بلبل ابغى اخرج مع صحباتي
بلال : مافي خرجة كذا انتم لوحدكم
مرام : ياخي طفش ايش اسوي
بلال : قلت مافي يعني مافي
مرام : اووف منك انا اكلم امي
بلال : كلميها ولو وافقت مافي خرجة
مرام : طيب انت اليوم فين خارج
بلال : ولا مكان جالس في البيت
مرام : طيب خرجني ابغى اروح السوق

بلال : فاضيلك انا

مرام : اوف منك ياريت عندي اخو ثاني احسن منك

وعصبت وراحت على غرفتها ومن الطفش نامت , قامت على اذان المغرب وشعرها حالته حالة وعيونها منفوخة المهم خرجت من غرفتها وراحت لغرفة بلال دخلت بدون ما تدق الباب وجلست على الكنبة وراسها منزل تحت وبصوت كله نوم
مرام : ياسر ابوي ما رجع من العمل
ياسر طالع فيها بنظرة غضب
مرام عصبت وطالعت فيه : ياخي ليش ما ترد
انتبهت انهم مو لوحدهم في الغرفة كان في صاحب بلال
مرام على طول قامت وخرجت برة وقلبها يدق وقفت على المرايا شافت شكلها تحفة
على طول وجهها حمر
بلال طالع في علاء كان منزل عينه
بلال : معليش هذي المرجوجة اختي ما تدري انك هنا
علاء : تاخذ راحتها هذا بيتها
مرام في غرفتها جالسة تبكي لانها عارفة كيف بلال مرة يغار عليها وماراح يسبها من اللي سار
راحت على غرفة امها وضمتها وجالسة تبكي وحكتلها الحكاية كلها
ام مرام : لا تخافي يا بنتي ماراح يسويلك شي انتي ما سويتي شي غلط انتي ما كنتي تدري صح
مرام : ايوة ما ادري هو ما قال انو صاحبه جي قال انه راح يجلس في البيت اليوم
ام مرام : خلاص يا بنتي قومي صلي المغرب
مرام : حاضر يا امي
وقامت صلت
بعد العشاء تقريبا خرج علاء من عند بلال